ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງ ຜົ້ງສາລີ ລົງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ຢູ່ກຸ່ມກໍແມນ

ເມືອງ ຜົ້ງສາລີ

ລົງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ຢູ່ກຸ່ມກໍແມນ

        ໃນຕອນເຊົ້າວັນທີ 18 ມິຖຸນາ 2021 ຜ່ານມານີ້ ຄະນະທິມງານເມືອງຜົ້ງສາລີ ໄດ້ລົງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຢູ່ກຸ່ມກໍແມນ ເຊິ່ງນຳໂດຍ ສະຫາຍ ນາງ ວອນມະນີ ກຳມະການປະຈຳພັກເມືອງ ຫົວໜ້າຄະນະຈັດຕັ້ງເມືອງ ພ້ອມດ້ວຍຄະນະ, ເຂົ້າຮ່ວມຮັບຟັງການເຜີຍແຜ່ຄັ້ງນີ້

ມີບັນດາທ່ານເລຂາຄະນະພັກຮາກຖານກຸ່ມ, ເລຂາພັກນາຍບ້ານ, ອົງການຈັດຕັ້ງບ້ານ, ກຳລັງ ປກສ ກຸ່ມ, ພະນັກງານຄູອາຈານ, ເພດໝໍ, ພະນັກງານບຳນານ ທີ່ປະ ຈຳຢູ່ ພາຍໃນກຸ່ມ. ໃນກອງປະຊຸມ ສະຫາຍ ສຸພັນ ສີສົມບັດ ກຳມະການພັກເມືອງ ຫົວໜ້າຫ້ອງການ ຖະແຫຼ່ງຂ່າວ-ວັດທະນາທຳເມືອງຜົ້ງສາລີ ໄດ້ຜ່ານຄຳສັ່ງຂອງຄະນະເລຂາທິການສູນກາງພັກສະບັບເລກ 38/ ຄອສພ, ລົງວັນທີ 9 ມີນາ 2021 ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ່ XI ຂອງພັກ ແລະ ຂໍ້ກຳນົດວ່າດ້ວຍແບບແຜນວິທີເຮັດວຽກຂອງຄະນະບໍລິຫານງານພັກເມືອງ ສະໄໝ ທີ່ X ສະບັບເລກທີ່ 79/ ຄພມ.ຜລ, ລົງວັນທີ່ 19 ມິຖຸນາ 2020.    

       ຈາກນັ້ນ ສະຫາຍ ນາງ ວອນມະນີ ກຳມະການປະຈຳພັກເມືອງ, ໄດ້ຍົກໃຫ້ເຫັນຄວາມໝາຍຄວາມສຳຄັນຂອງກອງປະ ຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ເຊິ່ງແມ່ນເຫດການ ການເມືອງທີ່ສຳຄັນປະຫວັດສາດ, ເປັນກອງປະຊຸມແຫ່ງການການສືບຕໍ່ຍຶດໝັ້ນ ແລະ ເພີ່ມເຕີມເສີມຂະຫຍາຍແນວທາງປ່ຽນແປງໃໝ່ຮອບດ້ານມີຫຼັກການຂອງພັກໃຫ້ເຂົ້າສູ່ລ່ວງເລິກ, ສືບຕໍ່ບູລະນະລະບອບ ປະຊາທິປະໄຕ ປະຊາຊົນໃຫ້ສົມບູນຍິ່ງຂຶ້ນ, ໄດ້ກໍານົດທັດສະນະແຫ່ງການສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ໃນການພັດທະນາເສດຖະກິດ-ສັງຄົມ ໃນຊຸມປີຕໍ່ໜ້າ ແນໃສ່ແກ້ໄຂຄວາມທຸກຍາກ ແລະ ນຳເອົາປະເທດ ພົ້ນຈາກສະຖານະພາບດ້ອຍພັດທະນາ ແລະ ເປັນຂີດໝາຍແຫ່ງການເຕີບໃຫຍ່ຂະຫຍາຍຕົວຂອງພັກ, ແມ່ນບັ້ນດຳເນີນຊີວິດການເມືອງພາຍໃນພັກ ເພື່ອສ້າງການຫັນປ່ຽນທີ່ແຂງແຮງ ແລະ ເປັນລະບົບ ໂດຍເລີ່ມຈາກການຫັນປ່ຽນດ້ານແນວຄິດ-ຈິດຕະນາການ ສູ່ການກະທໍາຕົວຈິງ ເພື່ອແກ້ໄຂຈຸດອ່ອນ ແລະ ບັນຫາຄົງຄ້າງ ໃຫ້ມີການຫັນປ່ຽນໃໝ່ທີ່ແຂງ ແຮງ, ເລິກເຊິ່ງ ແລະ ຮອບດ້ານ ແນໃສ່ຍົກສູງບົດບາດ, ຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ເພີ່ມທະວີຄວາມສາມັກເປັນປຶກແຜ່ນ ຂອງປະຊາຊົນໃນຊາດ, ເດັດດ່ຽວປົກປັກຮັກສາ ແລະ ພັດທະນາສ້າງສາປະເທດຊາດ ສູ່ຈຸດໝາຍສັງຄົມນິຍົມ.

        ລົງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກໃນຄັ້ງນີ້ ກໍ່ເພື່ອເຮັດໃຫ້ຄະນະພັກ, ອົງການປົກຄອງແຕ່ລະຂັ້ນ, ພະນັກງານ - ສະມາຊິກພັກ ໄດ້ຮັບການເຊື່ອມຊຶມ ແລະ ມີຄວາມຮັບຮູ້ - ເຂົ້າໃຈ ຕໍ່ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງແຂວງ ແລະ ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກເມືອງ ທັງເປັນການປຸກລະດົມກໍາລັງແຮງຂອງທົ່ວສັງຄົມ,  ອົງການຈັດຕັ້ງສັງຄົມ, ຜູ້ປະກອບການທັງພາຍໃນ ແລະ ຕ່າງປະເທດ ຕະຫຼອດຮອດປະຊາຊົນບັນດາເຜົ່າ ເຂົ້າຮ່ວມປະກອບສ່ວນຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ເຂົ້າສູ່ວຽກງານຕົວຈິງຂອງຕົນ ແລະ ປະກົດຜົນເປັນຈິງ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

144007
ມື້ນີ້ມື້ນີ້300
ມື້ວານນີ້ມື້ວານນີ້269
ອາທິດນີ້ອາທິດນີ້1403
ເດືອນນີ້ເດືອນນີ້2800
ທັງໝົດທັງໝົດ144007

ບົດຄວາມທີ່ໄດ້ຮັບຄວາມສົນໃຈ