• ກຳມະບານຮາກຖານຄະນະໂຄສະນາອົບຮົມແຂວງ
  • ກອງປະຊຸມໃຫຍ່ສະມາຊິກພັກຄັ້ງທີ VII ຂອງ
  • ກອງປະຊຸມໃຫຍ່ສະມາຊິກພັກ ຄັ້ງທີ VII ຂອງ
  • ແຂວງຜົ້ງສາລີສຳເລັດກອງປະຊຸມອົງການປ
  • ແຂວງຜົ້ງສາລີ ສໍາເລັດກອງປະຊຸມຄົບຄະນ
  • ແຂວງ​ຜົ້ງ​ສາ​ລີ​ເຜີຍ​ແຜ່​ເຊື່ອມ​ຊ

ກຳມະບານຮາກຖານຄະນະໂຄສະນາອົບຮົມແຂວງຜົ້ງສາລີ ປະກາດຮັບຮອງເປັນກຳມະບານ 5 ເປັນເຈົ້າ

ກຳມະບານຮາກຖານຄະ​ນະ​ໂຄ​ສະ​ນາ​ອົບ​ຮົມ​ແຂວງຜົ້ງສາລີ ປະ​ກາດ​ຮັບ​ຮອງເປັນກຳມະບານ 5 ເປັນເຈົ້າ ໄລຍະ...

ກອງປະຊຸມໃຫຍ່ສະມາຊິກພັກ ຄັ້ງທີ VII ຂອງໜ່ວຍພັກຄະນະໂຄສະນາອົບຮົມແຂວງ ຜົ້ງສາລີ

ຂ່າວ: ກອງປະຊຸມໃຫຍ່ສະມາຊິກພັກ ຄັ້ງທີ VII  ຂອງໜ່ວຍພັກ ຄະນະໂຄສະນາອົບຮົມແຂວງ ຜົ້ງສາລີ. ...

ແຂວງຜົ້ງສາລີສຳເລັດກອງປະຊຸມອົງການປົກຄອງແຂວງປະຈຳ 6 ເດືອນ ຕົ້ນປີ 2020

ແຂວງ ​ຜົ້ງ​ສາ​ລີ ສຳ​ເລັດ​ກອງ​ປະ​ຊຸມອົງ​ການ​ປົກ​ຄອງ​ແຂວງ​ ປະ​ຈຳ 6 ເດືອນ ຕົ້ນ​ປີ 2020. ...

ແຂວງຜົ້ງສາລີ ສໍາເລັດກອງປະຊຸມຄົບຄະນະບໍລິຫານງານພັກແຂວງຄັ້ງທີ 11 ສະໄໝທີ X

  ແຂວງ​ຜົ້ງ​ສາ​ລີ​ ສໍາ​ເ​ລັດກອງ​ປະ​ຊຸມຄົບ​ຄະ​ນະ​ບໍ​ລິ​ຫານ​ງານ​ພັກ​ແຂວງ​ຄັ້ງ​ທີ 11...
ແຂວງ​ຜົ້ງ​ສາ​ລີ​ເຜີຍ​ແຜ່​ເຊື່ອມ​ຊຶມ ແລະ ຈັດ​ຕັ້ງ​ຜັນ​ຂະ​ຫ​ຍາຍ​ນິ​ຕິ​ກຳ​ຕ່າງໆທີ່​ສຳ​ຄັ​ນ​ຂອງ​ພັກ, ​ຂອງ​ຊາດ.

ແຂວງ​ຜົ້ງ​ສາ​ລີ​ເຜີຍ​ແຜ່​ເຊື່ອມ​ຊຶມ ແລະ ຈັດ​ຕັ້ງ​ຜັນ​ຂະ​ຫ​ຍາຍ​ນິ​ຕິ​ກຳ​ຕ່າງໆທີ່​ສຳ​ຄັ​ນ​ຂອງ​ພັກ, ​ຂອງ​ຊາດ.

ແຂວງ​ຜົ້ງ​ສາ​ລີ​ເຜີຍ​ແຜ່​ເຊື່ອມ​ຊຶມ ແລະ ຈັດ​ຕັ້ງ​ຜັນ​ຂະ​ຫ​ຍາຍ​ນິ​ຕິ​ກຳ​ຕ່າງໆທີ່​ສຳ​ຄັ​ນ​ຂອ...
Previous
Next

ຂ່າວໃໝ່

ຄະນະໂຄສະນາອົບຮົມແຂວງຜົ້ງສາລີຮ່ວມກັບພະແນກກະສິກຳ-ປ່າໄມ້ແຂວງ ລົງໂຄສະນາເຜີຍແຜ່ກົດໝາຍວ່າດ້ວຍປ່າໄມ້ສະບັບປັບປຸງໃໝ່ ແລະ ນິຕິກຳຕ່າງໆ ກ່ຽວກັບວຽກງານປ່າໄມ້

    ຄະນະໂຄສະນາອົບຮົມແຂວງຜົ້ງສາລີຮ່ວມກັບພະແນກກະສິກຳ-ປ່າໄມ້ແຂວງ

ລົງໂຄສະນາເຜີຍແຜ່ກົດໝາຍວ່າດ້ວຍປ່າໄມ້ສະບັບປັບປຸງໃໝ່ ແລະ ນິຕິກຳຕ່າງໆ ກ່ຽວກັບວຽກງານປ່າໄມ້

      ລະຫວ່າງວັນທີ 18 - 28 ກຸມພາ 2020 ຂະແໜງອົບ ຂອງຄະນະໂຄສະນາອົບຮົມແຂວງ ໄດ້ຮ່ວມກັບພະແນກກະສິກຳປ່າໄມ້ແຂວງ (ຂະແໜງປ່າໄມ້) ແລະ ກະສິກຳ 3 ເມືອງທາງໃຕ້ ໄດ້ລົງເຜີຍແຜ່ກົດໝາຍ

ວ່າດ້ວຍປ່າໄມ້ສະບັບປັບປຸງໃໝ່, ດຳລັດ ວ່າດ້ວຍການສົ່ງເສີມການປູກໄມ້ເປັນສິນຄ້າ ແລະ ຄຳສັ່ງແນະນຳຂອງເຈົ້າແຂວງ ວ່າດ້ວຍການເພີ່ມທະວີຄວາມເອົາໃຈໃສ່ໃນການສະກັດກັ້ນການບຸກລຸກ ແລະ ການທຳລາຍປ່າໄມ້, ການຖາງປ່າເຮັດໄຮ່ ແລະ ການສະກັດກັ້ນໄຟໄໝ້ລາມປ່າ ພ້ອມທັງຊຸກຍູ້ການຜະລິດເບ້ຍໄມ້, ປູກໄມ້ ແລະ ຟື້ນຟູປ່າໄມ້ ຢູ່ບັນດາກຸ່ມທີ່ເປັນຈຸດຫຼໍ່ແຫຼມ ຂອງ 3 ເມືອງທາງໃຕ້ຄື: ກຸ່ມນາລໍາ, ກຸ່ມປ່າລັນທີ່ຂຶ້ນກັບເມືອງໃໝ່; ກຸ່ມລາດຊາງ, ກຸ່ມບວມພັນທີ່ຂຶ້ນກັບເມືອງຂວາ ແລະ ກຸ່ມນໍ້າລອຍ, ກຸ່ມອາເຊີທີ່ຂຶ້ນກັບເມືອງສຳພັນ. ການລົງເຜີຍແຜ່ກົດໝາຍວ່າດ້ວຍປ່າໄມ້ຄັ້ງນີ້ເປັນກຽດເຂົ້າຮ່ວມຂອງທ່ານ ໄນເພັດ ບຸບຜາ ຮອງຫົວໜ້າພະແນກກະສິກຳປ່າໄມ້ແຂວງ, ຜູ້ຊີ້ນຳຂະແໜງປ່າໄມ້, ມີທ່ານ ບຸນທະວີ ຕັນສຸພັນ ຫົວໜ້າຂະແໜງປ່າໄມ້ແຂວງ ພ້ອມດ້ວຍຄະນະທີມງານກະສິກຳແຂວງ, ຄະນະໂຄສະນາອົບຮົມແຂວງ ແລະ ພະນັກງານກະສິກຳ-ປ່າໄມ້ເມືອງ.

     ການລົງເຜີຍແຜ່ກົດໝາຍວ່າດ້ວຍປ່າໄມ້ສະບັບປັບປຸງໃໝ່ຄັ້ງນີ້ ມີບັນດາສະຫາຍເລຂາພັກກຸ່ມບ້ານ, ເລຂາພັກ-ນາຍບ້ານ, ບັນດາອົງການຈັດຕັ້ງຂັ້ນບ້ານ, ພະນັກງານຄູອາຈານ, ພະນັກງານສຸກສະລາປະຈໍາຢູ່ບ້ານ ພ້ອມດ້ວຍພໍ່ແມ່ປະຊາຊົນ ແລະ ເລຂາພັກ-ນາຍບ້ານທີ່ຕາງໜ້າຈາກບ້ານທີ່ຂຶ້ນກັບກຸ່ມທັງໝົດ 46 ບ້ານ, ມີຜູ້ເຂົ້າຮັບຟັງທັງໝົດ 331 ຄົນ; ຍິງ 55 ຄົນ. ໃນພິທີດັ່ງກ່າວທ່ານ ໄນເພັດ ບຸບຜາ ຮອງຫົວໜ້າພະແນກກະສິກຳ-ປ່າໄມ້ແຂວງ ໃຫ້ກຽດກ່າວເປີດພິທີເຊິ່ງທ່ານໄດ້ຍົກໃຫ້ເຫັນສະພາບລວມເປັນຕົ້ນ: ແມ່ນກົດໝາຍປ່າໄມ້, ມາດຕະການການຄຸ້ມຄອງປ່າໄມ້ ແລະ ການຮັກສາຊັບພະຍາກອນທຳມະ ຊາດ, ການຖາງປ່າເຮັດໄຮ່ຊະຊາຍ, ການສະກັດກັ້ນໄຟໄໝ້ລາມປ່າ ແລະ ການສົ່ງເສີມການປູກຕົ້ນໄມ້ເປັນສິນຄ້າ. ຫລັງຈາກນັ້ນທ່ານ ບຸນທະວີ ຕັນສຸພັນ ເຜີຍແຜ່ກົດໝາຍວ່າດ້ວຍປ່າໄມ້ສະບັບປັບປຸງໃໝ່ ສະບັບເລກທີ 64/ສພຊ, ລົງວັນທີ 13 ມີຖຸນາ 2019; 2. ພະນັກງານກະສິກຳເມືອງເຜີຍແຜ່ ດໍາລັດ ສະບັບເລກທີ 427/ລບ, ລົງວັນທີ 20/8/2019 ວ່າດ້ວຍການສົ່ງເສີມການປຸກໄມ້ເປັນສິນຄ້າ ແລະ ທ່ານ ສົມຕຸ້ຍ ສຸວັນນະຄໍາ ຕາງໜ້າຈາກຄະນະໂຄສະນາອົບຮົມແຂວງ ເຜີຍແຜ່ຄຳສັ່ງແນະນຳ ຂອງເຈົ້າແຂວງສະບັບເລກທີ 332/ຈຂ.ຜລ, ລົງວັນທີ 26 ທັນວາ 2019 ວ່າດ້ວຍການເພີ່ມທະວີຄວາມເອົາໃຈໃສ່ໃນການສະກັດກັ້ນການບຸກລຸກ ແລະ ການທຳລາຍປ່າໄມ້, ການຖາງປ່າເຮັດໄຮ່ ແລະ ການສະກັດກັ້ນໄຟໄໝ້ລາມປ່າ ພ້ອມທັງຊຸກຍູ້ການຜະລິດເບ້ຍໄມ້, ປູກໄມ້ ແລະ ຟື້ນຟູປ່າໄມ້ ເພື່ອສ້າງຄວາມເຂົ້າໃຈຕໍ່ກັບການອະນຸລັກຮັກສາປ່າໄມ້, ຮູ້ຈັກນໍາໃຊ້ຊັບພະຍາທໍາມະຊາດໃຫ້ເກີດຜົນປະໂຫຍດກັບຄອບຄົວ, ການອະນຸລັກຮັກສາປ່າໄມ້ໃຫ້ຢູ່ຄູ່ກັບພວກເຮົາຕະຫຼອດໄປ, ປ່າໄມ້ເປັນຊັບສົມບັດລວມຂອງໝົດທຸກຄົນ ພວກເຮົາທຸກຄົນມີໜ້າທີ່ຊ່ວຍກັນປົກປັກຮັກສາປ່າໄມ້ໃນທ້ອງຖິ່ນທີ່ຍັງເຫຼືອຢູ່ ບໍ່ໃຫ້ມີການທຳລາຍເພີ່ມຂຶ້ນ, ບໍ່ໃຫ້ມີການລັກລອບຕັດໄມ້ທຳລາຍປ່າໄມ້ຊະຊາຍ, ການບຸກລຸກຖາງປ່າ, ຍືດຖືຄອບຄອງພື້ນທີ່ປ່າໄມ້, ເຂດປ່າຫວ່ງຫ້າມ, ປ່າສະຫງວນ ແລະ ອື່ນໆ ພ້ອມກັນນັ້ນ, ບັນດາອຳນາດການປົກຄອງມາຈາກແຕ່ລະບ້ານໄດ້ພັດປ່ຽນປະກອບຄໍາຄິດຄໍາເຫັນຢ່າງສັດຈະວິພາກ ແລະ ສະຫຼຸບຖອດຖອນບົດບົດຮຽນດ້ານຄວາມຮັບຮູ້, ຄວາມເຂົ້າໃຈຂອງປະຊາຊົນ ກ່ຽວກັບວຽກງານປ່າໄມ້ ແລະ ສ້າງບົດບັນທຶກລະອຽດແລັວມອບໃຫ້ແຕ່ລະບ້ານ ເພື່ອພ້ອມກັນຈັດຕັ້ງປະຕິບັດອະນຸລັກຮັກສາປ່າໄມ້ໃຫ້ຍືນຍົງ.

      ໃນໂອກາດລົງໂຄສະນາເຜີຍແຜ່ກົດໝາຍປ່າໄມ້ຄັ້ງນີ້ ທ່ານ ໄນເພັດ ບຸບຜາ ໄດ້ເນັ້ນໜັກໃຫ້ເລຂາພັກກຸ່ມບ້ານ, ເລຂາພັກ-ນາຍບ້ານ, ອຳນາດການປົກຄອງແຕ່ລະບ້ານ ແລະ ພໍ່ແມ່ປະຊາຊົນ ໂດຍສະເພາະທ່ານໄດ້ເນັ້ນການໂຄສະນາເຜີຍແຜ່, ປຸກຈິດສຳນືກໃຫ້ປະຊາຊົນ, ເຍົາວະຊົນເຂົ້າໃຈ ແລະ ໃຫ້ທຸກພາກສ່ວນມີສ່ວນຮ່ວມຢ່າງກວ້າງຂວາງເປັນຕົ້ນ: ຄາດໝາຍສູ້ຊົນການຟື້ນຟູປ່າໄມ້ໃຫ້ມີເນື້ອທີ່ປົກຫຸ້ມທີ່ຍັງເຫຼືອຢູ່ບໍ່ໃຫ້ຖືກທຳລາຍ ຊ່ວຍກັນປູກຕົ້ນໄມ້ຂຶ້ນມາທົດແທນຕົ້ນໄມ້ທີ່ຖືກທຳລາຍໄປໃຫ້ຫຼາຍທີ່ສຸດ ແລະ ຖືເອົາວຽກງານຄຸ້ມຄອງ, ປົກປັກຮັກສາປ່າໄມ້ໃຫ້ເປັນວຽກງານຍຸດທະສາດທີ່ສຳຄັນ ໂດຍສະເພາະການປ້ອງກັນໄຟໄໝ້ລາມປ່າ, ການສົ່ງເສີມປູກໄມ້ ແລະ ຟື້ນຟູປ່າ ນອກຈາກນັ້ນທ່ານໄດ້ໃຫ້ຄວາມສຳຄັນຕໍ່ກັບການປ້ອງກັນ ແລະ ສະກັດກັ້ນໄຟໄໝ້ລາມປ່າໃຫ້ປະຊາຊົນຢູ່ນອກ 3 ປະເພດປ່າຄື: ປ່າປ້ອງກັນ, ປ່າສະຫງວນ ແລະ ປ່າຜະລິດທີ່ມີການຖາງປ່າເຮັດໄຮ່, ເຮັດສວນ ແລະ ບ່ອນທຳມາຫາກິນອື່ນໆ.

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

96888
ມື້ນີ້ມື້ນີ້96
ມື້ວານນີ້ມື້ວານນີ້76
ອາທິດນີ້ອາທິດນີ້449
ເດືອນນີ້ເດືອນນີ້589
ທັງໝົດທັງໝົດ96888

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ