ຄະນະໂຄສະນາອົບຮົມແຂວງຜົ້ງສາລີຈັດຕັ້ງປາຖະກະຖາ 2 ວັນປະຫວັດສາດ

ຄະນະໂຄສະນາອົບຮົມແຂວງຜົ້ງສາລີຈັດຕັ້ງປາຖະກະຖາ 2 ວັນປະຫວັດສາດ

     ໃນ​ຕອນ​ເຊົ້າ​ຂອງວັນ​ທີ 04 ທັນວາ 2019 ນີ້​ ທາງ​ຄະ​ນະ​ໂຄ​ສະ​ນາ​ອົມ​ຮົມ​ແຂວງ​ຜົ້ງ​ສາ​ລີໄດ້​ຈັດ​ໃຫ້​ມີ​ພິ​ທີ​ປາ​ຖະ​ກະ​ຖາເລົ່າ​ມູນ​ເຊື້ອ 2 ວັນ​ປະຫວັດສາດ

ສຳ​ຄັນ​ຄື: ວັນຊາດ ສປປ ລາວ ຄົບຮອບ 44 ປີ (02/12/1975 – 02/12/2019) ແລະ ວັນເກີດປະທານໄກສອນ ພົມວິຫານ ຄົບຮອບ 99 ປີ (13/12/1920 – 13/12/2019) ຂຶ້ນຢ່າງເປັນທາງການ ​ທີ່​ສະ​ໂມ​ສອນ​​ຂອງ​ແຂວງ​ຜົ້ງ​ສາ​ລີໂດຍພາຍ​ໃຕ້​ການ​ເປັນ​ປະ​ທານ ​ຂອງ ​ທ່ານ​ ເພັງ ສຸລິເປົາ ຮອງເລຂາໜ່ວຍພັກ, ຮອງຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​​ແຂວງ; ໃນພິທີ ທີ່ມີຄວາມໝາຍຄວາມສຳຄັນດັ່ງກ່າວນີ້ມີຫົວ​ໜ້າ​ພະ​ແນກ, ຮອງ​ພະ​ແນກ, ພະ​ນັກ​ງານ​ລັດ​ຖະ​ກອນ​, ສະມາຊິກພັກ, ນາຍ ແລະ ພົນ​ທະ​ຫານ, ນາຍ ແລະ ພົນ​ຕຳຫຼວດ​, ອຳ​ນວຍ​ການ​ໂຮງ​ຮຽນ, ໂຮງ​ໝໍ ແລະ ລັດ​ວິ​ສາ​ຫະ​ກິດ​ຈາກ​ອ້ອມ​ຂ້າງ​ແຂວງ​ເຂົ້າ​ຮ່ວມ​ຮັບ​ຟັງ​ທັງ​ໝົດຈຳ​ນວນ 129 ທ່ານ, ຍິງ 49 ທ່ານ, ສະມາຊິກພັກ 69 ສະຫາຍ, ຍິງ 23 ສະຫາຍ.

       ໃນພິທີດັ່ງກ່າວ ທ່ານ ເພັງ ສຸລິເປົາ ກໍ່ໃຫ້ກຽດຂຶ້ນເລົ່າປະຫວັດມູນເຊື້ອວັນຊາດ ສປປ ລາວ ຄົບຮອບ 44 ປີ ກ່ຽວກັບການຕໍ່ສູ້ຢ່າງພິລະອາດຫານຂອງປະຊາຊົນລາວບັນດາເຜົ່າ ພາຍໃຕ້ການຳພາຂອງພັກ ຈົນສາມາດປົດປ່ອຍປະເທດຊາດໃນວັນທີ 2 ທັນວາ 1975 ເປັນຕົ້ນມາ, ພັກ-ລັດ ແລະ ປະຊາຊົນບັນດາເຜົ່າກໍ່ໄດ້ເອົາໃຈໃສ່ປົກປັກຮັກສາ ແລະ ສ້າງສາພັດທະນາປະເທດ ຊາດໃຫ້ຫຼຸດພົ້ນອອກຈາກຄວາມທຸກຍາກ ຈາກນັ້ນທ່ານກໍ່ຍັງໄດ້ເລົ່າປະຫວັດການເຄື່ອນໄຫວຂອງປະທານ ໄກສອນ ພົມວິຫານຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 99 ປີ.

        ການຈັດຕັ້ງປາຖະກະຖາ 2 ວັນປະຫວັດສາດຄັ້ງນີ້ ໃຊ້ເວລາ 1 ຕອນ ແລະ ອັດລົງດ້ວຍຜົນສຳເລັດອັນຈົບງາມ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

98944
ມື້ນີ້ມື້ນີ້87
ມື້ວານນີ້ມື້ວານນີ້110
ອາທິດນີ້ອາທິດນີ້766
ເດືອນນີ້ເດືອນນີ້1157
ທັງໝົດທັງໝົດ98944

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ