ເມືອງສຳພັນ ແຂວງຜົ້ງສາລີ ສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ

ລາຍລະອຽດ

ສ້າງຂື້ນເມື່ອ ວັນພະຫັດ, 03 ທັນວາ 2020 03:26

ຂຽນໂດຍ ນັກຂ່າວເມືອງສຳພັນ

ເມືອງ​ສຳພັນ ​ແຂ​ວງຜົ້ງ​ສາລີ ສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ

      ພິທີ​ດັ່ງກ່າວ​ໄດ້​ຈັດຂຶ້ນ​ໃນ​ຕອນ​ເຊົ້າ​ຂອງ​ວັນ​ທີ 2 ທັນວາ 2020 ຢູ່​ທີ່ພາມໄຊຂອງ​ເມືອງສຳພັນ ແຂວງ​ຜົ້ງສາລີ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ ທ່ານ ສົມຈິດ ຫັບລະກອນ ກຳມະການປະຈຳພັກແຂວງ, ເລຂາພັກເມືອງ-ເຈົ້າເມືອງໆສຳພັນ,  ມີ​ບັນດາ​ສະຫາຍຄະນະປະຈຳ, ຮອງເຈົ້າເມືອງ, ຄະນະ​ພັກ, ຫົວໜ້າຫ້ອງການ,​ ພະນັກງານ-​ລັດຖະກອນ, ພະນັກງານ​ປະຕິວັດອາວຸໂສ​ບຳນານ ຕະຫຼອດຮອດ ສອງ​ກຳລັງ ກອງ​ບັນຊາ​ການ ປກຊ- ປກສ​, ອຳນາດ​ການ​ປົກຄອງ​ບ້ານ 2 ບ້ານ ແລະ ນັກຮຽນ, ນັກສືກສາ, ປັນຍາຊົນ ​ເຂົ້າ​ຮ່ວມຢ່າງຫຼວງຫຼາຍ.

    ​  ໃນ​ພິທີ ທ່ານ ສົມຈິດ ຫັບລະກອນ ກຳມະການປະຈຳພັກແຂວງ, ເລຂາພັກເມືອງ-ເຈົ້າເມືອງໆ​​ສຳພັນ ​ໄດ້​ຂຶ້ນກ່າວຄຳປາໄສຕໍ່ພິທີສະເຫຼີມສະຫຼອງວັນຊາດ​ທີ 2 ທັນວາ​ຄົບຮອບ 45 ປີ ເຊິ່ງ​ທ່ານ​ໄດ້​ຍົກ​ໃຫ້​ເຫັນ​ຊາດ​ລາວ​ແມ່ນ​ຊາດໜຶ່ງທີ່​​ມີປະ​ຫັວດສາດ​ອັນ​ຍາວ​ນານມາຫຼາຍພັນ​ປີ, ມີມູນ​ເຊື້ອທີ​ສະຫງ່າ​ອົງອາດ​ແຫ່ງ​ການ​ຕໍ່ສູ່​ຕ້ານ​ການ​ຮຸກ​ຮານ​ຂອງ​ສັດຕູ​ຈາກ​ພາຍ​ນອກ ​ແລະ ການສ້າງສາ​ພັດທະນາ.​ ໂດຍ​ສືບ​ທອດ​ມູນ​ເຊື່ອ​ອັນ​ອົງອາດ​ກາ​ຫານ​ຂອງ​ບັນພະບຸລຸດ​ດັ່ງ ກ່າວ​ນັ້ນ ປະຊາຊົນ​ລາວ​ບັນດາ​ເຜົ່າ​ພາຍ​ໃຕ້​ການ​ນໍາພາ​ຂອງ​ພັກ​ປະຊາ​ປະຕິວັດ​ລາວ ​ໄດ້​ສາມັກຄີ​ກັນ​ຕໍ່ສູ່​ຢ່າງ​ພິລະ​ອາດ​ຫານ​ຕ້ານ​ການ​ຮຸກ​ຮານ​ຂອງ​ພວກ​​ຈັກກະພັດ​ລາ​ເມືອງ​ຂຶ້ນທັງ​ແບບ​ເກົ່າ ​ແລະ ​ໃໝ່ ສາມາດ​ປົດ​ປ່ອຍປະ​ເທດ​ຊາດ​ຢ່າງ​ມີ​ໄຊ, ສ້າງ​ຕັ້ງ​ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ​ຂຶ້ນຢ່າງ​ສະຫງ່າ​ຜ່າ​ເຜີຍ​​ໃນວັນ​ທີ 2 ທັນວາ ປີ 1975 ​​ແມ່ນ​ວັນ​ທີ ປະຊາຊົນ​ລາວ​ບັນດາ​ເຜົ່າ​ ໄດ້​ມີ​ອິດສະຫຼະພາບ ​ແລະ ​ໄດ້​ເປັນ​ເຈົ້າ​ຂອງ​ປະ​ເທດ​ຢ່າງ​ແທ້​ຈິງ, ມີ​ເອກະລາດ​ສົມ​ບຸນ ​ແລະ ມີ​ອະ​ທີ​ປະ​ໄຕ​ຢ່າງ​ຄົບ​ຖ້ວນ,​ ມີທີ່​ຕັ້ງ​ອັນ​ສົມ​ກຽດ, ມີ​ຖານະ​ເທົ່າ​ທຽມກັບປະ​ເທດ​ອື່ນໆ​ໃນ​ເວທີ​ປະຊາ​ຄົມ​ໂລກ.​ ນອກ​ນິ້ທ່ານ​ຍັງ​ໄດ້​ຍົກ​ໃຫ້​ເຫັນ​ຜົນສຳ​ເລັດ​ໃນ​ການ​ປົກ​ປັກ​ຮັກສາ​ພັດທະນາ​ແຂວງ​ຜົ້ງ​ສາລີ ​ກໍ່ຄື​ເມືອງ​ສຳພັນ​ໃນ​ໄລຍະ 45 ປີ ຜ່ານມາ ພວກເຮົາສາມາດຍາດໄດ້ໄຊຊະນະ ແລະ ຜົນງານຫຼາຍດ້ານ ເປັນຕົ້ນແມ່ນການພັດທະນາເສດຖະກິດ - ສັງຄົມ ແລະ ແກ້ໄຂຄວາມທຸກຍາກຂອງປະຊາຊົນ ໂດຍຍຶດໝັ້ນແນວທາງເສດຖະກິດຂອງພັກ  ທີ່ຖືເອົາການພັດທະນາເສດ ຖະກິດເປັນໃຈກາງ, ເອົາໃຈໃສ່ພັດທະນາພື້ນຖານໂຄງລ່າງ, ເຕັກນິກ ແລະ ໄດ້ສູມໃສ່ການຜະລິດເປັນສິນຄ້າ ເຮັດໃຫ້ເສດຖະກິດຂອງເມືອງສຶບຕໍ່ຂະຫຍາຍຕົວ ສະເລ່ຍ 8,22 % ຕໍ່ປີ, ລວມຍອດຜະລິດພາຍໃນປີ 2019 ບັນລຸ 172,67 ຕື້ກີບ,  ສະເລ່ຍຕໍ່ຫົວຄົນ ໄດ້  822,72 ໂດລາ/ຄົນ/ປີ;  ໃນນັ້ນ ກະສິກໍາປ່າໄມ້ກວມເອົາ 71,39​%,  ອຸດສາຫະກໍາ ແລະ ການຄ້າກວມເອົາ   6.63​%, ການບໍລີການກວມເອົາ 21,98​%​.                                                                                    ການແກ້ໄຂຄວາມທຸກຍາກຂອງປະຊາຊົນ ແມ່ນໄດ້ຈັດຕັ້ງປະຕິບັດ ຕາມນະໂຍບາຍ 5 ທາງອອກຂອງເມືອງ, ຜ່ານມາເຫັນວ່າປະຊາຊົນບັນດາເຜົ່າຄ່ອຍໆຫຼຸດພົ້ນອອກຈາກຄວາມທຸກຍາກເທື່ອລະກ້າວ, ຜ່ານການປະເມິນຕາມດໍາລັດ 309 /ນຍ ເຮັດໃຫ້ມີຫຼາຍບ້ານ, ຫຼາຍຄອບຄົວພົ້ນທຸກ ແລະ  ມີບ້ານພັດທະນາ 2 ບ້ານ, ຊີວິດສັງຄົມໃນທົ່ວເມືອງດີຂື້ນຫຼາຍ ແລະ ໃນໄລຍະ 45  ປີ ທີ່ຜ່ານມານັ້ນ  ເປັນໄລຍະທາງທີ່ສະຫງ່າລາສີ ທີ່ສຸດ  ໃນປະຫວັດສາດແຫ່ງການຄົງຕົວ ແລະ ຂະຫຍາຍຕົວຂອງຊາດລາວເຮົາ.  ທົ່ວສະມາຊິກ,  ທົ່ວກໍາລັງປະກອບອາວຸດ ແລະ ທົ່ວປວງຊົນ ຊາວເມືອງສໍາພັນ ຈົ່ງໄດ້ພ້ອມກັນອອກແຮງເສີມຂະຫຍາຍໝາກຜົນ ທີ່ຍາດມາໄດ້   ດ້ວຍການສືບຕໍ່ ຈັດຕັ້ງປະຕິບັດ ສອງໜ້າທີ່ຍຸດທະສາດ,  ດໍາເນີີນພາລະກິດປ່ຽນແປງໃໝ່ຢ່າງແຂງແຮງ;  ສືບຕໍ່ປະກອບສ່ວນສ້າງ ແລະ ບູລະນະລະບອບປະຊາຊາທີປະໄຕ  ປະຊາຊົນ  ສ້າງບັນດາປະຖົມປັດໄຈ ເພື່ອກ້າວຂື້ນສູ່ສັງຄົມນິຍົມ,  ກ້າວເຂົ້າສູ່ອະນາຄົດອັນສົດໃສ ຂອງປະເທດຊາດ ກໍ່ຄືຂອງເມືອງສໍາພັນພວກເຮົາຢ່າງມີໄຊ. ເນື່ອງໃນໂອກາດສະເຫຼີມສະຫຼອງວັນຊາດທີ 2 ທັນວາຄົບຮອບ 45 ປີໃນຄັ້ງນີ້ຍັງໄດ້ມອບຫຼຽນກາລະນືກ 70 ປີ ວັນສ້າງຕັ້ງແນວລາວສ້າງຊາດ ໃຫ້ແກ່ບຸກຄົນທີມີຜົນງານດີເດັ່ນໃນການປະກອບສ່ວນເຄື່ອນໄຫວວຽກງານແນວລາວສ້າງຊາດໃນໄລຍະທີຜ່ານມາ ແລະ ມອບໃບຍ້ອງຍໍສັນລະເສີນ ໃຫ້ແກ່ກົມກອງ, ບຸກຄົນ ແລະ ບ້ານ ໃນທົ່ວເມືອງທີ່ມີຜົນງານດີເດັ່ນ ໃນການແຂງຂັນຮັກຊາດ ແລະ ພັດທະນາປະຈຳປີ 201ໍ9, ໃນນີ້ມອບຫຼຽນກາລະນຶກ 70 ປີຂອງສູນກາງແນວລາວສ້າງຊາດ ຈຳນວນ 93 ສະຫາຍ, ຍິງ 5 ສະຫາຍ. ໃຫ້ກຽດມອບໂດຍທ່ານ ສີແພງ ວາເລັ່ງວ້າ ກຳມະການປະຈຳພັກເມືອງ ປະທານແນວລາວສ້າງຊາດເມືອງ, ມອບໃບຍ້ອງຍໍຂອງທ່ານເຈົ້າແຂວງໃຫ້ແກ່ບຸກຄົນຈຳນວນ 927 ສະຫາຍ,ຍີງ 281 ສະຫາຍ, ກົມກອງ 24 ກົມກອງ ແລະ 13 ບ້ານ ເຊິ່ງໃຫ້ກຽດມອບໂດຍທ່ານ ສົມຈິດ ຫັບລະກອນ ກຳມະການປະຈຳພັກແຂວງ, ເລຂາພັກເມືອງ-ເຈົ້າເມືອງ ຢ່າງສົມກຽດ ແລະ ພ້ອມທັງໄດ້ຊົມການແຂງຂັນກິລາບານສົງຊາຍ ແລະ ຮັບຊົມການສະແດງ ວັນນະຄະດີຈາກນ້ອງນ້ອຍເຍົາວະຊົນ ແລະ ນ້ອງນັກຮຽນຈາກໂຮງຮຽນ ມສ ນາໄຊ ດ້ວຍບັນຍາກາດອັນຄຶກຄື້ນມ່ວນຊື່ນອີກດ້ວຍ. 

ເມືອງໃໝ່ ແຂວງຜົ້ງສາລີ ເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI

ລາຍລະອຽດ

ສ້າງຂື້ນເມື່ອ ວັນພະຫັດ, 03 ທັນວາ 2020 02:55

ຂຽນໂດຍ ນັກຂ່າວເມືອງໃໝ່

ເມືອງໃໝ່ ແຂວງຜົ້ງສາລີ

ເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI

    ກອງປະຊຸມເຜີຍແຜ່ເຊື່ອມຊຶມຜົນສຳເລັດຂອງກອງປະຊຸມໃຫຍ່ ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI ໄດ້ຈັດຂຶ້ນໃນຕອນເຊົ້າຂອງວັນທີ 1 ທັນວາ 2020 ນີ້ ຢູ່ທີ່ສະໂມສອນຂອງເມືອງໃໝ່ ໂດຍການເປັນປະທານ

ອ່ານເພີ່ມເຕີມ...

ພິທີມອບ - ຮັບປື້ມປະຫວັດສາດ 2 ແຂວງເຕົ້າໂຮມ ຊໍາເໜືອ - ຜົ້ງສາລີ ໃຫ້ເມືອງໃໝ່

ລາຍລະອຽດ

ສ້າງຂື້ນເມື່ອ ວັນພະຫັດ, 03 ທັນວາ 2020 02:30

ຂຽນໂດຍ Bounsouly Loma

ພິທີມອບ - ຮັບ

ປື້ມປະຫວັດສາດ 2 ແຂວງເຕົ້າໂຮມ ຊໍາເໜືອ - ຜົ້ງສາລີ ໃຫ້ເມືອງໃໝ່

    ເນື່ອງໃນໂອກາດທີ່ທົ່ວພັກ-ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດພວມອອກແຮງແຂ່ງຂັນສ້າງຜົນງານຂໍ່ານັບຮັບຕ້ອນການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 45 ປີ

ອ່ານເພີ່ມເຕີມ...

ເມືອງຂວາ ແຂວງຜົ້ງສາລີ ລົງຜັນຂະຫຍາຍຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI ຢູ່ກຸ່ມບວມພັນ

ລາຍລະອຽດ

ສ້າງຂື້ນເມື່ອ ວັນພະຫັດ, 03 ທັນວາ 2020 01:58

ຂຽນໂດຍ ນັກຂ່າວເມືອງຂວາ

ເມືອງຂວາ ແຂວງຜົ້ງສາລີ

ລົງຜັນຂະຫຍາຍຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI ຢູ່ກຸ່ມບວມພັນ

  ໃນຕອນແລງຂອງວັນທີ 28 ພະຈິກ 2020 ນີ້ທ່ານ ພອນທະວີ ໄຊມົນຕີ ກຳມະການພັກແຂວງ ເລຂາພັກ-ເຈົ້າເມືອງ ແລະ ພາກສ່ວນທີ່ກ່ຽວຂ້ອງຂອງເມືອງ ໄດ້ລົງເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່

ອ່ານເພີ່ມເຕີມ...

ເມືອງຂວາ ແຂວງຜົ້ງສາລີ ລົງຜັນຂະຫຍາຍຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI ຢູ່ກຸ່ມລາດຊາງ ແລະ ກຸ່ມສິນໄຊ

ລາຍລະອຽດ

ສ້າງຂື້ນເມື່ອ ວັນພະຫັດ, 03 ທັນວາ 2020 01:37

ຂຽນໂດຍ ນັກຂ່າວເມືອງຂວາ

ເມືອງຂວາ ແຂວງຜົ້ງສາລີ

ລົງຜັນຂະຫຍາຍຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI

ຢູ່ກຸ່ມລາດຊາງ ແລະ ກຸ່ມສິນໄຊ

     ໃນຕອນເຊົ້າຂອງວັນທີ 28 ພະຈິກ 2020 ນີ້ທ່ານ ພອນທະວີ ໄຊມົນຕີ ກຳມະການພັກແຂວງ ເລຂາພັກ-ເຈົ້າເມືອງ ແລະ ພາກສ່ວນທີ່ກ່ຽວຂ້ອງຂອງເມືອງ ໄດ້ລົງເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່

ອ່ານເພີ່ມເຕີມ...