ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງຜົ້ງສາລີປາຖະກະຖາ 4 ວັນສໍາຄັນຂອງພັກຂອງຊາດປະຈຳເດືອນຕຸລາ 2021

ເມືອງຜົ້ງສາລີປາຖະກະຖາ 4 ວັນສໍາຄັນຂອງພັກຂອງຊາດປະຈຳເດືອນຕຸລາ 2021

       ໃນຕອນເຊົ້າຂອງວັນທີ 12 ຕຸລາ 2021 ນີ້ ຢູ່ສະໂມສອນຂອງເມືອງຜົ້ງສາລີ ໄດ້ຈັດພິທິປາຖະກະຖາຫວນຄືນມູນເຊື້ອ 4 ວັນສໍາຄັນຂອງພັກຂອງຊາດ ເຊັ່ນ: ວັນຊາດ ສປ ຈີນ ຄົບຮອບ 72 ປີ (1 ຕຸລາ 1945 - 1 ຕຸລາ 2021 ),

ວັນລະນຶກສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກຂອງ ສປປ ລາວ ຄົບຮອບ 34 ປີ, 18 ປີ (17 ຕຸລາ 1987 - 17 ຕຸລາ 2021 , 17 ຕຸລາ 2003 – 17 ຕຸລາ 2021) ແລະ ວັນສ້າງຕັ້ງການທູດລາວຄົບຮອບ 76 ປີ (12 ຕຸລາ 1945 – 12 ຕຸລາ 2021) ແລະ ວັນປະກາດເອກະລາດຄົບຮອບ 76 ປິ ( 12 ຕຸລາ  1945 – 2021) ໂດຍພາຍໃຕ້ການເປັນປະທານ ແລະ ຂຶ້ນປາຖະກະຖາຂອງ ສະຫາຍ ບຸນເພັງ ສົມຈະເລີນ  ຮອງເລຂາພັກເມືອງ, ຜູ້ຊີ້ນໍາວຽກງານພັກ -ພະນັກງານ ແລະ ການເມືອງແນວຄິດຂັ້ນເມືອງ, ສະຫາຍ ສຸລິວັນ ແສນສະຕິ ກໍາມະການພັກເມືອງ, ຫົວໜ້າຄະນະໂຄສະນາອົບຮົມເມືອງຜົ້ງສາລີ, ເຂົ້າ ຮ່ວມຮັບຟັງມີບັນດາສະຫາຍຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ຫົວໜ້າກອງບັນ ຊາການ ປກຊ-ປກສ, ທະນາຄານນະໂຍບາຍໜ່ວຍບໍລິການເມືອງຜົ້ງສາລີ, ສູນບໍລິການໄຟຟ້າລາວປະຈໍາເມືອງຜົ້ງສາລີ, ໂຮງໜໍຊຸມຊົນ ຕະຫຼອດຮອດພະນັກງານ-ລັດຖະກອນອ້ອມຂ້າງເມືອງເຂົ້າຮ່ວມທັງໝົດ 190 ສະຫາຍ, ຍິງ 100 ສະຫາຍ.

        ໃນພິທີ ສະຫາຍ ບູນເພັງ ສົມຈະເລີນ ຮອງເລຂາພັກເມືອງ, ຜູ້ຊີ້ນໍາວຽກງານພັກ-ພະນັກງານ ແລະ ການເມືອງແນວຄິດຂັ້ນເມືອງ ໄດ້ກ່າວວ່າ ການປະກາດເອກະລາດວັນທີ 12 ຕຸລາ ປີ 1945 ນີ້ເປັນເທື່ອທໍາອິດທີປະຊາຊົນລາວໄດ້ກາຍເປັນເຈົ້າຂອງປະເທດຊາດ ແລະ ສະຕາກໍາຂອງຕົນເອງພາຍຫຼັງ 100 ກວ່າປີ ທີ່ມີຊີວິິດຢູ່ພາຍໃຕ້ແອກແຫ່ງການເປັນຂ້ອຍຂ້າ ເຊິ່ງການປະກາດເອກະລາດໄດ້ເຮັດໃຫ້ຊາວໂລກໄດ້ຮັບຮູ້ກ່ຽວກັບຄວາມເປັນຊາດລາວຂອງພວກເຮົາກໍ່ຄືໄດ້ຮັບຮູ້ອະທິປະໄຕ ແລະ ເຂດນ້ຳແດນດິນຂອງປະເທດເຮົາ ພ້ອມກັນນັ້ນກໍ່ໄດ້ຮັບຮູ້ລັດ ຖະບານຊົ່ວຄາວຂອງລາວ ແລະ ຮັບຮູ້ວ່າຊາດລາວຄົນລາວ ກໍ່ເປັນຄົນທີ່ມີກຽດສັກສີເໝືອນກັບຄົນຊາດອື່ນໆ ມີອິດສະລະພາບ ແລະ ຍາກມີການພັດທະນາຕົນເອງເພື່ອຄວາມຢູ່ດີກິນດີ ແລະ ມີຄວາມຈະເລີນພັດທະນາຍ້ອນແນວນັ້ນພວກເຮົາຈິງເອົາວັນປະກາດເອກະລາດ 12 ຕຸລາ 1945 ເປັນວັນປະຫວັດສາດທີ່ມີຄວາມສໍາຄັນຂອງຊາດ,ເປັນວັນແຫ່ງຄວາມເອກອ້າງທະນົງໃຈຕໍ່ຄວາມອາດຫານສານໄຊໃນການຕໍ່ສູ້ບົນຈິດໃຈຍອມຕາຍດີກວ່າເປັນຂ້ອຍຂ້າຕາຍເພື່ອເອກະລາດດີກວ່າຢູ່ພາຍໃຕ້ການປົກຄອງຂອງຕ່າງຊາດ ຈາກນັ້ນມານໍ້າໃຈວັນທີ 12 ຕຸລາ ຈຶ່ງກາຍເປັນມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດຕື່ມອີກ.

          ຕອນທ້າຍຂອງພິທີຍັງໄດ້ມອບໃບຍ້ອງຍໍໃຫ້ແກ່ກົມກອງ, ບຸກຄົນ ແລະ ບ້ານທີ່ມີຜົນງານດີເດັ່ນເຂົ້າໃນຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບວຽກງານ 3 ສ້າງ, ພັດທະນາຊົນນະບົດຕະຫຼອດໄລຍະ 5 ປິ ຜ່ານມາ ແຕ່ປີ 2016-2020  ແລະ ຍ້ອງຍໍສັນລະເສີນໃຫ້ແກ່ບຸກຄົນ, ກົມກອງທີ່ມີຜົນງານດີເດັ່ນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃນຕະຫຼອດໄລຍະ 5 ປິ ຜ່ານມາ ແຕ່ປີ 2016-2020  ຕື່ມອີກ.

 

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 16  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

163626
ມື້ນີ້ມື້ນີ້6
ມື້ວານນີ້ມື້ວານນີ້216
ອາທິດນີ້ອາທິດນີ້365
ເດືອນນີ້ເດືອນນີ້1344
ທັງໝົດທັງໝົດ163626