ພິທິປະກາດແຕ່ງຕັ້ງຕຳແໜ່ງບໍລິຫານປະເພດ 7 ຂອງຄະນະໂຄສະນາອົບຮົມເມືອງໃໝ່
ໃນຕອນເຊົ້າ ຂອງວັນທີ 18 ກັນຍາ 2024 ນີ້ ຄະນະໂຄສະນາອົບຮົມເມືອງໃໝ່ ແຂວງຜົ້ງສາລີ ໄດ້ຈັດພິທີປະກາດແຕ່ງຕັ້ງຕຳແໜ່ງບໍລິຫານປະເພດ 7 ຂອງຄະນະໂຄສະນາອົບຮົມເມືອງໃໝ່ ແຂວງຜົ້ງສາລີ ຂຶ້ນຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງ; ໂດຍພາຍໃຕ້ການເປັນປະທານ ຂອງ ທ່ານ ສົມໝາຍ ສີປະເສີດ ກຳມະການປະຈຳພັກເມືອງ, ຫົວໜ້າຄະນະຈັດຕັ້ງເມືອງ; ມີທ່ານ ສົມປານ ຈັນທະລາ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ ພ້ອມດ້ວຍພະນັກງານພາຍໃນຄະນະໂຄສະນາອົບຮົມເມືອງ, ມີຕາງໜ້າຈາກຄະນະຈັດຕັ້ງເມືອງ, ຕາງໜ້າຫ້ອງການພາຍໃນເມືອງຕາງໜ້າອົງການກວດກາພັກ-ລັດເມືອງ, ມີຄະນະຫ້ອງການ ແລະ ພະນັກງານຄະນະໂຄສະນາອົບຮົມເມືອງເຂົ້າຮ່ວມທັງໝົດ 11 ທ່ານ; ຍິງ 4 ທ່ານ.
ໃນພິທີດັ່ງກ່າວ ທ່ານ ນາງ ສົມແພງແກ້ວ ສຸດທິລາດ ຮອງຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານຂໍ້ຕົກລົງວ່າດ້ວຍການແຕ່ງຕັ້ງຕຳແໜ່ງບໍລິຫານປະເພດ 7 ເຊີ່ງມີລາຍຊື່ດັ່ງນິ້:
- ທ່ານ ເພັດ ເລັງລາວີ ວິຊາການໜ່ວຍງານອົບຮົມ ຂື້ນເປັນຮອງຫົວໜ້າໜ່ວຍງານອົບຮົມ;
- ທ່ານ ນາງ ສອນແພງ ອຸດົມຮັກ ວິຊາການໜ່ວຍງານບໍລິຫານ ແລະ ຈັດຕັ້ງ ຂື້ນເປັນຮອງຫົວໜ້າໜ່ວຍງານບໍລິງານ ແລະ ຈັດຕັ້ງ;
ໃນໂອກາດທີ່ມີຄວາມໝາຍ, ຄວາມສຳຄັນນີ້ຍັງໄດ້ຟັງການໂອ້ລົມຕໍພິທີ ຂອງທ່ານ ສົມໝາຍ ສີປະເສີດ ກຳມະການປະຈຳພັກເມືອງ, ຫົວໜ້າຄະນະຈັດຕັ້ງເມືອງ ຊຶ່ງທ່ານກໍ່ໄດ້ສະແດງຄວາມຍ້ອງຍໍ, ຊົມເຊີຍ ແລະ ໃຫ້ທິດຊີ້ນຳຕໍ່ກັບພິທີຜູ້ທີ່ຖຶກແຕ່ງຕັ້ງເອົາໃຈໃສ່ສືບຕໍ່ປະຕິບັດວຽກງານທີ່ໄດ້ຮັບການມອບໝາຍຈາກຂັ້ນເທິງໃຫ້ມີຜົນສຳເລັດ, ໃຫ້ມີຄວາມສາມັກຄີພາຍໃນ ແລະ ພາຍນອກໃຫ້ໜັກແໜ້ນກ່ວາເກົ່າ.