ກອງປະຊຸມທາບທາມບຸກຄະລາກອນ ຄະນະບໍລິຫານງານພັກເມືອງບຸນໃຕ້, ແຂວງຜົ້ງສາລີ ສະໄໝທີ VIl ຮອບທີ 2
ກອງປະຊຸມທາບທາມບຸກຄະລາກອນ ຄະນະບໍລິຫານງານພັກເມືອງບຸນໃຕ້, ແຂວງ ຜົ້ງສາລີ ສະໄໝທີ VIl ຮອບທີ 2 ໄດ້ຈັດຂຶ້ນຢ່າງເປັນທາງການ ໃນວັນທີ 27 ມັງກອນ 2025 ນີ້ ຢູ່ທີ່ຫ້ອງປະຊຸມຫ້ອງວ່າການຫຼັງເກົ່າ ໂດຍໃຫ້ກຽດເຂົ້າຮ່ວມເປັນປະທານ ຂອງ ສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງແຂວງ ຮອງຫົວໜ້າຄະນະປັບປຸງບຸກຄະລາກອນຂັ້ນແຂວງ ເຂົ້າຮ່ວມມີທ່ານ ທອງສິງ ອິນທະແສງ ເລຂາພັກເມືອງ, ເຈົ້າເມືອງບຸນໃຕ້, ມີບັນດາສະຫາຍ ຄະນະປະຈຳພັກເມືອງ, ກຳມະການພັກເມືອງ, ຄະນະພັກຮາກຖານກຸ່ມ, ເລຂາ-ຮອງເລຂາ, ຄະນະໜ່ວຍພັກສຳນັກງານອົງການ, ຫົວໜ້າ, ຮອງຫົວໜ້າຫ້ອງການ, ໂຮງຮຽນ-ໂຮງໝໍ, ເລຂາ, ຮອງເລຂາ, ຄະນະພັກຂັ້ນບ້ານໃນທົ່ວເມືອງບຸນໃຕ້ເຂົ້າຮ່ວມຈຳນວນ 231 ທ່ານ, ຍິງ 31 ທ່ານ, ສາມະຊິກພັກ 231 ສະຫາຍ, ຍິງ 31 ສະຫາຍ.
ໃນກອງປະຊຸມ ທ່ານ ນາງ ສຸກສະຫວັນ ສຸລີຄຳ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງ, ຮອງຫົວໜ້າຄະນະປັບປຸງກົງຈັກຂັ້ນເມືອງ, ໄດ້ສະເໜີຈຸດປະສົງເປົ້າໝາຍໃນກກອງປະຊຸມທາບທາມບຸກຄະລະກອນວ່າ ເພື່ອປະກອນເຂົ້າໃນຄະນະບໍລິຫານງານພັກເມືອງສະໄໝທີ 7 ຈາກນັ້ນ ທ່ານ ສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງຮອງຫົວໜ້າຄະນະປັບປຸງບຸກຄະລາກອນຂັ້ນແຂວງ ປະທານກອງປະຊຸມ ໄດ້ມີຄຳເຫັນ ແລະ ຊີ້ນຳກອງປະຊຸມວ່າ: ກອງປະຊຸມທາບທາມບຸກຄະລາຄະນະບໍລິຫານງານພັກ ເຊິ່ງເປັນກອງປະຊຸມທີມີ ຄວາມໝາຍຄວາມສຳຄັນ ເພື່ອເປັນການຄັດເລືອກບຸກຄະລາກອນທີ່ມີມາດຖານເງື່ອນໄຂ ເຂົ້າໃນການຄູ້ມຄອງນຳພາການປະຕິບັດ ວຽກງານຕາມແນວທາງປ່ຽນແປງໃໝ່ໃນແຕ່ລະໄລຍະ ແລະໄດ້ຊີ້ແຈ້ງ, ອະທີບາຍບາດກ້າວ ການດຳເນີນກອງປະຊຸມ ໃຫ້ເປົ້າໝາຍທີ່ເຂົ້າຮ່ວມຮັບຮູ້ຢ່າງເລິກເຊິ່ງນັ້ນ ໂດຍເໜັ້ນໃຫ້ຜູ້ແທນແຕ່ລະຂັ້ນ ທີ່ເຂົ້າຮ່ວມກອງປະຊຸມ ຈົ່ງພິຈະລະນາຢ່າງຮອບດ້ານໃນການໃຊ້ສິດຄັດເລືອກ, ຕ້ອງມີການແຈກແຍກເບິ່ງທັດສະນະຄວາມຮູ້, ຄວາມສາມາດ, ມີຄຸນສົມບັດສິນທຳທຳປະຕິວັດ, ມີແບບແຜນວິທີເຮັດວຽກທີ່ດີ, ປະຕິບັດລັກການລວມສູນປະຊາທິປະໄຕ, ເຮັດສຳເລັດໝ້າການເມືອງຂອງຕົນ ທີ່ການຈັດຕັ້ງຂັ້ນເທິງມອບໝາຍໃຫ້ ແນ່ໃສ່ເຮັດການຄັດເລືອກ ຄະນະບໍລິຫານງານຊຸດນີ້ດຳເນີນໄປ ຢ່າງຖຶກຕ້ອງລະບຽບພັກ ແລະ ໃຫ້ມີຜົນສຳເລັດຕາມລາດັບຄາດໝາຍ.
ຈາກນັ້ນ, ທ່ານ ໂລອະຢິງ ຮອງປະທານກວດກາແຂວງ ຄະນະປັບປຸງບຸກຄະລະກອນຂັ້ນແຂວງ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ໃນນັ້ນໄດ້ແຕ່ງຕັ້ງພະນັກງານດຳລົງຕຳແໜ່ງບໍລິຫານ ສະບັບເລກທີ 11/ຂຜລ ລົງວັນທີ 08 ມັງກອນ 2025 ເຈົ້າແຂວງຕົກລົງ ແຕ່ງຕັ້ງທ່ານ ທອງສິງ ອິນທະແສງ ວ່າການແທນເຕົ້າເມືອງ ເປັນເຈົ້າເມືອງບຸນໃຕ້; ຈາກນັ້ນທ່ານເຈົ້າເມືອງ ໄດ້ຂື້ນຜ່ານບົດລາຍງານ 2 ພາກ ແລະ ທ່ານ ບຸນແພງ ລາວລີ ໄດ້ຂຶ້ນຜ່ານແຜນພັດທະນາເສດຖະກິດ-ສັງຄົມ ແລະທ່ານ ສົມຈິດ ໄດ້ຂຶ້ນຜ່ານບົດສຳຫຼວດການນຳພາລວມ, ຈາກນັ້ນຜູ້ແທນທີ່ມາຈາກແຕ່ລະພາກສ່ວນກໍໄດ້ປະກອບຄຳຄິດເຫັນໃສ່ບັນດາເອກະສານເພື່ອແນໃສເຮັດໃຫ້ສົມບູນຂຶ້ນ, ຄະນະຮັບຜິດຊອບກອງປະຊຸມຂັ້ນແຂວງ ກໍ່ໄດ້ຂື້ນສະເໜີບັນດາມະຕິ, ເຊື່ອມຊຶມເອກະສານກ່ຽວກັບຄວາມເຂົ້າໃຈການດຳເນີນກອງປະຊຸມ 3 ຂັ້ນ ແລະ ບັນດາມາດເງື່ອນໄຂລວມ ແລະ ສະເພາະ ຂອງຄະນະບໍລິຫານງານພັກເມືອງ ຕາມມະຕິ 030/ກມສພ, ລົງວັນທີ 30 ມັງກອນ 2018. ຈາກນັ້ນ, ຜູ້ແທນກອງປະຊຸມ ກໍ່ໄດ້ໃຊ້ສິດຂອງຕົນປ່ອນບັດທາບທາມ ສະໝັກເລືອກຕັ້ງ ເຂົ້າໃນຄະນະບລິຫານງານພັກເມືອງ ສະໄໝທີ VIl ຮອບທີ 2 ຕາມລະບຽບ ຫຼັກການຢ່າງມີຄວາມຮັບຜິດຊອບສູງ. ກອງປະຊຸມໄດ້ດໍາເນີນໄປເປັນເວລາ 1 ຕອນ ບັນລຸຜົນສໍາເລັດຕາມລະດັບ ຄາດໝາຍ.