ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງບຸນໃຕ້ເຊື່ອມຊຶມເອກະສານການຈັດຕັ້ງຜັນຂະຫຍາຍ ແລະ ປະຕິບັດວາລະແຫ່ງຊາດ

ເມືອງບຸນໃຕ້ເຊື່ອມຊຶມເອກະສານການຈັດຕັ້ງຜັນຂະຫຍາຍ ແລະ ປະຕິບັດວາລະແຫ່ງຊາດ

        ໃນຕອນເຊົ້າຂອງວັນທີ 31 ສິງຫາ 2021 ນະທີ່ສະໂມສອນໃຫຍ່ຂອງເມືອງບຸນໃຕ້ ໄດ້ຈັດຕັ້ງເຊື່ອມຊຶມເອກະສານ ການຈັດຕັ້ງຜັນຂະຫຍາຍ ແລະປະຕິບັດວາລະແຫ່ງຊາດ ໂດຍພາຍໃຕ້ການເປັນປະທານຂອງສະຫາຍ ອ່ອນຄໍາ ອິນແສງ ກໍາມະການພັກແຂວງ, ເລຂາພັກເມືອງ-ເຈົ້າເມືອງບຸນໃຕ້

ມີບັນດາສະຫາຍກໍາມະການປະຈໍາພັກເມືອງ, ກໍາມະການພັກເມືອງ, ເລຂາ-ຮອງເລຂາໜ່ວຍພັກຫ້ອງການ-ອົງການ, ຫົວໜ້າ-ຮອງຫົວໜ້າຫ້ອງການ, ຫົວໜ້າຄະນະກອງບັນຊາການ ປກຊ-ປກສ, ປະ ທານ-ຮອງປະທານອົງການຈັດຕັ້ງມະຫາຊົນ,  ອໍານວຍການໂຮງຮຽນ-ໂຮງໝໍ, ເລຂາຄະນະພັກຮາກຖານກຸ່ມບ້ານ, ເລຂາໜ່ວຍພັກບ້ານ 7 ບ້ານອ້ອມຂ້າງເທດສະບານເມືອງ.

      ເອກະສານທີ່ໄດ້ນໍາມາເຊື່ອມຊຶມໃນຄັ້ງນີ້ມີບັນດາເອກະສານສໍາຄັນຄື: ຄໍາສັ່ງຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 26 ກໍລະກົດ 2021 ວ່າດ້ວຍເພີ່ມທະວີການນໍາພາຊີ້ນໍາຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການແກ້ໄຂຄວາມຫຍູ້ງຍາກ ດ້ານເສດຖະກິດ-ການເງິນ, ຄໍາສັ່ງ ເລກທີ 02/ກມສພ, ລົງວັນທີ 26 ກໍລະກົດ 2021 ວ່າດ້ວຍເພີ່ມທະວີການນໍາພາຊີ້ນໍາຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະແກ້ໄຂ ບັນຫາຢາເສບຕິດ. ຈາກນັ້ນປະ ທານກອງປະຊຸມກໍ່ໄດ້ມີຄໍາເຫັນເຈາະຈີ້ມ ຕໍ່ກອງປະຊຸມເຜີຍແຜ່ເຊື່ອມຊຶມຄໍາສັ່ງຂອງກົມການເມືອງສູນກາງພັກ ສະບັບເລກທີ 01/ກມສພ ແລະ 02/ກມສພ ຕໍ່ກັບການຈັດຕັ້ງປະຕິບັດ ວາລະແຫ່ງຊາດຢູ່ເມືອງບຸນໃຕ້. ຊິ່ງທ່ານໄດ້ກ່າວຕື່ມວ່າ: ທຸກໆບັນຫາທີ່ກໍານົດເຂົ້າໃນວາລະແຫ່ງຊາດ ແມ່ນບັນຫາຫຍູ້ງຍາກ ແລະສະສົມມາຫຼາຍແລ້ວ ຖ້າບໍພ້ອມກັນຕັດສິນໃຈປະຕິບັດ ແລະຕັດ ສິນໃຈແກ້ໄຂແມ່ນຈະພາໃຫ້ປະເທດຊາດຕົກໃສວິກິດການດ້ານຕ່າງໆ, ການຈັດຕັ້ງປະຕິບັດ 2 ຄໍາສັ່ງຂອງວາລະແຫ່ງຊາດ ແມ່ນຄວາມຮັບຜິດຊອບຂອງຄະນະພັກແຕ່ລະຂັ້ນພາຍໃຕ້ການຊີ້ນໍາ-ນໍາພາ ໂດຍກົງຂອງສະຫາຍເລຂາຄະນະພັກ, ເປັນໜ້າ ທີ່, ພັນທະ ແລະຄວາມຮັບຜິດຊອບຂອງໝົດທຸກຄົນໃນສັງຄົມ, ການຈັດຕັ້ງປະຕິບັດວາລະແຫ່ງຊາດ ກໍ່ຄືການແກ້ໄຂຄວາມຫຍູ້ງຍາກທາງດ້ານເສດຖະກິດ-ການເງິນ ແລະສະກັດກັ້ນແກ້ໄຂຢາເສບຕິດ ເປັນໜຶ່ງໃນບັນຫາໃຈກາງຂອງການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງ​ພັກ​ຢ່າງ​ເລິກ​ເຊິງ​ເຖິງ​ຖອງ, ແມ່ນ​ວຽກ​ຕ້ອງ​ໄດ້​ຈັດ​ຕັ້ງ​ປະ​ຕິ​ບັດ ໂດຍ​ມີ​ການ​ກຳ​ນົດ​ເວ​ລາ​ແຕ່​ນີ້​ຮອດ​ປີ 2023 ແລະດ້ວຍຄວາມ​ຮັບ​ຜິດ​ຊອບ​ສູງ​ແທ້ໆ, ທັງ​ແມ່ນ​ຄວາມ​ຮັບ​ຜິດ​ຊອບ​ຂອງ​ໝົດ​ທຸກ​ຄົນ ແລະຂອງ​ທົ່ວ​ສັງ​ຄົມ.

        ຈຸດ​ປະ​ສົງ​ໃນ​ການ​ເຜີ​ຍ​ແຜ່​ເຊື່ອມ​ຊືມ​ເນື້ອ​ໃນ​ຄຳ​ສັ່ງ 2 ສະ​ບັບ​ດັ່ງ​ກ່າວ​ກໍ່​ເພື່ອ​ເຮັດ​ໃຫ້​ການ​ຈັດ​ຕັ້ງ​ຜັນ​ຂະ​ຫຍາຍ ຄຳ​ສັ່ງ​ຂອງ​ກົມ​ການ​ເມືອງ​ສູນ​ກາງ​ພັກ ສະ​ບັບ​ເລກ​ທີ 01/ກມ​ສ​ພ ແລະ 02/ກມ​ສ​ພ, ລົງ​ວັນ​ທີ 26 ກໍ​ລະ​ກົດ 2021 ຢ່າງກວ້າງ​ຂວາງທົ່ວ​ເຖິງ​ໃນ​ທົ່ວ​ເມືອງ ແລະເປ​ັນ​ຄວາມ​ຮັບ​ຜິດ​ຊອບ​ໂດຍ​ກົງ​ຂອງ​ຄະ​ນະ​ພັກ, ອົງ​ການ​ປົກ​ຄອງ​ແຕ່​ລະ​ຂັ້ນ, ເຮັດ​ໃຫ້​ວາ​ລະ​ແຫ່ງ​ຊາດ​ໃນ​ການ​ຈັດ​ຕັ້ງ​ປະ​ຕິ​ບັດ​ມາດ​ຕະ​ການ​ແກ້​ໄຂ​ຄວາມ​ຫຍູ້ງ​ຍາກ​ດ້ານ​ເສດ​ຖະ​ກິດ-​ການ​ເງິນ ແລະຕໍ່​ການ​ສະ​ກັດ​ກັ້ນ ແລະແກ້​ໄຂ​ບັນ​ຫາ​ຢາ​ເສບ​ຕິດ ຢູ່​ເມືອງ​ບຸນ​ໃຕ້ ໄດ້​ຮັບ​ການ​ແກ້​ໄຂ ແລະມີ​ທວງ​ທ່າ​ດີ​ຂຶ້ນ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

152411
ມື້ນີ້ມື້ນີ້156
ມື້ວານນີ້ມື້ວານນີ້206
ອາທິດນີ້ອາທິດນີ້722
ເດືອນນີ້ເດືອນນີ້5135
ທັງໝົດທັງໝົດ152411

ບົດຄວາມທີ່ໄດ້ຮັບຄວາມສົນໃຈ