ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງໃໝ່ ແຂວງຜົ້ງສາລີ ຈັດຕັ້ງປາຖະກະຖາ 4 ວັນປະຫວັດສາດສຳຄັນ

ເມືອງ​ໃໝ່​​ ແຂວງຜົ້ງສາລີ ຈັດຕັ້ງປາ​ຖະ​ກະ​ຖາ 4 ວັນປະຫວັດສາດ​ສຳ​ຄັນ

​ໃນ​ຕອນ​ເຊົ້າ​ຂອງວັນ​ທີ 12 ຕຸ​ລາ 2021 ນີ້ ​ທີ່​ສະ​ໂມ​ສອນ​ຂອງ​ເມືອງ​ໃໝ່​ ແຂວງ​ຜົ້ງ​ສາ​ລີ ໄດ້ຈັດຕັ້ງພິ​ທີ​​ປາ​ຖະ​ກະ​ຖາ ຫວນ​ຄືນມູນ​ເຊື້ອ 4 ​ວັນ​ສຳ​ຄັນ​ຂອງ​ພັກ​ຂອງ​ຊາດ​ຄື: ວັນ​ຊາດ ສ​ປ ຈີນ ຄົບ​ຮອບ 72 ປີ (1 ຕຸ​ລາ 1945-1 ຕຸ​ລາ 2021), ວັນ​ສ້າງ​ຕັ້ງ​ການ​ທູດ​ລາວ ຄົບ​ຮອບ 76 ປີ (12 ຕຸ​ລາ​ 1945-12 ຕຸ​ລາ 2021),

ວັນ​ປະ​ກາດ​ເອ​ກະ​ລາດ​ ຄົບ​ຮອບ76 ປີ (12 ຕຸ​ລາ​ 1945-12 ຕຸ​ລາ 2021), ວັນ​ລະ​ນຶກວັນ​ສາ​ກົນ ແລະ ວັນ​ສັບ​ປະ​ດາ​ແຫ່ງ​ຊາດ​ເພື່ອ​ລຶບ​ລ້າງ​ຄວາມ​ທຸກ​ຍາກ​ຂອງ​ ສ​ປ​ປ​ປ ​ລາວ ວັນ​ທີ 17 ຕຸ​ລາ 1987-24 ຕຸ​ລາ 2003 ຄົບ​ຮອບ 34 ປີ ແລະ ລຶບ​ລ້າງ​ຄວາມ​ທຸກ​ຍາກ 18 ປີ ໂດຍ​ການ​ໃຫ້​ກຽດ​ເຂົ້າ​ຮ່ວມ ແລະ ປາ​ຖະ​ກະ​ຖາ​ຂອງ​ທ່ານ ​ສອນ​ສະ​ໜຸກ ສີ​ສຸ​ລາດ ຮອງ​ເລ​ຂາ​ຄະ​ນະ​ບໍ​ລິ​ຫານ​ງານ​ພັກ​ເມືອງ ຜູ້​ຊີ້ນຳ​ວຽກ​ງານ​ພັກ-​ພະ​ນັກ​ງານ, ມີ​ທ່ານ ​ສົມ​ປານ ຈັນ​ທະ​ລາ ກຳ​ມະ​ການ​ພັກ​ເມືອງ ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ  ເຂົ້າ​ຮ່ວມ​ຮັບ​ຟັງ​ມີ​ບັນ​ດາທ່ານກຳ​ມະ​ການ​ປະ​ຈຳ​ພັກ​ເມືອງ, ກຳ​ມະ​ການ​ພັກ​ເມືອງ, ຫົວ​ໜ້າ-ຮອງ​ຫົວ​ໜ້າ​ຫ້ອງ​ການ, ຫົວ​ໜ້າ​ກອງ​ບັນ​ຊາ​ການ ປກ​ຊ-ປກ​ສ ພ້ອມ​ດ້ວຍ​ພະ​ນັກ​ງານຫຼັກ​ແຫຼ່ງ​ຂອງ​ເມືອງ​ເຂົ້າ​ຮ່ວມ.

          ຈຸດ​ປະ​ສົງ​ໃນ​ການຫວນ​ຄືນ​​ມູນ​ເຊື້ອ 4 ວັນ​ສຳ​ຄັນ​ຂອງ​ພັກ​ຂອງ​ຊາດ ໃນ​ຄັ້ງ​ນີ້ ​ເພື່ອ​ແນ​ໃສ່ເຮັດ​ໃຫ້​ຖັນ​ແຖວ​ພະ​ນັກ​ງານ​ນັກ​ຮົບ​, ພະ​ນັກ​ງານ-​ລັດ​ຖະ​ກອນ ​ອ້ອມ​ຂ້າງ​ເມືອງ​ໄດ້ຮັບ​ຮູ້, ເຂົ້າ​ໃຈ​ກ່ຽວ​ກັບ​ຄວາມ​ໝາຍ​ຄວາມ​ສຳ​ຄັນ​ຂອງວັນ​ສຳ​ຄັນ​ດັ່ງ​ກ່າວ​. ໃນ​ພິ​ທີ ທ່ານ​ ສອນ​ສະ​ໜຸກ ສີ​ສຸ​ລາດ ຮອງ​ເລ​ຂາ​ຄະ​ນະ​ບໍ​ລິ​ຫານ​ງານ​ພັກ​ເມືອງ, ຜູ້​ຊີ້​ນຳ​ວຽກ​ງານ​ພັກ​-ພະ​ນັກ​ງານ ​ໄດ້​ກ່າວ​ວ່າ: ການປະ​ກາດ​ເອ​ກະ​ລາດ 12 ຕຸ​ລາ 1945 ​ເປັນ​ເທື່ອ​ທຳ​ອິດ​ທີ່​ປະ​ຊາ​ຊົນ​ລາວ​ໄດ້​ກາຍ​ເປັນ​ເຈົ້າ​ຂອງ​ປະ​ເທດ​ຊາດ ແລະ ສະ​ຕາ​ກຳ​ຂອງ​ຕົນ​ເອງ ພາຍຫຼັງ 100 ກວ່າ​ປີ​ທີ່​ມີ​ຊີ​ວິດ​ຢູ່​ພາຍ​ໃຕ້​ແອກແຫ່ງ​ການ​ເປັນ​ຂ້ອຍ​ຂ້າ ເຊິ່ງ​ການ​ປະ​ກາດ​ເອ​ກະ​ລາດ ​ໄດ້​ເຮັດ​ໃຫ້​ຊາວ​ໂລກ​ໄດ້​ຮູ້​ກ່ຽວ​ກັບ​ຄວາມ​ເປັນ​ຊາດ​ລາວ​ຂອງ​ພວກ​ເຮົາ ​ກໍ່​ຄື​ໄດ້​ຮັບ​ຮູ້​ອະ​ທິ​ປະ​ໄຕ ແລະ ເຂດ​ນ້ຳ​ແດນ​ດິນ​ຂອງ​ປະ​ເທດ​ເຮົາ. ​ພ້ອມ​ກັນ​ນັ້ນ ​ກໍ່​ໄດ້​ຮັບ​ຮູ້​ລັດ​ຖະ​ບານ​ຊົ່ວ​ຄາວ​ຂອງ​ລາວ ແລະ ຮັບ​ຮູ້​ວ່າ​ຊາດ​ລາວ​ຄົນ​ລາວກໍ່​ເປັນ​ຄົນ​ມີ​ກຽດ​ສັກ​ສີ​ເໝືອນ​ກັບ​ຊາດ​ອື່ນໆ ທັງມີ​ອິດ​ສະ​ລະ​ພາບ ແລະ ຢາກ​ມີ​ການ​ພັດ​ທະ​ນາ​ຕົນ​ເອງ​ເພື່ອ​ຄວາມ​ຢູ່​ດີ​ກິນ​ດີ ແລະ ມີ​ຄວາມ​ຈະ​ເລີນ​ພັດ​ທະ​ນາ; ຍ້ອນ​ແນວນັ້ນ​ພວກ​ເຮົາ​​ຈິງ​ເອົາວັນ​ປະ​ກາດ​ເອ​ກະ​ລາດ 12 ຕຸ​ລາ 1945 ເປັນ​ວັນ​ປະ​ຫວັດ​ສາດ​ທີ່​ມີ​ຄວາມ​ສຳ​ຄັນ​ຂອງ​ຊາດ, ເປັນ​ວັນ​ແຫ່ງ​ຄວາມ​ເອກ​ອ້າງ​ທະ​ນົງ​ໃຈ​ຕໍ່​ຄວາມ​ອາດ​ຫານ​ສານ​ໄຊ ​ໃນ​ການ​ຕໍ່​ສູ້​ບົນ​ຈິດ​ໃຈ​ຍອມ​ຕາຍ​ດີ​ກວ່າ​ເປັນ​ຂ້ອຍ​ຂ້າ ຕາຍ​ເພື່ອ​​ເອ​ກະ​ລາດ​ດີ​ກ​ວ່າ​ຢູ່​ພາຍ​ໃຕ້​ການ​ປົກ​ຄອງ​ຈາກ​ຕ່າງ​ຊາດ ຈາກນັ້ນ​ມາ​ນ້ຳ​ໃຈ​ວັນ​ທີ 12 ຕຸ​ລາ ​ຈຶ່ງ​ກາຍ​ເປັນ​ມູນ​ເຊື້ອ​ແຫ່ງ​ການ​ຕໍ່​ສູ້​ມີ​ໄຊ​ຂອງ​ຄົນ​ລາວ​ຜູ້​ຮັກ​ຊາດ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 37  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

163632
ມື້ນີ້ມື້ນີ້12
ມື້ວານນີ້ມື້ວານນີ້216
ອາທິດນີ້ອາທິດນີ້371
ເດືອນນີ້ເດືອນນີ້1350
ທັງໝົດທັງໝົດ163632