ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງໃໝ່ ປາຖະກະຖາວັນສຳຄັນຂອງພັກ, ຊອງຊາດ ແລະ ເພື່ອນມິດສາກົນ ປະຈຳເດືອນ ກັນຍາ 2021

ເມືອງໃໝ່ ປາຖະກະຖາວັນສຳຄັນຂອງພັກ, ຊອງຊາດ ແລະ ເພື່ອນມິດສາກົນ ປະຈຳເດືອນ ກັນຍາ 2021

         ຕອນເຊົ້າຂອງວັນທີວັນ 2 ກັນຍາ 2021 ຜ່ານມານີ້ ຢູ່ທີ່ສະໂມສອນຂອງເມືອງໃໝ່ ແຂວງຜົ້ງສາລີ ໄດ້ຈັດພິທີປາຖະກະ ຖາວັນຊາດ ສສ ຫວຽດນາມຄົບຮົບ 76 ປີ (2 ກັນຍາ 1945-2​ ກັນຍາ 2021) ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 19 ປີ (9 ​ກັນຍາ 2002-9​ ກັນຍາ 2021). ພາຍໃຕ້ການໃຫ້ກຽດເປັນປະທານ

ຂອງທ່ານ ສົມຈິດ ສິດທິວົງ ກຳມະການພັກແຂວງ, ເລຂພັກເມືອງ-ເຈົ້າເມືອງເມືອງໃໝ່, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານ-ລັດຖະກອນ; ນາຍ ແລະ ພົນທະຫານ, ນາຍ ແລະ ພົນຕຳຫຼວດເຂົ້າຮ່ວມທັງໝົດ 110 ທ່ານ, ຍິງ 44 ທ່ານ. ໃນພິທີທ່ານ ສົມປານ ຈັນທະລາ ກຳມະການພັກເມືອງ, ສະມາຊິກສະພາປະຊາຊົນແຂວງຊຸດທີ 2, ຫົວໜ້າຄະນະໂຄສະນາອົບຮົມເມືອງໄດ້ຂຶ້ນຜ່ານປະຫວັດມູນເຊື້ອວັນຊາດ ສສ ຫວຽດນາມ ຄົບຮອບ 76 ປີ ແລະ ທ່ານ ນາງແດງ ຕິດສະພອນ ກຳມະການປະຈຳພັກເມືອງ, ປະທານແນວລາວສ້າງຊາດເມືອງ ຂຶ້ນຜ່ານເອກະສານວັນສ້າງຕັ້ງສະຫະພັນນັກ ຮົບເກົ່າຄົບຮອບ 19 ປີ ຊຶ່ງບາງຕອນທ່ານໄດ້ເນັ້ນວ່າ ສະຫະພັນນັກຮົບເກົ່າແຫ່ງຊາດລາວເປັນອົງ ການຈັດຕັ້ງທາງການເມືອງຂອງພັກ ຊຶ່ງນອນຢູ່ໃນລະບົບການເມືອງຂອງ ສປປ ລາວ; ຄຸ້ມຄອງ, ດູແລເບິ່ງແຍງ, ສຶກສາອົບ ຮົມ ແລະ ເຕົ້າໂຮມຄວາມສາມັກຄີໃນຖັນແຖວພະນັກງານ.

        ໃນພິທີ ຍັງໄດ້ຮັບຟັງການເຜີຍແຜ່ຂອງທ່ານ ສົມຈິດ ສິດທິວົງ ກໍາມະການພັກແຂວງ, ເລຂາພັກ-ເຈົ້າເມືອງຂຶ້ນຜ່ານມະຕິຂອງກົມການເມືອງສູນກາງພັກສະບັບເລກທີ 108/ກມສພ, ລົງວັນທີ 30 ເມສາ 2020 ວ່າດ້ວຍວຽກງານ ແນວໂຮມ ແລະ ວຽກງານອົງການຈັດຕັ້ງມະຫາຊົນ, ຜ່ານມະຕິຂອງກົມການເມືອງສູນກາງພັກສະບັບເລກທີ 25/ກມສພ, ລົງວັນທີ 17 ພຶດສະພາ 2020 ວ່າດ້ວຍການເພີ່ມທະວີການນໍາພາຂອງພັກຕໍ່ວຽກງານວັດທະນະທໍາໃນໄລຍະ ໃໝ່ ແລະ ມະຕິກົມການເມືອງ ສູນກາງພັກສະບັບເລກທີ 206/ກມສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄູນະພາບວຽກງານການເມືອງ-ແນວຄິດໃນໄລຍະໃໝ່ ຊຶ່ງທ່ານໄດ້ຍົກໃຫ້ເຫັນວ່າ ພັກເຮົາຍາມໃດກໍ່ຖືເອົາວຽກງານວັດທະນະທຳເປັນປັດໄຈພື້ນຖານແຫ່ງການດໍາລົງຄົງຕົວຂອງຊາດ, ເສີມຂະຫຍາຍທາງດ້ານວັດທະນະທຳໃຫ້ຄຽງຄູ່ກັບການສ້າງຄວາມສິວິໄລດ້ານຈິດໃຈ, ພັກເຮົາຖືເອົາວຽກງານວັດທະ ນະທຳເປັນສະໜາມຮົບສຳຄັນ, ເປັນໜ້າທີ່ໃຈກາງຂອງວຽກງານວັດທະນະທຳໃນສະພາບການໃໝ່; ເສຍວັດທະ ນະທຳແມ່ນເສຍຊາດ ເຊິ່ງຄົນລາວຕ້ອງພ້ອມກັນຮັກສາວັດທະນະທຳໃຫ້ໜັກແໜ້ນ, ວຽກງານພັກເປັນວຽກ ງານກົກເປັນໜ້າທີ່ສຳຄັນອັນດັບ 1, ວຽກງານແນວຄິດເປັນວຽກງານທີ່ສໍາຄັນຫຼາຍ ເປັນໜ້າທີ່ຕົ້ນຕໍຂອງພັກເຮົາ, ພັກເຮົາຍາມໃດກໍ່ຍຶດໝັ້ນ ແລະ ຕ້ອງໄດ້ເຮັດເປັນປະຈໍາ ຄະນະພັກແຕ່ລະຂັ້ນຕ້ອງໄດ້ເອົາໃຈໃສ່ເຮັດແທ້ທຳຈິງ ແລະ ເອົາໃຈໃສ່ແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

152401
ມື້ນີ້ມື້ນີ້146
ມື້ວານນີ້ມື້ວານນີ້206
ອາທິດນີ້ອາທິດນີ້712
ເດືອນນີ້ເດືອນນີ້5125
ທັງໝົດທັງໝົດ152401

ບົດຄວາມທີ່ໄດ້ຮັບຄວາມສົນໃຈ