ຄະນະໂຄສະນາອົບຮົມແຂວງ ເຜີຍແຜ່ເຊື່ອມຊຶມ 4 ເອກະສານໃຫ້ພະນັກງານ-ລັດຖະກອນ

ລາຍລະອຽດ

ສ້າງຂື້ນເມື່ອ ວັນພຸດ, 24 ກຸມພາ 2021 03:53

ຂຽນໂດຍ ຂະແໜງປາຖະກະຖາ

ຄະນະໂຄສະນາອົບຮົມແຂວງ ເຜີຍແຜ່ເຊື່ອມຊຶມ 4 ເອກະສານໃຫ້ພະນັກງານ-ລັດຖະກອນ

     ໃນ​ຕອນ​ເຊົ້າ​ຂອງວັນ​ທີ 17 ກຸມພາ 2021 ຜ່ານມານີ້ທາງ​ຄະ​ນະ​ໂຄ​ສະ​ນາ​ອົມ​ຮົມ​ແຂວງ ໄດ້​ຈັດ​ໃຫ້​ມີພິທີເຜີຍແຜ່ເຊື່ອມຊືມ​ເອກະສານ

ຈໍານວນໜຶ່ງດັ່ງນີ້.

1. ແຈ້ງການ ສະບັບເລກທີ 317/ຫວຂ.ຜລ ວ່າດ້ວຍການເສຍຄ່າທໍານຽມທາງ.

2. ແຈ້ງການ ສະບັບເລກທີ 354/ປກສ.ຜລ ວ່າດ້ວຍການການເພີ່ມທະວີຮັກສາຄວາມສະຫງົບ ແລະ ເປັນລະບຽບຮຽບຮ້ອຍຕາມທ້ອງຖະນົມຫົນທາງ.

3. ຄໍາສັ່ງ ເລກທີ 2493/ກປ ກ່ຽວກັບການເພີ່ມທະວີຄວາມຮັບຜິດຊອບ, ສະກັດກັ້ນຕ້ານໄຟໄໝ້ປ່າ, ກະກຽມຜະລິດເບ້ຍໄມ້, ປູກໄມ້ ແລະ ຟື້ນຟູປ່າ ປີ 2021.

4. ແຈ້ງການແນະນໍາ ສະບັບເລກທີ 77/ສຍຂ.ຜລ ເລື່ອງການປຸກລະດົມສະມາຊິກແມ່ຍິງລາວບັນດາເຜົ່າ ເຂົ້າຮ່ວມບັ້ນການເລື່ອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ພ້ອງທັງສ້າງຂະບວນການຂໍ່ານັບຮັບຕ້ອນວັນແມ່ຍິງ ສາກົນ ຄົບຮອບ 111 ປີ.

      ພິທີດັ່ງກ່າວໄດ້ຈັດຂຶ້ນທີ່ຫ້ອງປະຊຸມຄະນະໂຄສະນາອົບຮົມແຂວງ ເຊິ່ງມີຜູ້ເຂົ້າຮ່ວມທັງ​ໝົດຈຳ​ນວນ 11 ທ່ານ, ຍິງ 7 ທ່ານ ໂດຍພາຍ​ໃຕ້​ການ​ເປັນ​ປະ​ທານ ​ຂອງ ​ທ່ານ​ ນາງ ວັນເຮືອງ ສໍດາລາ ຮອງຫົວໜ້າຄະນະໂຄສະນາອົບຮົມແຂວງ.  ເຊິ່ງກ່ອນອື່ນທ່ານກໍ່ໄດ້ສະເໜີ ຈຸດປະສົ່ງ ແລະ ບັນດາເນື້ອໃນເອກະສານເພື່ອໃຫ້​ບັນດາພະ​ນັກ​ງານ​ - ​ລັດ​ຖະ​ກອນ​, ພາຍໃນຄະນະໂຄສະນາອົບຮົມແຂວງໄດ້ມີຄວາມຮັບຮູ້ - ​ເຂົ້າ​ໃຈຢ່າງເລິກເຊິ່ງ ຕໍ່ເນື້ອໃນເອກະສານເຫລົ່ານັ້ນ ແລະ ໄດ້ເນັ້ນໜັກບາງບັນຫາດັ່ງນີ້:

    - ຍົກສູງຕໍ່ການນໍາໃຊ້ພາຫະນະ, ໃຫ້ມີຄວາມຖືກຕ້ອງທາງດ້ານເອກະສານ ແລະ ເສຍພັນທະຕໍ່ລັດຕາມລະບຽບກົດໝາຍທີ່ໄດ້ກໍານົດໄວ້.

      - ຍົກສູງສະຕິລະວັງຕົວ ແລະ ພ້ອມກັນປະກອບສ່ວນປ້ອງກັນ ແລະ ການປະກົດການຫຍໍ້ທໍ້ທຸກຮູບແບບທີ່ເກີດ ຂຶ້ນໃຫ້ຫລຸດນ້ອຍຖ່ອຍລົງ ເພື່ອໃຫ້ສັ່ງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ.

       - ເປັນເຈົ້າການໃນການປົກປັກຮັກສາປ່າໄມ້, ສົ່ງເສີມ ອະນຸລັກປ່າໄມ້ໃຫ້ຍືນຍົງ ພ້ອມທັງພາກັນປະກອບສ່ວນໃນການບົວລະບັດ ແລະ ປຸກຕົ້ນໄມ້ໃຫ້ເປັນປ່າ, ກາຍເປັນປ່າສີຂຽວ ເພື່ອນໍາໃຊ້ໄດ້ຍາວນານ.

     - ຊວ່ຍການປຸກລະດົມເອື້ອຍນ້ອງແມ່ຍິງບັນດາເຜົ່າ ໃຫ້ໄປໃຊ້ສິດຂອງຕົນເອງ ໃນການເລືອກເອົາຜູ້ແທນສະມາ ຊິກສະພາແຫ່ງຊາດ ແລະ ຜູ້ແທນສະມາຊິກສະພາປະຊາຊົນຜູ້ທີດີ ເພື່ອນເປັນຕົວແທນໃຫ້ແກ່ປະຊາຊົນ.

• < ຕໍ່ໄປ
• ຕໍ່ໄປ >