ຄະນະໂຄສະນາອົບຮົມແຂວງ ເຜີຍແຜ່, ເຊື່ອມຊຶມ ບັນດາແຈ້ງການ ເພື່ອສະເຫຼີມສະຫຼອງສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ ພສ 2566

ລາຍລະອຽດ

ສ້າງຂື້ນເມື່ອ ວັນພຸດ, 12 ເມສາ 2023 08:12

ຂຽນໂດຍ Bounsouly Loma

ຄະນະໂຄສະນາອົບຮົມແຂວງ

ເຜີຍແຜ່, ເຊື່ອມຊຶມ ບັນດາແຈ້ງການ ເພື່ອສະເຫຼີມສະຫຼອງສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ ພສ 2566

     ໃນຕອນເຊົ້າຂອງວັນທີ 11 ເມສາ 2023 ຜ່ານມານີ້ ຄະນະໂຄສະນາອົບຮົມແຂວງ ໄດ້ຈັດພິທີເຜີຍແຜ່, ເຊື່ອມຊຶມ ບັນດາແຈ້ງການ ເພື່ອສະເຫຼີມສະຫຼອງສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ ພສ 2566 ໃນນັ້ນປະກອບມີ:

1. ແຈ້ງການ ຂອງກອງບັນຊາການ ປກສ ແຂວງ ສະບັບເລກທີ 905/ປກສ.ຜລ, ລົງວັນທີ 3 ມີນາ 2023 ວ່າດ້ວຍການປ້ອງກັນອຸບັດຕິເຫດໃນໄລຍະສະເຫຼີມສະຫຼອງສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ ພສ 2566 ໃຫ້ມີຄວາມປອດໄພ;

2. ແຈ້ງການ ຂອງກອງບັນຊາການ ປກສ ແຂວງ ສະບັບເລກທີ 1000/ປກສ.ຜລ, ລົງວັນທີ 5 ເມສາ 2023 ວ່າດ້ວຍການເພີ່ມທະວີວຽກງານປ້ອງກັນເວນຍາມ ໃນໄລຍະສະເຫຼີມສະຫຼອງຕ້ອນຮັບປີ ໃໝ່ລາວ ພສ 2566 ທີ່ຈະມາເຖິງ;

3. ແຈ້ງການຂອງຫ້ອງວ່າການແຂວງ ສະບັບເລກທີ 275/ຫວຂ.ຜລ, ລົງວັນທີ 31 ມີນາ 2023 ວ່າດ້ວຍການສະເຫຼີມສະຫຼອງບຸນປີໃໝ່ລາວ ພສ 2566.

     ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ນ.​ ຈັນມະນີ ນາມວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາຄະນະ, ຫົວໜ້າ-ຮອງຫົວໜ້າຂະແໜງ ພ້ອມດ້ວຍພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 14 ທ່ານ, ຍິງ 7 ທ່ານ.

• < ຕໍ່ໄປ
• ຕໍ່ໄປ >