ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ກອງປະຊຸມໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ

ກອງປະຊຸມໃຫຍ່ຄັ້ງທີ V ໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ

ຂອງຄະນະໂຄສະນະອົບຮົມແຂວງ ໃນຕອນເຊົ້າ ເວລາ 8:30 ນາທີ ຂອງວັນທີ 04/09/2019 ຜ່ານມານີ້ໜ່ວຍສະຫະພັນແມ່ຍິງຂອງຄະນະໂຄສະນາອົບຮົມແຂວງ ໄດ້ເປີດກອງປະຊຸມໃຫຍ່

ຄັ້ງທີ V ຂອງຕົນຂຶ້ນຢ່າງເປັນທາງການ ທີ່ຫ້ອງປະຊຸມຄະນະໂຄສະ ນາອົບຮົມແຂວງ ມີຜູ້ຕາງໜ້າໜ່ວຍແມ່ຍິງທີ່ມາຈາກສຳນັກງານ, ອົງການອ້ອມຂ້າງ ແລະ ບັນດາສະມາຊິກສະຫະພັນແມ່ຍິງພາຍໃນຄະນະໂຄສະນາອົບຮົມແຂວງ ເຂົ້າຮ່ວມກອງປະຊຸມໃຫຍ່ທັງໝົດ 25 ສະຫາຍ, ຍິງ 23 ສະຫາຍ ໂດຍພາຍໃຕ້ການເປັນປະທານຂອງທ່ານ ນ. ວັນເຮືອງ ສໍດາລາ ຮອງຫົວໜ້າຄະນະໂຄສະນາອົບຮົມແຂວງ, ປະທານໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໂດຍໃຫ້ກຽດເຂົ້າຮ່ວມຂອງທ່ານ ນ.ຈັນມະນີ ນາມວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ແລະ ທ່ານ ນ. ວັນ ຈອມວິສານ ຄະນະບໍລິຫານງານສະຫະພັນແມ່ຍິງແຂວງ. ກອງປະຊຸມດັ່ງກ່າວ ສະຫາຍ ນ. ຈັນມະນີ ສອນວິຈັນ ໄດ້ຂຶ້ນຜ່ານໃບອະນຸມັດເປີດກອງປະຊຸມໃຫຍ່ສະບັບເລກທີ 319/ສຍຂ, ລົງວັນທີ 1 ກໍລະ ກົດ 2019. ຈາກນັ້ນ ທ່ານ ນ. ວັນເຣື່ອງ ສໍດາລາ ປະທານໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ກໍ່ໄດ້ຂຶ້ນຜ່ານບົດລາຍງານການເມືອງ 2 ພາກຂອງໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ຈາກນັ້ນຜູ້ຕາງໜ້າໜ່ວຍສະຫະພັນແມ່ຍິງ ມາຈາກພາກສ່ວນຕ່າງໆ ແລະ ສະມາຊິກແມ່ຍິງພາຍໃນໜ່ວຍ ໄດ້ປະກອບຄໍາຄິດຄໍາເຫັນໃສ່ບົດລາຍງານການເມືອງທັງ 2 ພາກ ເພື່ອໃຫ້ເປັນບົດສົມບູນ. 

ຄະນະໜ່ວຍຊຸດເກົ່າ ກໍ່ໄດ້ຂຶ້ນຜ່ານບົດສໍາຫຼວດໃນໄລຍະ 5 ປີ ທີ່ຜ່ານມາ ພ້ອມທັງລາໜ້າທີ່ຄະນະຊຸດເກົ່າຢ່າງເປັນທາການ. ຈາກນັ້ນ, ຕາງໜ້າຄະນະບໍລິຫານງານສະຫະພັນແມ່ຍິງແຂວງ ໄດ້ຂຶ້ນຜ່ານມາດຖານຜູ້ທີ່ສະໝັກເລືອກຕັ້ງເປັນປະທານໜ່ວຍສະຫະພັນແມ່ຍິງຊຸດໃໝ່ ແລະ ດຳເນີນການຄັດເລືອກຄະນະໜ່ວຍຊຸດໃໝ່ຊຶ່ງມີ 3 ສະຫາຍ ຄື: ສະຫາຍ ນ. ສຸກສະຫວັນ ໄຊຍະວົງ, ສະຫາຍ ນ ຈັນມະນີ ສອນວິຈັນ ແລະ ສະຫາຍ ນ ອ່ອນແກ້ວ ສຸລິດາ; ຜົນການຄັດເລືອກໃນຄັ້ງນີ້ແມ່ນໄດ້ 2 ສະຫາຍ ຄື: ສະຫາຍ ນ. ສຸກສະຫວັນ ໄຊຍະວົງ ເປັນປະທານໜ່ວຍສະຫະພັນແມ່ຍິງ ແລະ ສະຫາຍ ນ. ອ່ອນແກ້ວ ສຸລິດາ ເປັນຮອງປະທານໜ່ວຍສະຫະພັນແມ່ຍິງ ຂອງຄະນະໂຄສະນາອົບຮົມແຂວງ.

ໃນພິທີທີ່ມີຄວາມໝາຍຄວາມສໍາຄັນດັ່ງກ່າວ ທ່ານ ນ. ວັນ ຈອມວິສານ ຄະນະບໍລິຫານງານສະຫະພັນແມ່ຍິງແຂວງ ໄດ້ໂອ້ລົມຕໍ່ບັນດາຄະນະສະຫະພັນແມ່ຍິງໜ່ວຍຊຸດໃໝ່ ແລະ ບັນດາສະມາຊິກຈາກຫຼາຍພະແນກການທີ່ເຂົ້າຮ່ວມໂດຍສະເພາະແມ່ນຄະນະໂຄສະນາອົບຮົມແຂວງ, ໃຫ້ເນັ້ນໜັກກ່ຽວກັບສິດສະເໝີພາບລະຫວ່າງຍິງ-ຊາຍ,  ເອົາ ໃຈໃສ່ຝຶກຝົນ ແລະ ພັດທະນາໃຫ້ມີບາດກ້າວຂະຫຍາຍຕົວ ໃຫ້ບັນລຸຕາມແຜນການຄາດໝາຍໃນຕໍ່ໜ້າ ໃຫ້ມີຜົນສໍາເລັດ, ສ້າງເສດຖະກິດຂອງຄອບຄົວເອື້ອຍນ້ອງແມ່ຍິງ ໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ ແລະ ເອົາໃສ່ສຶກສາອົບຮົມດ້ານການເມືອງ-ແນວຄິດ ໃຫ້ເອື້ອຍນ້ອງແມ່ຍິງພາຍໃນໜ່ວຍເຊື່ອມຊຶມແນວທາງຂອງພັກ, ກົດໝາຍກ່ຽວກັບແມ່ຍິງໃຫ້ຫຼາຍກວ່າເກົ່າ. 

ກອງປະຊຸມຂອງຄະນະໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໄດ້ດໍາເນີນມາເປັນເວລາ 1 ຕອນ ແລະ ໄດ້ປິດລົງດ້ວຍຜົນສໍາເລັດຢ່າງຈົບງາມ. 

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

152400
ມື້ນີ້ມື້ນີ້145
ມື້ວານນີ້ມື້ວານນີ້206
ອາທິດນີ້ອາທິດນີ້711
ເດືອນນີ້ເດືອນນີ້5124
ທັງໝົດທັງໝົດ152400

ບົດຄວາມທີ່ໄດ້ຮັບຄວາມສົນໃຈ