ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ແຂວງຜົ້ງສາລີ ຈັດກອງປະຊຸມເຜີຍແຜ່ເຊື່ອມຊຶມຄຳສັ່ງຂອງກົມການເມືອງສູນກາງພັກ ກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດ ແລະ ປາຖະກະຖາວັນຍຶດອຳນາດ 23 ສິງຫາ ຄົບຮອບ 71 ປີ

ແຂວງຜົ້ງສາລີ ຈັດກອງປະຊຸມເຜີຍແຜ່ເຊື່ອມຊຶມ

ຄຳສັ່ງຂອງກົມການເມືອງສູນກາງພັກ ກ່ຽວກັບການຈັດຕັ້ງຜັນຂະຫຍາຍ

ວາລະແຫ່ງຊາດ ແລະ ປາຖະກະຖາວັນຍຶດອຳນາດ 23 ສິງຫາ ຄົບຮອບ 71 ປີ

ກອງປະຊຸມດັ່ງກ່າວໄດ້ຈັດຂື້ນໃຈຕອນບ່າຍຂອງວັນທີ 23 ສິງຫາ 2021 ນີ້ ຢູ່ຫ້ອງປະຊຸມຊັ້ນ 5 ຂອງຫ້ອງວ່າການແຂວງ ໂດຍພາຍໃຕ້ການເປັນປະທານຂອງທ່ານ ຄຳຜອຍ ວັນນະສານ ກຳມະການສູນກາງພັກ,

ເລຂາພັກແຂວງ, ເຈົ້າແຂວງໆຜົ້ງສາລີ, ມີບັນດາທ່ານ ກຳມະການປະຈຳພັກແຂວງ, ກຳມະການພັກແຂວງ, ເຈົ້າເມືອງ - ຮອງເຈົ້າເມືອງ 7 ເມືອງທົ່ວແຂວງ, ຫົວໜ້າ - ຮອງຫົວໜ້າະແນກການອ້ອມຂ້າງແຂວງພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມທ່ານ ຄຳຜອຍ ວັນນະສານ ເຈົ້າແຂວງໆຜົ້ງສາລີ ໄດ້ຍົກໃຫ້ເຫັນເຖິງວັນຍຶດອຳນາດ 23 ສິງຫາ ແຕ່ປີ 1975 ຈົນເຖິງປະຈຸບັນ, ພ້ອມກັນນັ້ນທ່ານເຈົ້າແຂວງ ຍັງໄດ້ຜ່ານຄຳສັງຂອງກົມການເມືອງສູນກາງພັກເລກທີ 01/ກມສພ, ລົງວັນທີ 26 ກໍລະກົດ ປີ 2021 ວ່າດ້ວຍການເພີ່ມທະວີການນຳພາຊິ້ນຳຂອງຄະນະພັກເເຕ່ລະຂັ້ນ ໃນການຈັດຕັ້ງປະຕິບັດມາດຕະການເເກ້ໄຂ ບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນເປັນຕົ້ນເເມ່ນ ຕ້ອງຮັບປະກັນການເເກ້ໄຂບັນຫາເສດຖະກິດ-ການເງິນໃຫ້ຢູ່ບົນພື້ນຖານການຍຶດໝັ້ນຫຼັກກການຂອງພັກ, ເຄົາລົບກົດເກນພາວະວິໄສ ເເລະ ເໜັ້ນໜັກເປັນພິເສດຕື່ມ 3 ຫຼັກການຄື: ເດັດຂາດ, ໂປ່ງໃສ ເເລະ ມີຫຼັກວິທະຍາສາດ; ຜ່ານຄຳສັ່ງສະບັບເລກທີ 02/ກມສພ, ລົງ ວັນທີ 26 ກໍລະກົດ ປີ 2021  ວ່າດ້ວຍການເພີ່ມທະວີການນຳພາຊິ້ນຳຂອງຄະນະພັກເເຕ່ລະຂັັ້ນ ຕໍ່ການສະກັັດກັ້ນ ເເລະ ເເກ້ໄຂບັນຫາຢາເສບຕິດ ເປັນຕົ້ນເເມ່ນ ກຳແໜ້ນເນື້ອໃນຈິດໃຈສຳຄັນທີ່ເປັນພື້ນຖານ ຮັບປະກັນໃຫ້ແກ່ການແກ້ໄຂບັນຫາຢາເສບຕິດ ດຳເນີນໄປຢ່າງຖືກຕ້ອງ, ເປັນລະບົບ ແລະ ໄດ້ຮັບການເຂົ້າຮ່ວມສະໜັບສະໝູນຢ່າງກວ້າງຂວາງຈາກມະຫາຊົນ ໂດຍປະຕິບັດເຂັ້ມງວດ 3 ຫຼັກການ, 2 ຍຶດໝັ້ນ, 2 ມາດຕະການ ແລະ 3 ຕ້ານ.

ຈາກນັ້ນ, ຜູ້ເຂົ້າຮ່ວມກໍ່ໄດ້ພ້ອມກັນປະກອບຄຳຄິດຄຳເຫັນໃສ່ຄຳສັ່ງຂອງກົມການເມືອງສູນກາງພັກກ່ຽວກັບການເເກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ການສະກັດກັ້ນ ເເລະ ເເກ້ໄຂບັນຫາຢາເສບຕິດ ທັງນີ້ກໍ່ເພື່ອເປັນເອກະພາບກັນລະຫ່ວາງຂັ້ນສູນກາງ, ແຂວງ ແລະ ເມືອງ ໃນການຈັດຕັ້ງປະຕິບັດວຽກງານດັ່ງກ່າວໃຫ້ໄດ້ຮັບໝາກຜົນ.

          ໃນຕອນທ້າຍຂອງກອງປະຊຸມ ທ່ານ ເຈົ້່າແຂວງ ຍັງໄດ້ຮຽກຮ້ອງເໜັ້ນໝັກໃຫ້ຜູ້ເຂົ້າຮ່ວມຈົ່ງຖືເອົາວາລະແຫ່ງຊາດນີ້ ເປັນວຽກງານອັນຮີບດ່ວນ ແລະ ສຳຄັນ, ເປັນບັນຫາພື້ນຂອງຊາດ, ຂອງແຂວງ. ຈົ່ງພ້ອມກັນມີຄວາມເປັນເອກະພາບສູງ ລະຫວ່າງ ການນຳ ກັບປະຊາຊົນ ໂດຍສະເພາະອຳນາດການປົກຄອງຂັ້ນຕ່າງໆ ຈຶ່ງຈະປະກອບສ່ວນໃນການຈັດຕັ້ງປະຕິບັດວາລະແຫ່ງຊາດໄດ້ເປັນຢ່າງດີ, ຕ້ອງມີຄວາມຮັບຜິດຊອບສູງ ໂດຍການເປັນເຈົ້າການບົນພື້ນຖານເຮັດແທ້ທຳຈິງ ໃຫ້ຕີຖອຍລັດທິຮູບການ ເພື່ອລົງເລິກແກ້ໄຂບໍ່ໃຫ້ມີການລາຍງານທີ່ມັກແກ້ຕົວ, ລາຍງານດອກໄມ້ ແຕ່ຕ້ອງພ້ອມກັນຈັດຕັ້ງປະຕິບັດທຸກວຽກງານຂອງວາລະແຫ່ງຊາດ ຕາມທີ່ໄດ້ຮັບການມອບໝາຍວຽກງານ, ຕ້ອງສຸມໃສ່ຈັດລຽງບຸລິມະສິດ ແລະ ເປັນເຈົ້າການອັນຮີບດ່ວນ; ຕ້ອງໄດ້ຈັດຕັ້ງປະຕິບັດກ່ອນ ເປັນຕົ້ນແມ່ນ ນະໂຍບາຍປະຢັດ, ການຈຳກັດການຮົ່ວໄຫຼຂອງລາຍຮັບງົບປະມານ, ຕ້ອງສຸມໃສ່ຍູ້ແຮງການຜະລິດພາຍໃນເພື່ອທົດແທນການນຳເຂົ້າ ໂດຍການສົມທົບກັບ ວິສາຫະກິດຂະໜາດນ້ອຍ ແລະ ກາງ ເພື່ອຍູ້ແຮງການຜະລິດທີ່ມີທ່າແຮງ, ວາງແຜນການຜະລິດ ພ້ອມທັງຫັນຄ່ານິຍົມຈາກສັງຄົມບໍລິໂພກ ສູ່ສັງຄົມການຜະລິດ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

163641
ມື້ນີ້ມື້ນີ້21
ມື້ວານນີ້ມື້ວານນີ້216
ອາທິດນີ້ອາທິດນີ້380
ເດືອນນີ້ເດືອນນີ້1359
ທັງໝົດທັງໝົດ163641