ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ແຂວງຜົ້ງສາລີ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກຊຸດທີ 1 ຢູ່ອ້ອມຂ້າງແຂວງ ( ທີ່ເມືອງບຸນເໜືອ )

ແຂວງຜົ້ງສາລີ ເຊື່ອມຊຶມ ແລະ ຜັນຂະຫຍາຍ

ມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກຊຸດທີ 1 ຢູ່ອ້ອມຂ້າງແຂວງ ( ທີ່ເມືອງບຸນເໜືອ )

        ໃນຕອນເຊົ້າເວລາ 08 ໂມງ 30 ນາທີ ຂອງວັນທີ 2 ເມ​ສາ ປີ2021 ແຂວງຜົ້ງສາລີໄດ້​ຈັດ​ໃຫ້​​ມີກອງ​ປະ​ຊຸມ​ເຜີຍ​ແຜ່​ເຊື່ອມ​ຊຶມ ແລະ ຈັດ​ຕັ້ງ​ຜັນ​ຂະ​ຫ​ຍາຍ​ມະ​ຕິ​ກອງ​ປະ​ຊຸມ​ໃຫ​ຍ່ ຄັ້ງ​ທີ XI ຂອງ​ພັກ ຂຶ້ນ​ທີ່ສະ​ໂມງ​ສອນ​ຂອງ​ເມືອງ​ບຸນ​ເໜືອ ໂດຍພາຍໃຕ້ການເປັນປະທານຂອງ ສະຫາຍ ຄຳ​ຜອຍ ວັນ​ນະ​ສານ

ກຳ​ມະ​ການ​ສູນ​ກາງ​ພັກ, ເລ​ຂາ​ພັກ​ແຂວງ, ເຈົ້າ​ແຂວງ​ຜົ້ງ​ສາ​ລີ​ ມີ​​ບັນ​ດາ​ສະ​ຫາຍອາ​ດີດ​ການ​ນຳ​ແຂວງ, ຮອ​ງ​ເລ​ຂາ, ຮອງ​ເຈົ້າ​ແຂວງ, ປະ​ທານ​ປະ​ຊາ​ຊົນ​ແຂວງ, ບັນ​ດາ​ສະ​ຫາຍ​ເລ​ຂາ​ໜ່ວຍ​ພັກ​, ຄະ​ນະ​ພັກ​ຮາກ​ຖານ, ບັນ​ດາ​​ສະ​ຫາຍຫົວ​ໜ່ວຍ​ທຸ​ລະ​ກິດ ແລະ ຕະຫຼອດ​ພະ​ນັກ​ງານ​ສະ​ມາ​ຊິກ​ພັກ​ຜູ້​ທີ່​ມີ​ຕຳ​ແໜ່ງ​ປະ​ເພດ 6 ຂຶ້ນ​ໄປ​ເຂົ້າ​ຮັບ​ຟັງທັງໝົດ 171 ສະ​ຫາຍ, ຍິງ 68 ສະ​ຫາຍ;  ໃນ​ນີ້​ມີ​ສະ​ມາ​ຊິກ​ພັກ 171 ສະ​ຫາຍ, ຍິງ 68 ສະ​ຫາຍ.

ກ​ອງປະ​ຊຸມ​ເຜີຍ​ແຜ່​ເຊື່ອມ​ຊຶມ ແລະ ຜັນຂະ​ຫ​ຍາຍ​ມະ​ຕິ​ກອງ​ປະ​ຊຸມ​ໃຫ​ຍ່ ຄັ້ງ​ທີ XI ຂອງ​ພັກ​ຄັ້ງ​ນີ້​ມີ 3 ເອ​ກະ​ສານ ຄື: 1. ເຊື່ອມ​ຊຶມ​ແຜນ​ການ​ຜັນ​ຂະ​ຫ​ຍາຍ​ມະ​ຕິ​ກອງ​ປະ​ຊຸມ​ໃຫ​ຍ່​ຜູ້​ແທນ​ທົ່ວ​ປະ​ເທດຄັ້ງທີ XI ​ຂອງ​ພັກ ໂດຍ​ສະ​ຫາຍ ນ. ຈັນ​ມະ​ນີ ນາມ​ວົງ ກຳ​ມະ​ການ​ພັກ​ແຂວງ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, 2. ເຊື່ອມ​ຊຶມ​ຄຳ​ສັ່ງຂອງ​ເລ​ຂາ​ທິ​ການ​ສູນ​ກາງ​ພັກ ວ່າ​ດ້ວຍ​ການ​ຈັດ​ຕັ້ງ​ເຊື່ອມ​ຊຶມ ແລະ ຜັນ​ຂະ​ຫ​ຍາຍກອງ​ປະ​ຊຸມ​ໃຫ​ຍ່​ຜູ້​ແທນ​ທົ່ວ​ປະ​ເທດຄັ້ງທີ XI ​ຂອງ​ພັກ ສະເໜີໂດຍ ສະຫາຍ ນ. ຈັນ​ມະ​ນີ ນາມ​ວົງ ກຳ​ມະ​ການ​ພັກ​ແຂວງ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ແລະ  ສະຫາຍ ຄຳ​ຜອຍ ວັນ​ນະ​ສານ ກຳ​ມະ​ການ​ສູນ​ກາງ​ພັກ, ເລຂາພັກແຂວງ - ເຈົ້າ​ແຂວງຜົ້ງສາລີ ໄດ້ໃຫ້ກຍດຂຶ້ນເຊື່ອມ​ຊຶມ ແລະ ຜັນ​ຂະຫ​ຍາຍກອງ​ມະຕິປະ​ຊຸມ​ໃຫ​ຍ່​ຜູ້​ແທນ​ທົ່ວ​ປະ​ເທດຄັ້ງທີ XI ​ຂອງ​ພັກປະ​ຊາ​ຊົນ​ປະ​ຕິ​ວັດ​ລາວ ພ້ອມ​ທັງ​ອະ​ທີ່​ບາຍ​ຄຳ​ຂວັນ ຂອງກອງ​ປະ​ຊຸມໃຫ​ຍ່ ​ຜູ້​ແທນ​ທົ່ວ​ປະ​ເທດຄັ້ງທີ XI ​ຂອງ​ພັກ ພ້ອມ​ທັງໄດ້ເນັ້ນໜັກບາງບັນຫາກ່ຽວກັບ​ທິດ​ທາງ ແລະ ຄາດ​ໝາຍ​ໃນ 5 ປີ ຕໍ່​ໜ້າ ( 2021 - 2025 ) ໂດຍສະຫາຍໄດ້ກ່າວວ່າ: ຈຸດປະສົງເຊື່ອມ​ຊຶມ ແລະ ຜັນ​ຂະຫ​ຍາຍກອງ​ປະ​ຊຸມ​ໃຫ​ຍ່​ຜູ້​ແທນ​ທົ່ວ​ປະ​ເທດຄັ້ງທີ XI ​ຂອງ​ພັກ ປະ​ຊາ​ຊົນ​ປະ​ຕິ​ວັດ​ລາວຄັ້ງນີ້ ​ເປັນ​ຊ່ວງ​ໄລ​ຍະ​ພາຍ​ໃຕ້​ບັນ​ຍາ​ກາດ​ທີ່​ທົ່ວ​ພັກ, ທົ່ວ​ກຳ​ລັງ​ປະ​ກອບ​ອາ​ວຸດ ແລະ ທົ່ວ​ປວງ​ຊົນ​ເຮົາ ພວມ​ບຸກ​ບືນ​ສູ້​ຊົນ​ຈັດ​ຕັ້ງ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫ​ຍ່ ຄັ້ງ​ທີ XI ຂອງ​ພັກ ກໍ​ຄື​ມະ​ຕິ XI ຂອງ​ຄະ​ນະ​ບໍ​ລິ​ຫານ​ງານ​ພັກ​ແຂວງ, ສ້າງ​ຂະ​ບວນ​ການແຂ່ງ​ຂັນ​ໃນ​ທຸກ​ດ້ານ​ ເພື່ອ​​ປະ​ກອບ​ສ່ວນ​ເຂົ້າ​ໃນ​ການສະ​ເຫຼີມ​ສະ​ຫຼອງ​ວັນ​ສ້າງ​ຕັ້ງ​ປ້ອງ​ກັນ​ຄວາມ​ສະ​ຫງົບ​ຄົບ​ຮອບ 60 ປີ ດ້ວຍ​ມີ​ບັນ​ຍາ​ກາດ ແລະ ຟົດ​ຟື້ນ​ດີ ແລະ ສ້າງ​ຄວາມເອກອ້າງທະນົງໃຈຕໍ່ຜົນສຳເລັດໃນ​ການ​ຈັດ​ຕັ້ງ​ປະ​ຕິ​ບັດ​ມະ​ຕິ​ X ຂອງ​ພັກ​ຕະຫຼອດ​ໄລ​ຍະທີ່ຍາດມາໄດ້​ຜົນ​ສຳ​ເລັດນັ້ນ​ໃຫ້ມີຄວາມຮັບຮູ້ ແລະ ເຂົ້າໃຈຕໍ່ແນວທາງການເມືອງ ຂອງ​ພັກໃຫ້ກາຍເປັນຂະບວນການອັນກວ້າງຂວາງ ແລະ ໜັກ​ແໜ້ນ​ຂຶ້ນ​ເທື່ອ​ລະ​ກ້າວ; ຄຽງຄູ່ກັບການຮັບຮູ້ເຂົ້າໃຈ ກ່ຽວກັບການຕີລາຄາການຈັດຕັ້ງປະຕິບັດໃນໄລຍະ 5 ປີຜ່ານມານັ້ນ, ສະ​ຫາຍ​ເລ​ຂາ​ພັກ​ແຂວງ​ໂດຍໄດ້​ຍົກ​ໃຫ້​ເຫັນ​ຜົນ​ສຳ​ເລັດອັນ​ໃຫ​ຍ່ຫຼວງ​ໃນ​ການ​ຈັດ​ຕັ້ງ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫ​ຍ່ ຄັ້ງ​ທີ X ​ຂອງ​ພັກ ​ເປັນ​ຕົ້ນ​ແມ່ນ​​ບັນດາ​ຜົນ​ສຳ​ເລັດ​ໃນ​ແຕ່​ລະ​ຂົງ​ເຂດ​ວຽກ​ງານ​ຕ່າງ​ໆ ດ້ານ​ດີ, ດ້ານ​ອ່ອນຂໍ້​ຄົງ​ຄ້າງ ແລະ ສາ​ເຫດ​ພາ​ໃຫ້​ມີ​ດ້ານ​ອ່ອນ​ຄື: ຂົງ​ເຂດ​ວຽກ​ງານ​ການ​ເມືອງ​ແນວ​ຄິດ; ວຽກ​ງານ​ແນວ​ທາງ​ປ້ອງ​ກັນ​ຊາດ - ປ້ອງ​ກັນ​ຄວາມ​ສະ​ຫງົບ; ວຽກ​ງານ​ຂົງ​ເຂດ​ເສ​ດ​ຖະ​ກິດ; ວຽກ​ງານ​ວັ​ດ​ທະ​ນະ​ທຳ - ສັງ​ຄົມ; ວຽກ​ງານ​ອົງ​ການ​ອຳ​ນາດ​ລັດ; ວຽກ​ງານ​ອົງ​ການ​ຈັດ​ຕັ້ງ​ມະ​ຫາ​ຊົນ​; ວຽກ​ງານ​ການ​ຮ່ວມ​ມື​ກັບ​ຕ່າງ​ປະ​ເທດ ແລະ ວຽກ​ງານ​ພັກ​ພະ​ນັກ​ງານ ໃນ​ນັ້ນຍັງສາມາດກຳໄດ້ບັນດາທິດທາງ, ຄາດໝາຍ, ວຽກງານຈຸດສຸມໄລຍະແຕ່ປີ 2021 - 2025.

 

ໃນຕອນທ້າຍພິທີເຊື່ອມ​ຊຶມ ສະ​ຫາຍ​ເລ​ຂາພັກແຂວງ ຍັງໄດ້ຮຽກຮ້ອງມາຍັງທຸກພາກສ່ວນ ໂດຍສະເພາະກໍແມ່ນບັນດາສະຫາຍ ຄະນະປະຈຳພັກແຂວງທີ່ຮັບຜິດຊອບຊີ້ນຳແຕ່ລະເມືອງ​ນໍາເອົາ 8 ບັນຫາໃຫ້ເອົາໃຈ​ໃສ່ຈັດ​ຕັ້ງ​ປະ​ຕິ​ບັດ​ແກ້​ໄຂ​​ເຊັ່ນ:

1.   ສຸມໃສ່ພັດທະນາຕາມແລວ 1:1, 4, 5, 22 ສຸມໃສ່ຈັດຕັ້ງປະຕິບັດ 6 ທາງອອກ ແລະ 9 ແຜນງານຂອງແຂວງເພື່ອພັດທະນາຊົນນະບົດ ແລະ ແກ້ໄຂຄວາມທຸກຍາກ ຂອງປະຊາຊົນໃຫ້ຫຼຸດລົງຢ່າງຕໍ່ເນື່ອງ ແລະ ສ້າງບ້ານໃຫຍ່ກາຍເປັນຕົວເມືອງນ້ອຍໃນ 15 ຈຸດ, ໃນນັ້ນສຸມໃສ່ 7 ຈຸດໃຫ້ເກີດເປັນຮູບປະທໍາກ່ອນ;  ສູ້ຊົນແກ້ໄຂບ້ານທຸກຍາກໃຫ້ໄດ້ 128 ບ້ານ.

2.  ຕ້ອງ​ຖື​ເອົາ​ວຽກ​ງານການ​ແກ້​ໄຂ​ປະ​ກົດ​ການ​ຫ​ຍໍ້​ທໍ້​​ຕ່າງໆ ໃນ​ສັງ​ຄົມ​ເປັນ​ຕົ້ນ​ບັນ​ຫາ​ສິງ​ເສບ​ຕິດ, ບັນ​ຫາ​ໜີ້​ສິນ, ການ​ຢ່າ​ຮ້າງ​ຜົວ​ເມຍ, ການ​ເອົາ​ຜົວ​ເມຍ​ກັບ​ຄົນ​ຕ່າງ​ປະ​ເທດ​ທີ່​ຄັດ​ກັບ​ລະ​ບຽບ, ການ​ຄ້າ​ມະ​ນຸດ ແລະ ອຸ​ປະ​ຕິ​ເຫດ​ຕາມ​ທ້ອງ​ຖະ​ໜົນ​ໃຫ້​ນັບ​ມື້ຫຼຸດ​ໜ້ອຍ​ລົງ​ເທື່ອ​ລະ​ກ້າວ.

3.  ຕ້ອງ​ແກ້​ໄຂ​ບັນ​ຫາ​ການ​ນຳ​ໃຊ້​ຊັບ​ພະ​ຍາ​ກອນ​ທຳ​ມະ​ຊາດ, ສົ່ງ​ເສີມ​ການ​ປູກ​ຕົ້ນ​ໄມ້​ອຸດ​ສະ​ຫະ​ກຳ, ການ​ຟື້ນ​ຟູ​ປ່າ​ໄມ້​​ໃຫ້​ໄດ້​ຕາມ​ທິດສີ​ຂຽວ​ທີ່​ທາງ​ແຂວງ​ໄດ້​ກຳ​ນົດ.

4.  ຕ້ອງ​ປັບ​ປຸງ​ແກ້​ໄຂ​ຄຸນ​ນະ​ພາບ​ການ​ຮຽນ - ການ​ສອນ​ໃນ​ລະ​ບົບ​ການ​ສຶກ​ສາ​ສາ​ມັນ​ຢູ່​ເຂດ​ຫ່າງ​ໄກ​ສອກຫຼີກ, ແກ້​ໄຂ​ຄວາມບໍ່​ຮູ້​ໜັງ​ສື​, ບໍ່​ຮູ້​ພາ​ສາ​ລາວ ພ້ອມ​ທັງ​ເຊື່ອມ​ຊຶມ​ແນວ​ທາງ​ແຜນ​ນະ​ໂຍ​ບາຍ​ ຂອງ​ພັກ ໂດຍ​ຕິດ​ພັນ​ກັບ​ການ​ຮັກ​ສາ​ມູນ​ເຊື້ອ​ຮີດ​ຄອງ​ປະ​ເພ​ນີ​ອັນ​ດີ​ງາມ ຂອງ​ຊາດ​ກໍ​ຄື ຂອງ​ເຜົ່າ.

5.  ຕ້ອງ​ເອົາ​ໃຈ​ໃສ່​ສ້າງ​ຊັບ​ພະ​ຍາ​ກອນ​ມະ​ນຸດ​ໃຫ້​ມີ​ຄຸນ​ນະ​ພາບ, ເລືອກ​ເຟັ້ນ​ຜູ້​ທີ່​ມີ​ຄຸນ​ນະ​ສົມ​ບັດ​ດີ ແ​ລະ ຍົກ​ລະ​ດັບ​ວິ​ຊາ​ອາ​ຊີບ​ຢ່າງ​ຕໍ່​ເນື່ອງ.

6.  ​ເອົາ​ໃຈ​ໃສ່​ປັບ​ປຸງ​ມາດ​ຕະ​ຖານນຳ​ພາ​ຄຸ້ມ​ຄອງ​ພະ​ນັກ​ງານ​ໃນ​ແຕ່​ລະ​ປະ​ເພດ​ໃຫ້​ຈະ​ແຈ້ງ​ຊັດ​ເຈນ​ເປັນ​ຕົ້ນ​ການ​ຈັດ​ວາງ, ການ​​ສັບ​ຊ້ອນ​ພະ​ນັກ​ງານ​ທີ່ນອນ​ໃນ​ແຜນ​ກຳ​ນົດ, ນອນ​ໃນ​ເປົ້າ​ໝາຍ​ຢ່າງ​ເປັນ​ລະ​ບົບ ແລະ ຕໍ່​ເນື່ອງ.

7.  ຄວາມ​ຕ້ອງ​ການ​ພັດ​ທະ​ນາ​ກັບ​ການ​ສະ​ໜອງທຶນເຂົ້າໃສ່ການກໍ່ສ້າງ ແລະ ຍົກລະດັບ ໂຄງລ່າງທີ່ຈໍາເປັນຮັບໃຊ້ແກ່ການພັດທະນາ, ການ ດໍາລົງຊີວິດ ແລະ ການແກ້ໄຂຄວາມທຸກຍາກຂອງປະຊາຊົນເຊັ່ນ: ເສັ້ນທາງເຂົ້າຫາບ້ານ, ເຂົ້າຫາເຂດຜະລິດ; ລະບົບຕາຂ່າຍໄຟຟ້າ, ລະບົບນໍ້າດື່ມ,​ນໍ້າໃຊ້, ລະບົບສາທາລະນະສຸກ ແລະ ລະບົບສື່ສານ ຕາມແລວ 11, 4 ແລະ 22 ໃຫ້ສອດ ຄ່ອງ ແລະ ສະດວກດີຂຶ້ນ ເພື່ອສ້າງເງື່ອນໄຂໃຫ້ການສົ່ງເສີມການລົງທຶນ ແລະ ການຜະລິດໃຫ້ຂະຫຍາຍຕົວ ເພື່ອສ້າງວຽກເຮັດງານທໍາ, ສ້າງລາຍໄດ້ໃຫ້ແກ່ປະຊາຊົນ.

8.  ຕ້ອງ​ສຶກ​ສາ​ຄວາມ​ພ້ອມ​ໃນ​ ການຮັບມືກັບການປ່ຽນແປງຂອງດິນຟ້າອາກາດ, ໄພທຳມະຊາດ ແລະ ການລະບາດຂອງພະ ຍາດ, ໄພ​ທຳ​ມະ​ຊາດ, ໂລກ​ລະ​ບາດ​ສັດ​ລ້ຽງ​ຕ່າງໆ ໃຫ້​ມີ​ຄວາມ​ຮັບ​ປະ​ກັນ ແລະ ກຽມ​ພ້ອມ​ທຸກ​ລະ​ດຸ​ການ​ໃຫ້​ທັນ​ການ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

163641
ມື້ນີ້ມື້ນີ້21
ມື້ວານນີ້ມື້ວານນີ້216
ອາທິດນີ້ອາທິດນີ້380
ເດືອນນີ້ເດືອນນີ້1359
ທັງໝົດທັງໝົດ163641