ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ຄະນະໂຄສະນາອົບຮົມເມືອງຜົ້ງສາລີ ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າຢູ່ກູ່ມ ງາຍໃຕ້ ແລະ ກູ່ມຫາດຫີນ

ຄະນະໂຄສະນາອົບຮົມເມືອງຜົ້ງ​ສາ​ລີ

ເປີດ​ຮຽນ​ສະ​ໜັບ​ສະ​ໜູນ​ໃຫ້​ມະ​ຫາ​ຊົນ​ຜູ້​ກ້າວ​ໜ້າ​ຢູ່​ກູ່ມ​ ງາຍ​ໃຕ້ ແລະ ກູ່ມ​ຫາດ​ຫີນ

      ໃນ​ລະ​ຫວ່າງວັນ 25-27 ມັງ​ກອນ 2021 ຄະນະໂຄສະນາອົບຮົມເມືອງຜົ້ງ​ສາ​ລີ ໄດ້ຈັດພິທີເປີດ ຮຽນສະໜັບສະໜູນໃຫ້ແກ່ມະຫາຊົນຜູ້ກ້າວໜ້າ ເພື່ອຂະຫຍາຍເຂົ້າພັກ ຊຸດທີ I ປະຈໍາປີ 2021 ຂຶ້ນ

ທີ່ກູ່ມ ​ງາຍ​ໃຕ້ ແລະ ກູ່ມ ​ຫາດ​ຫີນ ໂດຍພາຍໃຕ້ການເປັນປະທານຂອງທ່ານ ສຸ​ລີ​ວັນ ແສນ​ສະ​ຕິ ກໍາມະການພັກເມືອງ, ຫົວໜ້າຄະນະໂຄສະນາອົບຮົມເມືອງ, ເຂົ້າ​ຮ່ວມ​ຮ່ຳ​ຮຽນມີບັນດາມະຫາຊົນ​ຜູ້​ກ້າວໜ້າທີ່​ມາຈາກ 9 ໜ່ວຍພັກ​ທີ່​ຂຶ້ນ​ກັບ 2 ກູ່ມຈຳ​ນວນ 19 ສະຫາຍ, ຍິງ 3 ສະຫາຍ ເຊິ່ງທັງ 19 ສະຫາຍ ​ລ້ວນ​ແຕ່​ເປັນຜູ້ທີ່ມີມາດຖານເງື່ອນໄຂ, ມີຄຸນທາດການເມືອງໜັກແໜ້ນ, ມີຄຸນສົມບັດສີນທໍາປະຕິວັດ ແລະ ເປັນແບບ​ຢ່າງໃນຄວາມບຸກບືນ, ຫ້າວຫັນ​ເຮັດ​ສຳ​ເລັດຕໍ່ໜ້າທີ່ວຽກງານ​ທີ່​ໄດ້​ຮັບ​ການມອບ​ໝາຍ.

  ໃນພິທີດັ່ງກ່າວ ທ່ານຫົວໜ້າຄະນະໂຄສະນາອົບຮົມເມືອງ ກໍ່ໄດ້ເຜີຍແຜ່, ເຊື່ອມ​ຊືມ ແລະ ອະທິ ບາຍຊີ້ແຈງເນືິ້ອໃນເອກະສານ ກ່ຽວກັບຄວາມ​ຮູ້​ເບື້ອງ​ຕົ້ນ​ກ່ຽວ​ກັບ​ພ​ັກ ເປັນ​ຕົ້ນ​ແມ່ນຄວາມໝາຍສໍາຄັນຂອງພັກການເມືອງ, ຄວາມເປັນມາຂອງພັກປະຊາຊົນປະຕິວັດລາວ, ຫຼັກການ ແລະ ລະບົບສາຍໄຍການຈັດຕັ້ງພັກປະຊາຊົນປະ​ຕິ​ວັດ​ລາວ, ທາດແທ້ຂອງພັກປະຊາຊົນປະຕິວັດລາວ; ວັດຖຸປະສົງ ແລະ ອຸດົມການຂອງພັກ, ມາດຖານ ເເລະ ເງື່ອນໄຂຜູ້ທີ່ຈະເຂົ້າເປັນສະມາຊິພັກປະຊາຊົນປະຕິວັດລາວ; ໜ້າທີ່, ພັນທະ, ສິດຜົນປະໂຫຍດຂອງສະມາຊິກພັກ ແລະ ຂໍ້ຫ້າມສໍາລັບສະມາຊິກພັກປະຊາຊົນປະຕິວັດລາວ ຢ່າງພາວະວິໄສ ແລະ ກົງໄປກົງມາ. ຈາກນັ້ນ, ກໍ່ໄດ້ມອບໃບ ຢັ້ງຢືນໃຫ້ແກ່ມະຫາຊົນຜູ້ກ້າວໜ້າດັ່ງກ່າວ ເພື່ອເປັນບ່ອນອີງໃນການຕິດຕາມ, ກວດກາ, ຊູກ​ຍູ້​ຊ່ວຍກໍ່​ສ້າງເປົ້າໝາຍມະຫາຊົນກ້າວໜ້າດັ່ງກ່າວ ເພື່ອຂະຫຍາຍເຂົ້າພັກຕາມກົດລະບຽບຂອງພັກປະຊາຊົນປະຕິວັດລາວໄດ້​ກຳ​ນົດ​ໄວ້.

      ຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກທ່ານ ສຸ​ລີ​ວັນ ແສນ​ສະ​ຕິ ກໍາມະການພັກເມືອງ, ຫົວໜ້າຄະນະໂຄສະນາອົບຮົມເມືອງ ເຊິ່ງກ່ອນອື່ນທ່ານກໍ່ໄດ້ຍ້ອງຍໍຊົມເຊີຍຕໍ່ຜົນງານຂອງມະຫາຊົນຜູ້​ກ້າວ​ໜ້າ​ໃນ​ຕະຫຼອດ​ໄລ​ຍະ​ຜ່ານມາ​ທີ່​ໄດ້ບຸກບືນສູ້​ຊົນ​ສ້າງ​ຜົນ​ງານ ແລະ ມີຜົນສໍາເລັດ ຈົນກາຍເປັນມະຫາຊົນຜູ້ກ້າວໜ້າ ແລະ ໄດ້ເຂົ້າຮໍ່າຮຽນເອກະສານສະໜັບສະໜູນເພື່ອຂະຫຍາຍເຂົ້າພັກ. ຈາກນັ້ນ, ທ່ານ​ຍັງ​ໄດ້ຮຽກຮ້ອງໃຫ້ມະຫາຊົນດັ່ງກ່າວ ຈົ່ງພ້ອມ​ກັນ​ສືບ​ຕໍ່ເອົາໃຈໃສ່ຄົ້ນ​ຄວ້າ​ຮ່ຳ​ຮຽນ​ແນວ​ທາງ, ແຜນ​ນະ​ໂຍ​ບາຍ, ມະ​ຕິ, ຄຳ​ສັ່ງ, ກົດ​ລະ​ບຽບ​ຂອງ​ພັກ ແລະ ກົດ​ໝາຍ​ຂອງ​ລັດ; ອັນ​ສຳ​ຄັນ​ແມ່ນ​ຕ້ອງ​ມີ​ແນວ​ຄິດ​ອູ່ນ​ອ່ຽນ, ເຊື່ອ​ໝັ້ນ​ຕໍ່​ການ​ນຳ​ພາ​ຂອງ​ພັກ​ຢ່າງ​ໜັກ​ແໜ້ນ; ຕັ້ງ​ໜ້າຝຶກຝົນຫຼ່ໍຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ຍອມ​ເສຍ​ສະຫຼະ​ຜົນ​ປະ​ໂຫຍດ​ສ່ວນ​ຕົວ​ເພື່ອ​ຜົນ​ປະ​ໂຫຍດ​ອັນ​ລວມ, ເພື່ອ​ພາ​ລະ​ກິດ​ແຫ່ງ​ການ​ປົກ​ປັກ​ຮັກ​ສາ ແລະ ສ້າງ​ສາ​ພັດ​ທະ​ນາ​ປະ​ເທດ​ຊາດ. ຍົກ​ສູງສະ​ຕິ​ເຄົາ​ລົບ​ຕໍ່​ລະ​ບຽບ​ວິ​ໄນ, ກົດ​ລະ​ບຽບ​ຂອງ​ພັກ ແລະ ກົດ​ໝາຍ​ຂອງ​ລັດ​ຢ່າງ​ເຂັ້ມ​ງວດ, ເປັນແບບຢ່າງທີ່ດີໃຫ້ແກ່ມະຫາຊົນ, ດຳ​ລົງ​ຊີ​ວິດ​ແບບ​ລຽບ​ງ່າຍ, ປອດ​ໃສ, ຂາວ​ສະ​ອາດ ແລະ ຕັ້ງ​ໜ້າ​ເຮັດ​ສຳ​ເລັດ​  ໜ້າ​ທີ່​ວຽງານ​ທີ່​ການ​ຈັດ​ຕັ້ງ​ມອບ​ໝາຍ​ໃຫ້​ຢ່າງ​ມີ​ຜົນ​ສຳ​ເລັດ​ດີ ເພື່ອພ້ອມກັນກ້າວໄປເຖິງຈຸດ​ໝາຍການກໍ່​ສ້າງເຂົ້າເປັນສະມາຊິກພັກສໍາຮອງ, ສົມບູນ​ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ຢ່າງ​ແທ້​ຈິງ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

116731
ມື້ນີ້ມື້ນີ້55
ມື້ວານນີ້ມື້ວານນີ້102
ອາທິດນີ້ອາທິດນີ້43
ເດືອນນີ້ເດືອນນີ້1473
ທັງໝົດທັງໝົດ116731

ບົດຄວາມທີ່ໄດ້ຮັບຄວາມສົນໃຈ

ກິດຈະກຳ