ພິທີມອບ-ຮັບໜ້າທີ່ລະຫວ່າງເລຂາພັກແຂວງ-ເຈົ້າແຂວງຜົ້ງສາລີ ຜູ້ເກົ່າ ແລະ ຜູ້ໃໝ່

ພິທີມອບ-ຮັບໜ້າທີ່ລະຫວ່າງເລຂາພັກແຂວງ-ເຈົ້າແຂວງຜົ້ງສາລີ ຜູ້ເກົ່າ ແລະ ຜູ້ໃໝ່     

   ໃນຕອນບ່າຍຂອງວັນທີ 1 ພະຈິກ 2019 ທີ່ສະໂມສອນແຂວງຜົ້ງສາລີ ໄດ້ມີພິທີມອບ-ຮັບ ເລຂາພັກແຂວງ, ເຈົ້າແຂວງຜົ້ງສາລີ ລະຫວ່າງ ທ່ານ ຄຳເຈ່ນ ວົງໂພສີ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີຜູ້ເກົ່າ

ແລະ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ຮັກສາການເຈົ້້າແຂວງຜົ້ງສາລີ ໂດຍການເຂົ້າຮ່ວມຂອງທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ມີບັນດາທ່ານຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ, ຫົວໜ້າພະແນກການ, ຄະນະພະແນກ, ອະດີດພະນັກງານການນຳ ແລະ ພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມ.

       ໃນພິທີດັ່ງກ່າວທ່ານ ນາງ ບຸດສະດີ ທະນະເມືອງ ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານຄຳສັ່ງຂອງກົມການເມືອງສູນກາງພັກ ເລກທີ 083/ກມສພ, ລົງວັນທີ່ 13/9/2019 ວ່າດ້ວຍການຍົກຍ້າຍພະນັກງານການນຳຂັ້ນສູນກາງ ໄປຮັບໜ້າທີ່ໃໝ່ ໂດຍອອກຄຳສັ່ງຍົກຍ້າຍສະຫາຍ ຄຳເຈ່ນ ວົງໂພສີ ກໍາມະການສູນກາງພັກ, ເລຂາພັກແຂວງຜົ້ງສາລີ ໄປຮັບໜ້າທີ່ໃໝ່ຢູ່ຄະນະໂຄສະນາສູນກາງພັກ; ຜ່ານຄຳສັ່ງຂອງນາຍົກລັດຖະມົນຕີ ວ່າດ້ວຍການຍົກຍ້າຍພະນັກງານການນຳຂັ້ນສູນກາງໄປຮັບໜ້າທີ່ໃໝ່ ໂດຍຍົກຍ້າຍທ່ານ ຄຳເຈ່ນ ວົງໂພສີ ເລຂາພັກແຂວງ, ເຈົ້າແຂວງຜົ້ງສາລີ ໄປຮັບໜ້າທີ່ໃໝ່ຢູ່ຄະນະໂຄສະນາສູນກາງພັກ ແລະ ຜ່ານມະຕິຕົກລົງຂອງກົມການເມືອງສູນກາງພັກ ສະບັບເລກທີ 086/ກມສພ, ລົງວັນທີ 13/9/2019 ວ່າດ້ວຍການແຕ່ງຕັ້ງຜູ້ຮັກສາການເລຂາຄະນະບໍລິຫານງານພັກແຂວງຜົ້ງສາລີ ໂດຍແຕ່ງຕັ້ງ ສະຫາຍ ຄຳຜອຍ ວັນນະສານ ຮອງເລຂາພັກແຂວງ ເປັນຜູ້ຮັກສາການເລຂາຄະນະບໍລິຫານງານພັກແຂວງຜົ້ງສາລີ; ຜ່ານດຳລັດຂອງນາຍົກລັດຖະມົນຕີວ່າດ້ວຍການແຕ່ງຕັ້ງ ຜູ້ຮັກສາການເຈົ້າແຂວງຜົ້ງສາລີ ໂດຍແຕ່ງ ຕັ້ງທ່ານ ຄຳຜອຍ ວັນນະສານ ເປັນຜູ້ຮັກສາການເຈົ້າແຂວງຜົ້ງສາລີ; ພ້ອມນີ້ຍັງໄດ້ຜ່ານມະຕິຕົກລົງຂອງກົມການເມືອງສູນກາງພັກ ວ່າດ້ວຍການບົ່ງຕົວແຕ່ງຕັ້ງ ກໍຳມະການຄະນະບໍລິຫານງານພັກແຂວງຜົ້ງສາລີ ໂດຍແຕ່ງຕັ້ງສະຫາຍ ພອນໄຊ ອ່ອນສາ, ສະຫາຍ ວີສອນ ລາວເມົາ, ສະຫາຍ ພອນສຸຈິດ ລີລາວົງ, ສະຫາຍ ທອງຕື ເກຍສະບົງ ເປັນກໍຳມະການຄະນະບໍລິຫານງານພັກແຂວງຜົ້ງສາລີ.

      ໂອກາດນີ້ ທ່ານ ຄຳເຈ່ນ ວົງໂພສີ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີຜູ້ເກົ່າ ໄດ້ຂຶ້ນຜ່ານບົດບັນທຶກການມອບ-ຮັບວຽກງານ, ຈາກນັ້ນ ທ່ານ ຄຳເຈ່ນ ວົງໂພສີ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີຜູ້ເກົ່າ ແລະ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ຮັກສາການເຈົ້້າແຂວງຜົ້ງສາລີ ກໍ່ໄດ້ຂຶ້ນເຊັນບົດບັນທຶກມອບ-ຮັບໜ້າທີ່ຮ່ວມກັນ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

88923
ມື້ນີ້ມື້ນີ້28
ມື້ວານນີ້ມື້ວານນີ້37
ອາທິດນີ້ອາທິດນີ້295
ເດືອນນີ້ເດືອນນີ້954
ທັງໝົດທັງໝົດ88923

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ