ກອງປະຊຸມຝຶກອົບຮົມດ້ານເຕັກນິກເວັບໄຊ
ໃຫ້ຄະນະຮັບຜິດຊອບຄະນະໂຄສະນາອົບຮົມແຂວງທົ່ວປະເທດ
ອີງຕາມ ໜັງສືເຊີນ ຂອງກົມຂໍ້ມູນຂ່າວສານ ແລະ ຝຶກອົບຮົມ ຄະນະໂຄສະນາອົບຮົມສູນກາງພັກ ສະບັບເລກທີ 135 /ກຂສ-ຝຮ, ລົງວັນທີ 7 ມິຖຸນາ 2024 ວ່າດ້ວຍການເຊີນຄະນະນຳຄະນະໂຄສະນາອົບຮົມແຂວງ ( ຜູ້ຊີ້ນຳເວັບໄຊ ) ເຂົ້າຮ່ວມພິທີເປີດຝຶກອົບຮົມພື້ນຖານການບໍລິຫານຈັດການໜ້າກະດານຂ່າວເອເລັກໂຕຣນິກ ຂອງຄະນະໂຄສະນາອົບຮົມແຂວງ ( ເວັບໄຊສ ຄອຮ.ຂ ) ຊຶ່ງການຝຶກອົບຮົມໄດ້ດຳເນີນເປັນເວລາ 2 ວັນ ລະຫວ່າງວັນທີ 11 – 12 ມິຖຸນາ 2024.
ການຝຶກອົບຮົມ ໄດ້ພ້ອມກັຍຮຽນຮູ້ກ່ຽວກັບ 5 ຫົວຂໍ້ຕົ້ນຕໍ ດັ່ງນີ້:
- ຂັ້ນຕອນການກະກຽມຮູບພາບໃນການປະກອບບົດຂ່າວ.
- ຂັ້ນຕອນການສ້າງ ແລະ ເຜີຍແຜ່ບົດຂ່າວ ລົງໃນເວັບໄຊສ.
- ຂັ້ນຕອນການອັບເດດຂໍ້ມູນ ເອກະສານ ມະຕິຄຳສັ່ງຕ່າງໆ ລົງໃນເມນູ ແລະ ຄໍລຳຕ່າງໆ.
- ຂັ້ນຕອນການເຜີຍແຜ່ບັນດາຂໍ້ມູນຂ່າວສານຈາກເວັບໄຊສ ໄປຍັງບັນດາສື່ສັງຄົມອອນລາຍ.
- ຂັ້ນຕອນການສ້າງ ແລະ ຄຸ້ມຄອງຜູ້ໃຊ້ງານລະບົບ (user).