ສະຫະພັນກຳມະບານ ແຂວງຜົ້ງສາລີ ຈັດພິທີສະເຫຼີມສະຫຼອງວັນສ້າງຕັ້ງກຳມະບານລາວ ຄົບຮອບ 65 ປີ

ລາຍລະອຽດ

ສ້າງຂື້ນເມື່ອ ວັນພຸດ, 03 ກຸມພາ 2021 09:34

ຂຽນໂດຍ Bounsouly Loma

ສະຫະພັນກຳມະບານ ແຂວງຜົ້ງສາລີ

ຈັດພິທີສະເຫຼີມສະຫຼອງວັນສ້າງຕັ້ງກຳມະບານລາວ ຄົບຮອບ 65 ປີ 

      ພິທີສະເຫຼີມສະຫຼອງວັນສ້າງຕັ້ງກຳມະບານລາວ ຄົບຮອບ 65 ປີ ໄດ້ຈັດຂຶ້ນໃນຕອນເຊົ້າຂອງວັນທີ 1 ກຸມພາ 2021 ນີ້ ທີ່ສະໂມສອນຂອງເມືອງ ບຸນເໜືອ ໂດຍພາຍໃຕ້ການເປັນປະທານຂອງທ່ານ ທອງສະຫວັນ ທຳມະວົງ

ກຳມະການປະຈຳພັກແຂວງ, ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ມີບັນດາຄະນະບໍລິຫານງານກຳມະບານແຂວງ, ປະທານກຳມະບານຮາກຖານ ຕະຫຼອດຮອດສະມາຊິກກຳມະບານອ້ອມຂ້າງແຂວງເຂົ້າຮ່ວມທັງໝົດ 178 ສະຫາຍ, ຍິງ 87 ສະຫາຍ.

       ໃນ​ພິ​ທີ ທ່ານ ທອງສະຫວັນ ທຳມະວົງ ກຳ​ມະ​ການ​ປະ​ຈຳ​ພັກ​ແຂວງ, ປະ​ທານ​ແນວ​ລາວ​ສ້າງ​ຊາດ ຜູ້​ຊີ້​ນຳ​ວຽກ​ງານ​ອົງ​ການ​ຈັດ​ຕັ້ງ​ມະ​ຫາ​ຊົນ​ຂັ້ນແຂວງ ກໍໄດ້​ໃຫ້ກຽດຂຶ້ນ​ເລົ່າປະຫວັດແຫ່ງການກຳເນີດ, ຂະຫຍາຍຕົວ, ​ມູນ​ເຊື້ອ ແລະ ທາດແທ້​ຂອງວັນ​ດັ່ງ​ກາວ ເຊິ່ງ​ທ່າ​ນ​ໄດ້​ຍົກ​ໃຫ້​ເຫັນ​ເຖີງ​ຕົ້ນ​ກຳ​ເນີດ​ການ​ກຳ​ເນິດ​ເຕີບ​ໃຫ່​ຍ​ຂະ​ຫຍາຍ​ຕົວ​ສະ​ຫະ​ພັນ​ກຳ​ມະ​ບານ​ລາວ​ພາຍ​ໃຕ້​ການ​ຊີ້​ນຳ-ນຳ​ພາ​ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ ໃນ​ທ້າຍ​ສະ​ຕະ​ວັດ​ທີ 19 ໃຕ້​ການ​ປົກ​ຄອງ​ຂອງ​ພວກ​ລ່າ​ເມືອງ​ຂຶ້ນ​ຝ​ຣັ່ງ ກຳ​ມະ​ກອນລາວ​ຖຶກ​ກົດ​ຂີ່​ຂູດ​ຮີດ​ຢ່າງ​ໜັກ​ໜ່ວງ, ບັງ​ຄັບ​ໃຫ້​ເຮັດ​ວຽກ 14-16 ຊົ່ວ​ໂມງ ແຕ່​ການ​ອອກ​ແຮງ​ງານ​ພັດ​ວ່າ​ໄດ້​ຄ່າ​ແຮງ​ງານ​ຕ່ຳ, ຖືກ​ຕັດ​ເງິນ​ເດືອນ ແລະ ຖືກ​ໄລ່​ອອກ​ໂດຍ​ບໍ່​ມີ​ເຫດ​ຜົນ, ຖຶກ​ທຸບ​ຕີ​ຢ່າງ​ທໍ​ລະ​ມານ​ແສນ​ສາ​ຫັດ​ຈາກ​ພວກ​ລ່າ​ເມືອງ​ຂຶ້ນ ແລະ ພວກ​ນາຍ​ທືນ​, ບໍ່​ມີ​ສິດ​ເສ​ລີ​ພາບ​ທາງ​ດ້ານ​ການ​ເມືອງ ແລະ ​ກົດ​ໝາຍ, ບໍ່​ໄດ້​ຮັບ​ການດ​ູ​ແລ​ທາງ​ດ້ານ​ສະ​ຫວັດ​ດີ​ການ-ສັງ​ຄົມ, ບໍ່​ໄດ້​ຮັບ​ການ​ສຶກ​ສາ​ຮ່ຳ​ຮຽນ ແລະ ອື່ນ​ໆ.  ຫຼັງຈາກພັກ​ປະ​ຊາ​ຊົນ​ປະ​ຕິ​ວັດ​ລາວ​ໄດ້​ຮັບ​ການ​ສ້າງ​ຕັ້ງ​ຂຶ້ນ​ໃນ​ວັນ​ທີ 22 ມີ​ນາ 1955 ໄດ້​ກຳ​ນົດ​ເອົາ​ຈຸດ​ຢືນ ແລະ ອຸ​ດົມ​ການ​ຂອງ​ພັກ ​ແມ່ນ​ພັກ​ຂອງ​ຊົນ​ຊັ້ນ​ກຳ​ມະ​ກອນ​ລາວ​ໂດຍ​ຖື​ເອົາ​ລັດ​ທິ​ມາກ​ເລ​ນີນ​ເປັນ​ລະ​ບົບ​ແນວ​ຄິດ​ທີ່​ສຳ​ຄັນ ນຳ​ພາ​ໂດຍ​ຖື​ເອົາ​ກຳ​ລັງ​ແຮງ​ຈາກ​ມະ​ຫາ​ຊົນ ພາຍຫຼັງ​ສ້າງ​ຕັ້ງ​ພັກ​ປະ​ຊ​າ​ຊົນ​ປະ​ຕິ​ວັດ​ລາວ​ ເກ​ືອບ 1 ປີ ມາ​ເຖິງວັນ​ທີ 1 ກຸມ​ພາ 1956 ກົມ​ການ​ເມືອງ​ສູນ​ກາງ​ພັກ ​ໄດ້​ມີ​ມະ​ຕິ​ຕົກ​ລົງ​ແຕ່ງ​ຕັ້ງ​ອົງ​ການ​ຈັດ​ຕັ້ງ​ສະ​ຫາ​ພັນ​ກຳ​ມະ​ບານ​ລາວຂຶ້ນ​ຢ່າງ​ເປັນ​ທາງ​ການ​ ຢູ່​ເຂດ​ທີ່​ໝັ້ນ​ແຂວງ​ຫົວ​ພັນ​ໂດຍ​ແມ່ນ ສະ​ຫາຍ ສີ​ສົມ​ພອນ ລໍ​ວັນ​ໄຊ​ ເປັນ​ຜູ້​ຮັບ​ຜິດ​ຊອບ ຈຸດ​ປະ​ສົງແມ່ນ​ເພື່ອ​ສຶບ​ຕໍ່​ຂົນ​ຂວາຍ​ເຕົ້າ​ໂຮມ ​ກຳ​ມະ​ກອນ​ຊາວ​ຜູ້​ອອກ​ແຮງ​ງານ​ລາວ​ບັນ​ດາ​ເຜົ່າ​ໃຫ້​ມີ​ຄວາມ​ຕື່ນ​ຕົວ​, ມີ​ນ້ຳໃຈ​ຮັກ​ຊາດ, ມີ​ທັດ​ສະ​ນະ​ຊົນ​ຊັ້ນ​ກຳ​ມະ​ກອນ, ມີ​ຄວາມ​ຕື່ນ​ຕົວ​ທາງ​ດ້ານ​ຊົນ​ຊັ້ນ​ຢ່າງ​ຈະ​ແຈ້ງ, ເສີມ​ຂະ​ຫຍາຍ​ປະ​ຊາ​ທິ​ປະ​ໄຕ​​, ມີ​ລະ​ບຽບ​ແບບ​ແຜນ​ເປັນ​ພົນ​ລະ​ເມືອງ​ດີ​ຂອງ​ຊາດ, ສົງ​ເສີມ​ການ​ມີ​ວຽກ​ເຮັດ​ງານ​ທຳ ແລະ ເປັນ​ຕົວ​ແທນ​ໃຫ້​ການ​ປົກ​ປ້ອງ​ສິດ​ຜົນ​ປະ​ໂຫຍດ​ອັນ​ຊອບ​ທຳ​ໃຫ້​ແກ່​ກຳ​ມະ​ກອນ​ຊາວ​ຜູ້​ອອກ​ແຮງ​ງານ​ລາວ​ບັນ​ດາ​ເຜົ່າ​ ກາຍ​ເປັນ​ກຳ​ລັງ​ແຮງ​ຢ່າງ​ຕັ້ງ​ໜ້າ ແລະ ເປັນ​ເຈົ້າ​ການ​ໃນ​ການ​ຕໍ່​ສູ້​ກູ້​ຊາດ, ປົກ​ປັກ​ຮັກ​ສາ​ສ້າງ​ສາ ແລະ ພັດ​ທະ​ນາ​ປະ​ເທດ​ຊາດ​ຕາມ​ເສັ້ນ​ທາງ​ກ້າວ​ຂຶ້ນ​ສູ່​ສັງ​ຄົມ​ນິ​ຍົມ. ມາ​ຮອດ​ປະ​ຈຸ​ບັນ​ນີ້ ​ສະ​ຫະ​ພັນ​ກຳ​ມະ​ບານ​ລາວ​ໄດ້​ມີ​ການ​ເຕິບ​ໃຫ​ຍ່​ຂະ​ຫຍາຍ​ຕົວ​ຂຶ້ນ​ເທື່ອ​ລະ​ກ້າວ, ມີ​ຜົນ​ງານ​ອັນ​ພົ້ນ​ເດັ່ນຫຼາຍ​ດ້ານ​ເປັນ​ຕົ້ນ​ແມ່ນ​ ໄລ​ຍະ​ປະ​ຕິ​ວັດ​ຊາດ ປະ​ຊາ​ທິ​ປະ​ໄຕ ແລະ ໄລ​ຍະ​ປົກ​ປັກ​ຮັກ​ສາ ແລະ ສ້າງ​ສາ​ພັດ​ທະ​ນາ​ປະ​ເທດ​ຊາດ.

     ໃນ​ພິ​ທີ​, ຍັງ​ໄດ້​ໃບຢັ້ງຢືນກຳມະບານຮາກຖານໃຫ້ເປັນເຈົ້າ ໃຫ້ບັນດາກຳມະບານຮາກຖານທີ່ໄດ້ບັນລຸຄາດໝາຍເນື້ອໃນຂໍ້ແຂ່ງຂັນ 5 ເປັນເຈົ້າ ປະຈຳປີ 2020 ຕື່ມ​ອິກ ເຊິ່ງໃຫ້ກຽດຂຶ້ນມອບໂດຍທ່ານ ຊຽງສີຈັນ ຄຳປະເສີດ ຮອງປະທານສະຫະພັນກຳມະບານແຂວງ.

• < ຕໍ່ໄປ
• ຕໍ່ໄປ >