ພິທີມອບ - ຮັບໜ້າທີ່ຮອງຫົວໜ້າຄະນະໂຄສະນາອົບຮົບແຂວງຜົ້ງສາລີ

ສ້າງຂື້ນເມື່ອ ວັນອັງຄານ, 15 ມີຖຸນາ 2021 05:13
ຂຽນໂດຍ ແສງຄຳ ສາລີວັນ

ພິທີມອບ - ຮັບ ໜ້າທີ່ຮອງຫົວໜ້າຄະນະໂຄສະນາອົບຮົບແຂວງຜົ້ງສາລີ

       ໃນຕອນບ່າຍຂອງວັນທີ 10 ມິຖຸນາ 2021 ນີ້ຢູ່ຫ້ອງປະຊຸມຂອງຄະນະໂຄສະນາອົບຮົມແຂວງ ໄດ້ຈັດໃຫ້ມີພິທີ ມອບ - ຮັບ ໜ້າທີ່ຮອງຫົວໜ້າຄະນະໂຄສະນາອົບຮົບແຂວງຜົ້ງສາລີ ຂຶ້ນຢ່າງເປັນທາງການ 

ໂດຍການເຂົ້າຮ່ວມຂອງທ່ານ ນາງ ຈັນມະນີ ນາມວົງ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີຜູ້ຕາງໜ້າຈາກຄະນະຈັດຕັ້ງແຂວງ, ຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າ-ຮອງຫົວໜ້າຂະແໜງ, ພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.

       ໃນພິທີ ທ່ານ ນາງ ຟອງມະລີ ລາວລີ ຮອງຫົວໜ້າຂະແໜງປ້ອງກັນພັກ-ພະນັັກງານ ຄະນະຈັດຕັ້ງແຂວງ ກໍ່ໄດ້ຂຶ້ນຜ່ານຂໍ້ຕົກລົງຂອງທ່ານ ເຈົ້າແຂວງ ສະບັບເລກທີ 1043/ຈຂ.ຜລ ລົງວັນທີ່ 12 ເມສາ 2021 ວ່າດ້ວຍການຍົກຍ້າຍພະນັກງານໄປຢູ່ຂະແໜງການອື່ນ ໃນນີ້ໄດ້ຕົກລົງຍົກຍ້າຍ ທ່ານ ເພັງ ສຸລິເປົາ ຮອງຫົວໜ້າຄະນະໂຄສະນາອົບຮົບແຂວງຜົ້ງສາລີ ໄປຮັບໜ້າທີ່ໃໝ່ຢູ່ໂຮງຮຽນການເມືອງ ແລະ ການປົກຄອງແຂວງ. ຈາກນັ້ນທ່ານ ເພັງ ສຸລິເປົາ ຮອງຫົວໜ້າຄະນະໂຄສະນາອົບຮົບແຂວງ ກໍ່ໄດ້ຂຶ້ຜ່ານບົດບັນທຶກມອບ - ຮັບ ວຽກງານໃນການຈັດຕັ້ງປະຕິບັດໃນໄລຍະທີ່ຜ່ານມາ ພ້ອມທັງລົງນາມເຊັນບົດບັນທຶກມອບ - ຮັບຮ່ວມກັນລະຫ່ວາງທ່ານ ເພັງ ສຸລິເປົາ ຮອງຫົວໜ້າຄະນະໂຄສະນາອົບຮົບແຂວງ ຜູ້ມອບ ແລະ ທ່ານ ນາງ ຈັນມະນີ ນາມວົງ ຫົວໜ້າຄະນະໂຄສະນາອົບຮົມແຂວງ ຜູ້ຮັບ ໂດຍຊ່ອງໜ້າຈາກຜູ້ເຂົ້າຮ່ວມເປັນສັກຄີພິຍານ.

     ໃນໂອກາດນີ້, ຍັງໄດ້ມອບໃບຍ້ອງຍໍຂອງທ່ານ ເຈົ້າແຂວງ ທີ່ມີຜົນງານດີເດັ່ນໃນການແຂ່ງຂັນຮັກຊາດ ແລະ ພັດທະນາ ປະຈຳ 2019 ໃຫ້ກັບພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງ ຈຳນວນ 10 ທ່ານ, ຍິງ 4 ທ່ານ. ໂດຍການໃຫ້ກຽດຂຶ້ມອບຂອງທ່ານ ນາງ ຈັນມະນີ ນາມວົງ ຫົວໜ້າຄະນະໂຄສະນາອົບຮົມແຂວງ ແລະ ຮັບໂດຍພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງຕາມລຳດັບ.