ເມືອງຂວາ ແຂວງຜົ້ງສາລີ ປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ແລະ ວັນຊາດສາທາລະນະລັດກູບາຄົບຮອບ 62 ປີ

ລາຍລະອຽດ

ສ້າງຂື້ນເມື່ອ ວັນພຸດ, 20 ມັງກອນ 2021 03:59

ຂຽນໂດຍ ນັກຂ່າວເມືອງຂວາ

ເມືອງຂວາ ແຂວງຜົ້ງສາລີ ຈັດຕັ້ງປາຖະກະຖາ

ວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ແລະ ວັນຊາດສາທາລະນະລັດກູບາຄົບຮອບ 62 ປີ

      ໃນຕອນເຊົ້າຂອງວັນທີ 19 ມັງກອນ 2021 ຜ່ານມານີ້ທາງການນຳເມືອງຂວາ ແຂວງຜົ້ງສາລີ ພ້ອມດ້ວຍນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານອາວຸໂສບຳນານ,

ເລຂາພັກກຸ່ມບ້ານ, ເລຂາພັກນາຍບ້ານ ພ້ອມດ້ວຍພະນັກງານລັດຖະກອນ ໄດ້ເຂົ້າວາງກະຕ່າດອກໄມ້ອະນຸສາວະລີປະທານ ໄກສອນ ພົມວິຫານ ຈາກນັ້ນກໍ່ໄດ້ເຂົ້າຮ່ວມພິທີປະຖະກະຖາເລົ່າມູນເຊື້ອວັນສ້າງຕັ້ງກອງທັບປະຊາຊົນລາວຄົບຮອບ 72 ປີ. (20 ມັງກອນ 1949-20 ມັງກອນ 2021) ແລະ ວັນຊາດສາທາລະນະລັດກູບາຄົບຮອບ 62 ປີ (1 ມັງກອນ 1959-1 ມັງກອນ 2021) ເຊິ່ງມີຜູ້ເຂົ້າຮ່ວມທັງໝົດ 245 ສະຫາຍ, ຍິງ 95 ສະຫາຍ.

        ພິທີດັ່ງກ່າວໄດ້ຈັດຂຶ້ນຢູ່ທີ່ສະໂມສອນຂອງເມືອງ ໂດຍພາຍໃຕ້ການເປັນປະທາຂອງທ່ານ ພອນທະວີ ໄຊມົນຕີ ກຳມະການພັກແຂວງ ເລຂາພັກ-ເຈົ້າເມືອງ ທັງເປັນປະທານປ້ອງກັນຊາດ, ປ້ອງກັນຄວາມສະຫງົບ.  

        ໃນພິທີທ່ານ ພັນໂທ ຄຳໝອນ ແສງວິໄລ ກຳມະການປະຈຳພັກເມືອງ ຫົວໜ້າກອງບັນຊາການທະຫານເມືອງ ໄດ້ຂຶ້ນເລົ່າການປະຫວັດການເຄື່ອນໄຫວຂອງກອງບັນຊາການທະຫານເມືອງແຕ່ລະໄລຍະທີ່ຜ່ານມາເຖິງປະຈຸບັນ ພ້ອມນັ້ນທ່ານນາງບົວຄຳ ວໍລະອຸ່ນຄຳ ຮອງເລຂາພັກເມືອງ ຊີ້ນຳວຽກ ງານແນວຄິດ, ວຽກງານພັກພະນັກງານ ໄດ້ເລົ່າມູນເຊື້ອວັນຊາດສາທາລະນະລັດກູບາຄົບຮອບ 62 ປີ.

       ພິິທີທີ່ເຕັມໄປດ້ວຍຄວາມໝາຍຄວາມສຳຄັນນີ້ທ່ານ ພອນທະວີ ໄຊມົນຕີ ກຳມະການພັກແຂວງ ເລຂາພັກ-ເຈົ້າເມືອງ ທັງເປັັນປະທານປ້ອງກັຊາດປ້ອງກັນຄວາມສະຫງົບ ກໍ່ໄດ້ຂຶ້ນເລົ່າມູນເຊື້ອວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ເຊິ່ງທ່ານໄດ້ຍົກໃຫ້ເຫັນເຖິງການກຳເນີດ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ທີ່ມີມາຕັ້ງແຕ່ທ້າຍສະຕະຫວັດທີ 19 ຈົນມາເຖິງປະຈຸບັນ, ມູນເຊື້ອວິລະກຳອັນລ້ຳເລີດໃນການຕໍ່ສູ້ກູ້ຊາດ ປົກປັກຮັກສາຜືນແຜ່ນດິນອັນຄົບຖ້ວນທີ່ແສນຮັກຂອງປວງຊົນລາວທັງຊາດໄວ້ໃຫ້ໝັ້ງຄົງ, ມູນເຊື້ອອັນພິລະອາດຫານດັ່ງກ່າວ ມັນໄດ້ເປັນທວນໄຟທີ່ເປັນແສງສະຫວ່າງເຍືອງທາງໃຫ້ຄົນຫຸ່ນຫຼັງໄດ້ຮັບຮູ້ ແລະ ຮັກສາມູນເຊື້ອດັ່ງກ່າວໃຫ້ຍືນຍົງຕະຫຼອດໄປ.

• < ຕໍ່ໄປ
• ຕໍ່ໄປ >