ຄະນະໂຄສະນາອົບຮົມແຂວງຜົ້ງສາລີ ປະເມີນພະນັກງານ – ລັດຖະກອນ ປະຈໍາປີ 2025

     ຕອນເຊົ້າຂອງວັນທີ 6 ພະຈິກ 2025 ຜ່ານມານີ້, ຄະນະໂຄສະນາອົບຮົມແຂວງຜົ້ງສາລີ ໄດ້ຈັດໃຫ້ມີກອງປະຊຸມປະເມີນຜົນ ການຈັດຕັ້ງປະຕິວັດວຽກງານພະນັກ ງານ – ລັດຖະກອນ ປະຈຳປີ 2025 ຂຶ້ນຢ່າງເປັນທາງການ,​ ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ໂດຍການເປັນປະທານ ຂອງທ່ານ ບຸນສຸລີ ໂລມາ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີຮອງຫົວໜ້າຄະນະໂຄສະນາອົບຮົມແຂວງ, ມີຫົວໜ້າຂະແໜງ, ຮອງຂະແໜງ, ຕະຫຼອດຮອດພະນັກງານ ລັດຖະກອນເຂົ້າຮ່ວມ.

     ຈຸດປະສົງຂອງການປະເມີນຜົນຄັ້ງນີ້, ເພື່ອເປັນການຕີລາຄາປະເມີນຈັດແບ່ງປະເພດພະນັກງານ-ລັດຖະກອນ​ ໂດຍຕີລາຄາຜົນງານດ້ານດີ, ດ້ານອ່ອນ,​ຂໍ້ຄົງຄ້າງໃນໄລຍະ 1 ປີ ​( 2025 ) ຜ່ານມາ ແລະ ວິທີແກ້ໄຂໃນຕໍ່ໜ້າ. ຈາກນັ້ນ, ພະນັກງານ – ລັດຖະກອນແຕ່ລະທ່ານ ກໍ່ໄດ້ຜ່ານໃບປະເມີນຂອງຕົນເອງ ຊຶ່ງໄດ້ຍົກໃຫ້ເຫັນດ້ານດີຜົນສຳເລັດ, ດ້ານອ່ອນຂໍ້ຄົງຄ້າງຂອງແຕ່ລະທ່ານໃນໄລຍະ 1 ປີຜ່ານມາ ພ້ອມທັງປະກອບຄຳຄິດຄຳເຫັນຕຳນິສົ່ງຂ່າວເຊິ່ງກັນ ແລະ ກັນ ໃຫ້ຄະແນນຈັດແບ່ງປະເພດຕາມມາດຖານເງືອນໄຂ​ການປະເມີນ ເພຶ່ອນຳໄປປັບປຸງແກ້ໄຂ ແລະ ຈັດຕັ້ງປະຕິບັດວຽກງານຕົວຈິງ ຂອງຕົນໃນຕໍ່ໜ້າຕິດພັນກັບວຽກງານວິຊາສະເພາະຂອງແຕ່ລະທ່ານທີ່ຮັບຜິດຊອບໃຫ້ມີຜົນສຳເລັດດີຂືນກວ່າເກົ່າ.

ຂ່າວ: ຊິນນີລາ