ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ພະນັກງານພະແນກການ, ກົມກອງ ອ້ອມຂ້າງແຂວງ ທີ່ຍັງປະຈຳການຢູ່ເທດສະບານເກົ່າຂອງແຂວງ ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ ຊຸດທີ II

ພະນັກງານພະແນກການ, ກົມກອງ ອ້ອມຂ້າງແຂວງ ທີ່ຍັງປະຈຳການຢູ່ເທດສະບານເກົ່າຂອງແຂວງ

ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ ຊຸດທີ II

          ໃນຕອນເຊົ້າຂອງວັນທີິ 19 ເມສາ 2021 ນີ້ ຢູ່ທີ່ສະໂມສອນເກົ່າຂອງແຂວງທີ່ເມືອງຜົ້ງສາລີ ໄດ້ຈັດກອງປະຊຸມເຜີຍແຜ່ເຊື່ອມຊືມຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຊຸດທີ II ໂດຍການເປັນປະທານ

ແລະ ເຜີຍແຜ່ເອກະສານຂອງ ສະ​ຫາຍ ນາງ ຈັນມະນີ ນາມວົງ ກຳມະການ​ພັກແຂວງ, ຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມເຊືອມຊືມໃນຄັ້ງນີ້ມີບັນດາສະຫາຍພະນັກງານສະມາຊິກພັກ, ພະນັກງານລັດຖະກອນ ພະແນກການອ້ອມຂ້າງແຂວງ, ລັດວິສາຫະ ກິດ ທີ່ຍັງປະຈຳການຢູ່ເທດສະບານເກົ່າຂອງແຂວງ.

         ​ເນື້ອ​ໃນເອກະສານຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕີວັດລາວ ທີ່ນຳມາຜັນຂະຫຍາຍ ແລະ ເຊື່ອມຊຶມໃນຄັ້ງນີ້ປະກອບມີ ການຕີລາຄາໜາກຜົນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ແລະ ປະເມີນຜົນລວມໃຫ້ແກ່ການສ້າງປະຖົມປັດໃຈໃຫ້ແກ່ການກ້າວຂຶ້ນສູ່ສັງຄົມນິຍົມ ຕາມແນວທາງປ່ຽນແປງໃໝ່; ການເລັ່ງທວງ ແລະ ທິດທາງພື້້ນຖານໃນການສືບຕໍ່ບູລະນະລະບອບປະຊາທິປະໄຕປະຊາຊົນ ໃຫ້ສົມບູນຍິ່ງຂຶ້ນ, ສ້າງການຫັນປ່ຽນແຂງແຮງ, ເລິກເຊິ່ງ, ຮອບດ້ານ ເພື່ອກ້າວເດີນສູ່ຈຸດໝາຍສັງຄົມນິຍົມ; ວຽກງານຈຸດສຸມທີ່ຕ້ອງໄດ້ກຳແໜ້ນເພື່ອຈັດຕັ້ງຜັນຂະຫຍາຍເຂົ້້າສູ່ຊີວິດຕົວຈິງ. ພ້ອມນີ້ຍັງໄດ້ຜັນຂະຫຍາຍ ແລະເຊື່ອມຊຶມເອກະສານ ມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີ ເປັນຕົ້ນແມ່ນທິດທາງ ແລະ ຄາດໝາຍໃນ 5 ປີຕໍ່ໜ້າ (2021-2025) ໂດຍສະເພາະແມ່ນສຸມໃສ່ການແກ້ໄຂຄວາມທຸກຍາກຂອງປະຊາຊົນ ໂດຍສຸມໃສ່ພັດທະນາຕາມແລວ 1:1, 4,5, 22 ແລະ ຈັດຕັ້ງປະຕິບັດ 6 ທາງອອກ ແລະ 9 ແຜນງານຂອງ​ແຂວງ, ການແກ້ໄຂປະກົດການຫຍໍ້ທໍ້ໃນສັງຄົມ, ການນຳໃຊ້ຊັບພະຍາ ກອນທຳມະຊາດແບບຍືນຍົງ, ການຍົກລະດັບຂອງພະນັກງານນຳພາ-ຄຸ້ມຄອງ, ການຍົກຄຸນະພາບຂອງການພັດທະນາຊັບພະ ຍາກອນມະນຸດ, ການແກ້ໄຂຄວາມບໍ່ຮູ້ໜັງສື ແລະ ການສື່ສານພາສາລາວບໍ່ໄດ້ຂອງປະຊາຊົນ, ຄວາມຕ້ອງການພັດທະນາກັບການສະໜອງທືນຮອນເຂ້າໃນການພັດທະນາ, ການຮັບມືກັບການປ່ຽນແປງຂອງດີນຟ້າອາກາດ ແລະ ການລະບາດຂອງພະ ຍາດສັດ.

      ທັງນີ້ກໍ່ເພື່ອເຮັດໃຫ້ບັນດາສະຫາຍພະນັກງານສະມາຊິກພັກ, ພະນັກງານລັດຖະກອນ ພະແນກການອ້ອມຂ້າງແຂວງ, ລັດວິສາຫະກິດ ທີ່ຍັງປະຈຳການຢູ່ເທດສະບານເກົ່າຂອງແຂວງໄດ້ຮັບຮູ້ເຂົ້້າໃຈ ແລະ ກຳແໜ້ນ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI ທັງເປັນການປຸກລະດົມກຳລັງແຮງຂອງທົ່ວສັງຄົມ, ອົງການຈັດຕັ້ງສັງຄົມ, ຜູ້ປະກອບການທັງພາຍໃນ ແລະ ຕ່າງປະເທດ ແລະ ປະຊາຊົນບັນດາເຜົ່າ ເຂົ້າຮ່ວມປະກອບສ່ວນຈັດຕັ້ງປະຕິບັດມະຕິກອງປະຊຸມໃຫຍ່ ເຂົ້າສູ່ວຽກງານຕົວຈິງຂອງຕົນ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 10  ຂາສັນຈອນ ແລະ ສະມາຊິກໜຶ່ງຄົນ ອອນໄລນ໌

ສະຖິຕິຜູ້ເຂົ້າຊົມ:

144005
ມື້ນີ້ມື້ນີ້298
ມື້ວານນີ້ມື້ວານນີ້269
ອາທິດນີ້ອາທິດນີ້1401
ເດືອນນີ້ເດືອນນີ້2798
ທັງໝົດທັງໝົດ144005

ບົດຄວາມທີ່ໄດ້ຮັບຄວາມສົນໃຈ