ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງບຸນໃຕ້ ຈັດພິທີປາຖະກະຖາເລົ່າຄືນມູນເຊື້ອ 4 ວັນປະຫວັດສາດ ຂອງຊາດ

ເມືອງບຸນໃຕ້ ຈັດພິທີປາຖະກະຖາເລົ່າຄືນມູນເຊື້ອ 4 ວັນປະຫວັດສາດ ຂອງຊາດ

       ຕອນເຊົ້າຂອງວັນທີ 16 ສິງຫາ 2021 ຜ່ານມາ ຢູ່ທີ່ສະໂມສອນຂອງເມືອງບຸນໃຕ້ ໄດ້ຈັດພິທີປາຖະກະຖາເລົ່າ ຄືນມູນເຊື້ອ 4 ວັນປະຫວັດສາດຂອງຊາດຄື: ວັນສ້າງຕັ້ງແນວລາວສ້າງຊາດ ຄົບຮອບ 71 ປີ (13 ສິງຫາ 1950-13 ສິງຫາ 2021), ວັນສ້າງຕັ້ງສື່ມວນຊົນ ແລະ ການພິມຈຳໜ່າຍຄົບຮອບ 71 ປີ (13 ສິງຫາ 1950-13 ສິງຫາ 2021), ວັນຢືດອຳນາດທົ່ວປະເທດຄົບ ຮອບ 76 ປີ (23 ສິງຫາ 1945-23 ສິງຫາ 2021) ແລະ ວັນສ້າງຕັ້ງອາຊຽນຄົບຮອບ 54 ປີ (8 ສິງຫາ 1967-8 ສິງຫາ 2021)

ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ສານມະນີ ອິນດາວົງ ຮອງເລຂາພັກເມືອງ, ຜູ້ຊີ້ນຳວຽກງານພັກ-ພະນັກງານ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ປະທານ-ຮອງປະທານອົງການຈັດຕັ້ງມະຫາຊົນ, ມີບັນດາທ່ານພະນັກງານອາວຸໂສບຳ ນານຕະຫຼອດຮອດພະນັກງານ - ລັດຖະກອນອ້ອມຂ້າງເມືອງເຂົ້າຮ່ວມ.

          ທ່ານ ສານ ສີວົງສາ ກຳມະການປະຈຳພັກເມືອງ, ປະທານແນວລາວສ້າງຊາດ, ຜູ້ຊີ້ນຳວຽກງານອົງການຈັດຕັ້ງມະຫາຊົນ ໄດ້ໃຫ້ກຽດຂຶ້ນຜ່ານມູນເຊື້ອປະຫວັດຄວາມເປັນມາຂອງວັນສ້າງຕັ້ງແນວລາວສ້າງຊາດຄົບຮອບ 71 ປີ (13 ສິງຫາ 1950-13 ສິງຫາ 2021) ເຊິ່ງທ່ານໄດ້ຍົກໃຫ້ເຫັນປະຫວັດແຫ່ງການກຳເນີດ ແລະ ການເຄື່ອນໄຫວຂອງແນວລາວສ້າງຊາດໃນແຕ່ລະໄລຍະ ນັບແຕ່ໄລຍະທີ່ຊາດລາວເຮົາຕົກເປັນຫົວເມືອງຂຶ້ນ ຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ເຂົ້າມາຮຸກຮານເອົາລາວເປັນຫົວເມືອງຂຶ້ນ ພ້ອມທັງໄດ້ຍົກໃຫ້ເຫັນເຖິງບັນດາຜົນງານ ແລະ ໄຊຊະນະຂອງອົງການຈັດຕັ້ງແນວລາວສ້າງຊາດທີ່ໄດ້ບຸກບືນ, ຕັ້ງໜ້າສຶກສາອົບຮົມ ແລະ ປຸກລະດົມເຕົ້າໂຮມຄວາມສາ ມັກຄີບັນດາເຜົ່າ, ຊັ້ນຄົນ, ສາສະໜາ, ເພດ, ໄວ ໃຫ້ເປັນປຶກແຜ່ນ, ເຂົ້າຮ່ວມທຸກຂະບວນການ ແລະ ເດັດດ່ຽວໄປຕາມການນຳພາຂອງພັກ ປະຊາຊົນ ປະຕິວັດລາວ ຈົນເຮັດໃຫ້ຊາດລາວໄດ້ຮັບການປົດປ່ອຍຢ່າງສົມບູນ.

ຈາກນັ້ນທ່ານ ຄຳຫຼ້າ ດວງມາໄລ ກຳມະການພັກເມືອງ, ຮອງເຈົ້າເມືອງ, ຜູ້ຊີ້ນຳວຽກງານວັດທະນະທຳ-ສັງຄົມ ກໍໄດ້ໃຫ້ກຽດຂຶ້ນສະເໜີເລົ່າປະຫວັດແຫ່ງການການກຳເນີດຂອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 71 ປີ (ວັນທີ 13 ສິງຫາ 1950 – 13 ສິງຫາ 2021) ເຊິ່ງທ່ານໄດ້ຍົກໃຫ້ເຫັນບາງເນື້ອໃນແຫ່ງການກຳເນີດຂອງວັນສຶ່ມວນຊົນ ແລະ ການພິມຈຳໜ່າຍ ທີ່ໄດ້ກຳເນີດເກີດຂຶ້ນຕິດພັນກັບໄລຍະແຫ່ງການນຳພາຂະບວນການຕໍ່ສູ້ປົດປ່ອຍຊາດ ທີ່ເປັນອາວຸດອັນແຫຼມຄົມ ແລະ ປະກອບສ່ວນຢ່າງຕັ້ງໜ້າເຂົ້າໃນໄຊຊະນະລວມຂອງການປະຕິວັດ ໃນໜ້າທີ່ໂຄສະນາສຶກສາອົບຮົມ, ຂົນຂວາຍ ແລະ ຈັດຕັ້ງປະຊາຊົນເປັນວິທີປະຕິວັດອັນໜຶ່ງ.

 ທ່ານ ອຸ່ນແປງ ທຳມະໂນໄຊ ກຳມະການພັກເມືອງ ຫົວໜ້າຄະນະໂຄສະນາອົບເມືອງ ກໍໄດ້ນຳສະເໜີປະຫວັດຄວາມເປັນມາຂອງວັນຍຶດອຳນາດ 23 ສິງຫາ 1945 ເຊິ່ງເປັນວັນທີ່ມີຄວາມໝາຍຄວາມສຳຄັນ ສຳລັບປະຊາຊົນລາວທັງຊາດ ເພາະວ່າໄຊຊະນະດັ່ງກ່າວ ມັນແມ່ນໝາກຜົນແຫ່ງການຕໍ່ສູ້ປະຕິວັດອັນຍືດເຍື້ອຍາວນານ ຂອງປະຊາຊົນລາວບັນດາເຜົ່າ ພາຍໃຕ້ການນຳພາຂອງພັກປະຊາຊົນປະຕິວັດລາວ ຊຶ່ງທ່ານໄດ້ຍົກໃຫ້ເຫັນສະພາບການຂອງຊາດລາວນັບແຕ່ສັດຕະວັດທີ 14  ທີ່ເຈົ້າຟ້າງຸ່ມໄດ້ທ້ອນໂຮມເມືອງລາວບູຮານ ສ້າງເປັນອານາຈັກລ້ານຊ້າງ ແລະ ໄດ້ຜ່ານໄລຍະການຕໍ່ສູ້ຢ່າງພິລະອາດຫານຂອງຊາດລາວ ນັບແຕ່ຊາດລາວໄດ້ຕົກເປັນເມືອງຊ່ວຍ ແລະ ຖືກເຂົ້າຍຶດຄອງຂອງພວກຈັກກະພັດທັງແບບເກົ່າ ແລະ ແບບໃໝ່

          ໃນໂອກາດທີ່ມີຄວາມໝາຍຄວາມສຳຄັນຍິ່ງນັ້ນ ທ່ານ ສານມະນີ ອິນດາວົງ ຮອງເລຂາພັກເມືອງ, ຜູ້ຊີ້ນຳວຽກງານພັກ-ພະນັກງານ ກໍໄດ້ໃຫ້ກຽດເຂົ້າເລົ່າປະຫວັດຄວາມເປັນມາ ວັນສ້າງຕັ້ງອາຊຽນຄົບຮອບ 54 ປີ (8 ສິງຫາ 1967 - 8 ສິງຫາ 2021)  ໃນໂອກາດດັ່ງກ່າວທ່ານໄດ້ຍົກໃຫ້ເຫັນສະພາບລວມຂອງການສ້າງຕັ້ງອາຊຽນ, ຈຸດປະສົງຄາດໝາຍ, ຫຼັກການພື້ນຖານຂອງອາຊຽນ, ການຂະຫຍາຍຕົວຂອງປະຊາຄົມອາຊຽນ. ທີ່ມີຈຸດປະສົງເພື່ອເຮັດໃຫ້ອາຊຽນເປັນປະຊາຊາດທີ່ພ້ອມພຽງຮຽງໜ້າກັນ, ເປີດກວ້າງການຮ່ວມມືກັບພາຍນອກ, ດຳລົງຊີວິດຢູ່ທ່າມກາງສັນຕິພາບ, ສະຖຽນລະພາບ ແລະຄວາມວັດທະນະຖາ ວອນ, ຜູກພັນເປັນຄູ່ຮ່ວມມືໃນການພັດທະນາ ໃຫ້ມີຄວາມກ້າວໜ້າ ແລະ ເປັນປະຊາຄົມທີ່ມີຄວາມໂອບເອື້ອອາລີ. 

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

144016
ມື້ນີ້ມື້ນີ້309
ມື້ວານນີ້ມື້ວານນີ້269
ອາທິດນີ້ອາທິດນີ້1412
ເດືອນນີ້ເດືອນນີ້2809
ທັງໝົດທັງໝົດ144016

ບົດຄວາມທີ່ໄດ້ຮັບຄວາມສົນໃຈ