ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ກອງປະຊູມ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ ຊຸດທີ 2 ຢູ່ອ້ອມຂ້າງແຂວງ ( ເມືອງ ບຸນເໜືອ )

ກອງປະຊູມ ເຊື່ອມຊຶມ ແລະ ຜັນຂະຫຍາຍ

ມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ ຊຸດທີ 2 ຢູ່ອ້ອມຂ້າງແຂວງ ( ເມືອງ ບຸນເໜືອ )

          ກອງປະຊຸມເຊື່ອມຊຶມໄດ້ຈັດຂຶ້ນໃນ ຕອນເຊົ້າຂອງວັນທີິ 20 ເມສາ 2021 ນີ້ ຢູ່ທີ່ສະໂມສອນຂອງເມືອງບຸນເໜືອ ແຂວງຜົ້ງສາລີ ໂດຍການເປັນປະທານຂອງທ່ານນາງ ຈັນມະນີ ນາມວົງ  ກຳມະການພັກແຂວງ ຫົວໜ້າ

ຄະນະໂຄສະນາອົບຮົມແຂວງ, ມີບັນດາສະ​ຫາຍ, ພະນັກງານສະມາຊີກພັກ ຕະຫຼອດຮອດພະນັກງານ-ລັດ​ຖະ​ກອນ, ລັດວິສາຫະກິດ​ຜູ້​ທີ່​ມີ​ຕຳ​ແໜ່ງ​ຫົວ​ໜ້າ​ໜ່ວຍ​ງານ​ຂຶ້ນ​ໄປຂອງອອ້ມຂ້າງແຂວງເຂົ້າຮ່ວມ.

         ກອງປະຊຸມທີ່ມີຄວາມໝາຍຄວາມສຳຄັນໃນຄັ້ງນີ້ທ່ານ ນາງ ຈັນມະນີ ນາມວົງ  ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດຂຶ້ນຜ່ານບົດຜັນຂະຫຍາຍເນື້ອ​ໃນຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ.​ ເຊິ່ງປະກອບມີເນື້ອໃນເອກະສານ 3 ສະບັບຄື:  ເອກະສານ ຄຳສັ່ງຂອງຄະນະເລຂາທິການສຸນກາງພັກ ສະບັບເລກທີ 38/ຄລສພ, ລົງວັນທີ 09 ມີນາ 2021 ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ເອກະສານ ການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕີວັດລາວ ແລະ ເອກະສານ ອະທິບາຍເນື້ອໃນຄຳຂວັນຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ. ພ້ອມ​ນີ້ ທ່ານຍັງໄດ້ມີບາງຄຳເຫັນເພີ່ມເຕີມເປັນຕົ້ນແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ ເຊິ່ງປະກອບມີບັນດາເປົ້າໝາຍ, ຄາດໝາຍສູ້ຊົນຂອງອົງຄະນະພັກແຂວງ, ພ້ອມນັ້ນ​ຍັງ​ໄດ້​ຮຽກ​ຮ້ອງ​ມາ​ຍັງ​ຄະ​ນະ​ພັກ​ເມືອງ, ຕະຫຼອດ​ພະ​ນັກ​ງານ​ສະ​ມາ​ຊິກ​ພັກ ສືບ​ຕໍ່​ຍົກ​ສູງ​ຄວາມ​ສາ​ມາດ​ນຳ​ພາ, ເພີ່ມ​ທະ​ວີ​ຄວາມ​ສາ​ມັກ​ຄີ​ເປັນ​ປຶ​ກ​ແຜ່ນ​ຂອງ​ປະ​ຊາ​ຊົນ​ບັນ​ດາ​ເຜົ່າ, ຮັບ​ປະ​ກັນ​ສະ​ຖຽນ​ລະ​ພາບທາງ​ດ້ານ​ການ​ເມືອງ​ຢ່າງ​ໜັກ​ແໜ້ນ, ສືບ​ຕໍ່​ຜັນ​ຂະ​ຫຍາຍ​ແນວ​ທາງ​ປ່ຽນ​ແປງ​ໃໝ່​ກໍ່​ຄື​ເນື້ອ​ໃນ​ຜົນ​ສຳ​ເລັດ​ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ໃຫ້​ທົ່ວ​ເຖິງ​ໃນ​ຮາກ​ຖານ​ບ້ານ.

     ຈຸດປະສົງຂອງການເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກໃນຄັ້ງນີ້ ແມ່ນເພື່ອເຮັດໃຫ້ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ໄດ້ຮັບການຈັດຕັ້ງເຜີຍແຜ່ຢ່າງກວ້າງຂວາງ, ທົ່ວເຖິງເປົ້າໝາຍ ແລະ  ເຮັດໃຫ້ຄະນະພັກ, ອົງການປົກຄອງແຕ່ລະຂັ້ນ, ພະນັກງານ, ສະມາຊິກພັກໃນທົ່ວແຂວງ, ເມືອງໄດ້ຮັບການເຊື່ອມຊຶມ, ມີຄວາມຮັບຮູ້ເຂົ້າໃຈຕໍ່ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ, ຕິດພັນກັບການຈັດ ຕັ້ງປະຕິບັດມະຕິກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ XI  ແລະ ທັງເປັນການປຸກລະດົມກຳລັງແຮງຂອງທົ່ວສັງ ຄົມ, ອົງການຈັດຕັ້ງສັງຄົມ, ຜູ້ປະກອບການທັງພາຍໃນ ແລະ ຕ່າງປະເທດ ແລະ ປະຊາຊົນບັນດາເຜົ່າ ເຂົ້າຮ່ວມປະກອບສ່ວນຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ເຂົ້າສູ່ວຽກງານຕົວຈິງຂອງຕົນ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

144023
ມື້ນີ້ມື້ນີ້5
ມື້ວານນີ້ມື້ວານນີ້311
ອາທິດນີ້ອາທິດນີ້1419
ເດືອນນີ້ເດືອນນີ້2816
ທັງໝົດທັງໝົດ144023

ບົດຄວາມທີ່ໄດ້ຮັບຄວາມສົນໃຈ