ເມືອງ ບຸນໃຕ້ ແຂວງ ຜົ້ງສາລີ ປະຖະກະຖາເລົ່າມູນເຊື້ອວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ( 20 ມັງກອນ 1949- 20 ມັງກອນ 2021)

ສ້າງຂື້ນເມື່ອ ວັນອັງຄານ, 19 ມັງກອນ 2021 08:45
ຂຽນໂດຍ ນັກຂ່າວເມືອງບຸນໃຕ້

ເມືອງ ບຸນໃຕ້ ແຂວງ ຜົ້ງສາລີ ປະ​ຖະ​ກະ​ຖາ​ເລົ່າ​ມູນ​ເຊື້ອ

ວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ( 20 ມັງກອນ 1949- 20 ມັງກອນ 2021)

     ຕອນເຊົ້າຂອງວັນທີ 15 ມັງກອນ ປີ 2021 ນີ້ ທາງກອງບັນຊາການທະຫານເມືອງບຸນໃຕ້ ໄດ້ຈັດພິທີປະ​ຖະ​ກະ​ຖາ​ເລົ່າ​ມູນ​ເຊື້ອ ວັນສ້າງຕັ້ງກອງທັບປະຊາຊົນລາວຄົບຮອບ 72 ປີຂຶ້ນຢ່າງເປັນທາງການທີ່ສະ ໂມສອນຂອງເມືອງ ໂດຍການໃຫ້ກຽດ ແລະ ເປັນປະທານຂອງທ່ານ ສົມ​ຈິດ ເສີມ​ມີ​ໄຊ ຮອງເລຂາພັກເມືອງ, ມີ​ທ່ານ ພັນ​ໂທ ຊ້ອຍ ແສງ​ມະ​ນີ ກຳ​ມະ​ການ​ພັກ​ເມືອງ, ຫົວ​ໜ້າ​ການ​ທະ​ຫານກອງ​ບັນ​ຊາ​ການ​ທະ​ຫານ​ເມືອງ, ທ່ານ ນາງ ສີ​ແພ ຄຸນ​ມະ​ນີ ປະ​ທານ​ສະ​ຫະ​ພັນ​ແມ່​ຍິງ​ເມືອງ, ມີບັນດາທ່ານກໍາມະການປະຈໍາພັກເມືອງ, ກໍາມະການພັກເມືອງ, ນາຍ ແລະ ພົົນທະຫານ, ນາຍ ແລະ ພົນຕໍາຫຼວດ, ຫົວໜ້າ, ຮອງຫົວໜ້າຫ້ອງການ, ອາດິດການນໍາຂັ້ນເມືອງ ຕະຫຼອດຮອດພະນັກງານ-ລັດຖະກອນອ້ອມຂ້າງເມືອງເຂົ້າ ຮ່ວມຢ່າງພ້ອມພຽງ.

    ໃນພິທີ, ທ່ານ ສົມ​ຈິດ ເສີມ​ມີ​ໄຊ ຮອງ​ເລ​ຂາ​ພັກ​ເມືອງ ​ໃຫ້ກຽດຜ່ານປະຫວັດຄວາມເປັນມາຂອງວັນສ້າງຕັ້ງກອງທັບປະຊາຊົນລາວໃນ​ຕະຫຼອດ​ໄລ​ຍະ 72 ປີ

(20 ມັງກອນ 1949-20 ມັງກອນ 2021) ໂດຍຫຍໍ້. ເຊິ່ງໃນນັ້ນທ່ານໄດ້ຍົກໃຫ້ເຫັນປະຫວັດແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະະຊາຊົນລາວໃນແຕ່ລະໄລຍະ, ພ້ອມນັ້ນທ່ານຍັງໄດ້ເວົ້າເຖິງທາດແທ້ ແລະ ມູນເຊືື້ອອັນສະຫງ່າອົງອາດຂອງກອງທັບປະຊາຊົນລາວຄື: ກອງທັບປະຊາຊົນລາວແມ່ນເລີ່ມຈາກກອງກໍາລັງປະກອບອາວຸດຂອງປະຊາຊົນບັນດາເຜົ່າ, ທາດແທ້ຂອງປະຊາຊົນລາວແມ່ນກອງທັບປະຊາຊົນທີ່ຕໍ່ສູ້ເພື່ອປົດປ່ອຍປະຊາຊົນ ອອກຈາກການກົດຂີ່ຂຸດຮິດຂອງສັກດິນນາ ແລະ ຕ່າງຊາດ, ຕໍ່ສູ້ເພື່ອນໍາເອົາເອກະລາດອໍານາດອະທິປະໄຕມາໃຫ້ແກ່ປະຊາຊົນ ເຊິ່ງພາຍໃຕ້ການຊີ້ນໍາຂອງພັກປະຊາຊົນປະຕິວັດລາວເຊິ່ງເປັນຜູ້ກໍ່ຕັ້ງສຶກສາອົບຮົມ ແລະ ຝຶກຝົນຫຼໍ່ຫຼອມໃຫ້ເປັນນັກຮົບທີ່ມີທັດສະນະຫຼັກໝັ້ນ, ມີຄວາມຈົ່ງຮັກພັກດີ, ມີຄວາມຊື່ສັດບໍລິສຸດ ແລະ ມີແບບແຜນທີ່ເຂັ້ມງວດສົມວ່າເປັນກໍາລັງແກ່ນສານຂອງປະຊາຊົນ, ຂອງຊົນຊັ້ນຜູ້ອອກແຮງງານ ແລະ ເປັນເຄື່ອງມືອັນແຫຼມຄົມຂອງພັກຕະຫຼອດມາ. ເຊິ່ງທັງໝົດດັ່ງກ່າວນັ້ນແມ່ນຜົນງານ ແລະ ຄຸນງາມຄວາມດີຂອງກອງທັບປະຊາຊົນລາວພາຍໃຕ້ການນໍາພາຂອງພັກປະຊາຊົນປະຕິວັດລາວຈຶ່ງມີກົມກອງ ແລະ ບຸກຄົນທີ່ໄດ້ກາຍເປັນວິລະ ຊົນ, ເປັນນັກຮົບແຂ່ງຂັນຄື: ວິລະຊົນແຫ່ງຊາດມີ 59 ສະຫາຍ, ນັກຮົບແຂງຂັນມີ 341 ສະຫາຍ, ກົມກອງວິລະຊົນມີຫຼາຍກົມກອງ. ນອກຈາກນີ້ຍັງມີແຂວງ, ເມືອງ, ຕາແສງ ແລະ ບ້ານວິລະຊົນຄື: ຊຽງຂວາງ, ຫົວພັນ, ຜົງສາລີ, ຄໍາມ່ວນ ແລະ ເຊກອງ. ພ້ອມນັ້ນທ່ານຍັງໄດ້ເໜັ້ນໜັກໃຫ້ບັນດານາຍ ແລະ ພົນທະຫານແຕ່ລະສະຫາຍສຶບຕໍ່ເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນຂອງກອງທັບປະຊາຊົນລາວໃຫ້ເລິກເຊິ່ງ ແລະ ໜັັກແໜ້ນ, ເປັນກໍາລັງທີ່ຈົ່ງຮັກພັກດີ ແລະ ເຄື່ອນໄຫວຢູ່ພາຍໃຕ້ການນໍາພາເດັດຂາດໂດຍກົງ ແລະ ຮອບດ້ານ, ຕັ້ງໜ້າສືກສາອົບຮົມປຸກລະດົມທົ່ວພັກ ທົ່ວລັດ ແລະ ທົ່ວປວງຊົນເຮົາເຂົ້າຮ່ວມວຽກງານການກໍ່ສ້າງຮາກຖານການເມືອງ ແລະ ພັດທະ ນາຊົນນະບົດຮອບດ້ານໃຫ້ເປັນຂະບວນການກວ້າງຂວາງ ແລະ ແຂງແຮງກວ່າເກົ່າ, ເອົາໃຈໃສ່ພັດທະ ນາເສດຖະກິດ-ສັງຄົມ ຕິດແໜ້ນກັບການສ້າງທ່າສະໝາມປ້ອງກັນຊາດທົ່ວປວງຊົນ, ສຸມໃສ່ການແກ້ ໄຂຄວາມທຸກຍາກຂອງປະຊາຊົນໃຫ້ເປັນຈິງ, ຕັ້ງໜ້າປັບປຸງກໍ່ສ້າງກໍາລັງຫຼວງ ໃຫ້ມີກໍາລັງແຮງສູ້ຮົບ, ເປັນຫຼັກແຫຼງ ແລະ ສາມາດຕອບຕ້ານ, ແກ້ໄຂສະພາບການທີ່ເກີດຂື້ນໄດ້ຢ່າງມີປະສິດທິພາບ, ເພີ່ມທະວີການປັບປຸງກໍ່ສ້າງກໍາລັງທ້ອງຖິ່ນ ແລະ ຮາກຖານໃຫ້ສາມາດເປັນກໍາລັງຈັ້ງທ່າ, ຊ່ວຍໜູນ ແລະ ແກ້ ໄຂສະພາບການປັບປຸງກໍ່ສ້າງກໍາລັງທ້ອງຖິ່ນຕົນ ປົກປັກຮັກສາລະບອບປະຊາທິປະໄຕປະຊາຊົນໄວ້ຢ່າງໝັ້ນຄົງ.

      ຈາກນັ້ນ ທ່ານ ພັນ​ຕີ ທອງ​ດີ ພົມ​ປັນ​ຍາ ຮອງ​ຫົວ​ໜ້າ​ການ​ເມືອງກອງ​ບັນ​ຊາ​ການ​ທະ​ຫານ​ເມືອງ ໄດ້​ຂຶ້ນ​ຜ່ານ​ຜົນ​ງານ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ ​ຂອງກອງ​ບັນ​ຊາ​ການ​ທະ​ຫານ​ເມືອງ ​ໃນ​ຕະຫຼອດ​ໄລ​ຍະ 1 ປີ​ຜ່ານ​ມາ ແລະ

 ໃນ​ໂອ​ກາດ​ດຽວ​ກັນ​ນີ້ ທາງ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ​ບຸນ​ໃຕ້​ ຍັງ​ໄດ້​ຜ່ານ​ປະ​ຫວັດ​ຄວາມ​ເປັນ​ມາ​ຂອງ​ອາ​ຊຽນຕື່ມ​ອິກ ເຊິ່ງ​ຜ່ານ​ໂດຍ​ທ່ານ ອຸ່ນ​ແປງ ທຳ​ມະ​ໂນ​ໄຊ ກຳ​ມະ​ການ​ພັກ​ເມືອງ ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ເມືອງ.