ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ຄະນະໂຄສະນາອົບຮົມແຂວງຜົ້ງສາລີ ລົງມອບໂທລະໂຄ່ງ ໃຫ້ 5 ບ້ານທີ່ຂຶ້ນກັບກຸ່ມນໍ້າຮາງ ເມືອງສຳພັນ

ຄະນະໂຄສະນາອົບຮົມແຂວງຜົ້ງສາລີ ລົງມອບໂທລະໂຄ່ງ ໃຫ້ 5 ບ້ານທີ່ຂຶ້ນກັບກຸ່ມນໍ້າຮາງ ເມືອງສຳພັນ

        ໃນວັນທີ  27 ກັນຍາ 2021 ນີ້ ທາງຄະນະໂຄສະນາອົບຮົມແຂວງ ຜົ້ງສາລີ ໄດ້ຈັດພິທີມອບ-ຮັບໂທລະໂຄ່ງ ໃຫ້ ແກ່ 5 ບ້ານທີ່ຂຶ້ນກັບກຸ່ມນໍ້າຮາງ ຄື: ບ້ານ ນໍ້າອອນ, ບ້ານ ລີຫວາຍ, ບ້ານ ນາອູ, ບ້ານ ນໍ້າຮາງ ແລະ ບ້ານ ນໍ້າຍວນ ຈຳນວນ 5 ຊຸດ ເຊິ່ງນຳ ໂດຍທ່ານ ບຸນສຸລີ ໂລມາ ກຳມະການໜ່ວຍພັກ,  ຮອງຫົວໜ້າຄະນະໂຄສະນາອົບຮົມແຂວງ ຜົ້ງສາລີ

ພ້ອມດ້ວຍທີມງານຂັ້ນແຂວງ-ເມືອງ, ເປັນກຽດ ເຂົ້າຮວມຂອງທ່ານ ສີອຳພອນ ວໍລະເດດ ກຳມະການ ພັກເມືອງ, ຫົວໜ້າຫ້ອງການກະສິກຳ ແລະ ປ່າໄມ້ເມືອງ ທັງເປັນຜູ້ຊີ້ນຳກຸ່ມນໍ້າຮາງ, ມີທ່ານ ວັນໄຊ ອິນທະຈອນ ເລຂາຄະນະພັກຮາກຖານກຸ່ມນໍ້າຮາງ, ມີເລຂາໜ່ວຍພັກ-ນາຍບ້ານມາຈາກ 5 ບ້ານ ຕະຫຼອດຮອດ ພະນັກງານ ປກສ ປະຈຳກູ່ມ, ກອງ ຄ 115, ກອງປະຕິບັດງານ 212 ແລະ ພະນັກງານຄູ-ອາຈານເຂົ້າຮ່ວມ. ພິທີມອບ-ຮັບດັ່ງກ່າວ ແມ່ນຈັດຂຶ້ນຢູ່ທີ່ບ້ານນໍໍ້າຮາງ. ເຊິ່ງເຄື່ອງທີ່ນຳມາມອບໃນຄັ້ງນີ້ປະກອບມີດອກໂທລະໂຄ່ງ 10 ດອກ, ແອັມ 5 ໜ່ວຍ ແລະ ໄມໂຄຣໂຟນ 10 ອັນ ຄິດເປັນມູນຄ່າທັງໝົດ 9,000,000 ກີບ ໂດຍໃຫ້ກຽດມອບໂດຍ ທ່ານ ບຸນສຸລີ ໂລມາ, ກຳມະການໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ແລະ ກ່າວຮັບໂດຍ ທ່ານ ວັນໄຊ ອິນທະຈອນ ເລຂາຄະນະພັກຮາກ ຖານກຸ່ມນໍ້າຮາງ ພ້ອມທັງມອບຕໍ່ໃຫ້ນາຍບ້ານ 5 ບ້ານເປັນຜູ້ຊົມໃຊ້ ໂດຍຊ່ອງໜ້າປະທານພິທີ ແລະ ບັນດາທີມງານ ຂອງແຂວງ, ຂອງເມືອງ ຕະຫຼອດຮອດພະນັກງານກຸ່ມ, ອົງການຈັດຕັ້ງບ້ານເຂົ້າຮ່ວມເປັນສັກຂີພິຍານ.                          

          ໃນຕອນທ້າຍພິທີ ທ່ານ ສີອຳພອນ ວໍລະເດດ ກຳມະການພັກເມືອງ, ຫົວໜ້າຫ້ອງການ ກະສິກຳ ແລະ ປ່າໄມ້ເມືອງ ໄດ້ມີຄຳເຫັນໂອ້ລົມຕໍ່ພິທີ ເຊິ່ງທ່ານໄດ້ເໜັ້ນໜັກໃຫ້ອຳນາດການປົກຄອງບ້ານ ທັງ 5 ບ້ານກໍ່ຄືພໍ່ແມ່ປະຊາ ຊົນພາຍໃນບ້ານ ຈົ່ງພ້ອມກັນນຳໃຊ້ໃຫ້ມີປະສິດທິຜົນເປັນຕົ້ນແມ່ນ ນຳໃຊ້ເຂົ້າໃນໜ້າທີ່ວຽກງານຂອງບ້ານ ແລະ ຖ່າຍທອດຂໍ້ມູນຂ່າວສານ ວຽກງານຕ່າງໆໃຫ້ມີຄວາມກວ້າງຂວາງ.

        ໂອກາດດ່ຽວກັນນີ້ທ່ານ ວັນໄຊ ອິນທະຈອນ ໄດ້ຕ່າງໜ້າເລຂາພັກນາຍບ້ານ 5 ບ້ານ ໄດ້ຂຶ້ນກ່າວ ສະແດງ ຄວາມຂອບໃຈມາຍັງ ພັກ-ລັດ ທີ່ເຫັນໄດ້ຄວາມໝາຍ, ຄວາມສຳຄັນ ທາງດ້ານວຽກງານໂຄສະນາຂ່າວສານ ແລະ ພ້ອມນີ້ຈະນຳໃຊ້ລະບົບໂທລະໂຄງດັ່ງກ່າວເຂົ້າໃນໜ້າທີ່ວຽກງານຂອງບ້ານ ເພື່ອໃຫ້ໄດ້ຮັບຜົນປະໂຫຍດຢ່າງຫຼວງຫຼາຍ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

163625
ມື້ນີ້ມື້ນີ້5
ມື້ວານນີ້ມື້ວານນີ້216
ອາທິດນີ້ອາທິດນີ້364
ເດືອນນີ້ເດືອນນີ້1343
ທັງໝົດທັງໝົດ163625