ເຈົ້າແຂວງຜົ້ງສາລີ ພ້ອມດ້ວຍຄະນະ
ຕ້ອນຮັບຄະນະຜູ້ແທນການນຳຂັ້ນສູງຂອງແຂວງດຽນບ່ຽນຟູ ແຫ່ງ ສສ ຫວຽດນາມ
ໃນຕອນແລງຂອງວັນທີ 9 ຕຸລາ 2023 ນີ້, ທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍຄະນະ ໄດ້ຕ້ອນຮັບຄະນະຜູ້ແທນ
ການນຳຂັ້ນສູງ ຂອງແຂວງດຽນບຽນຟູ ແຫ່ງ ສສ ຫວຽດນາມ ເຊິ່ງນຳໂດຍ ທ່ານ ມົວ ອາ ເສີນ ຮອງເລຂາພັກແຂວງດຽນບ່ຽນຟູ ແຫ່ງ ສສ ຫວຽດນາມ ພ້ອມດ້ວຍຄະນະ ຢູ່ທີ່ໂຮງແຮມມິດຕະພາບ III ເມືອງບຸນເໜືອ ແຂວງຜົ້ງສາລີ.
ຈຸດປະສົງຂອງການມາເຄື່ອນໄຫວວຽກງານຂອງຄະນະຜູ້ແທນການນຳຂັ້ນສູງຂອງແຂວງດຽນບຽນຟູ ໃນຄັ້ງນີ້ ເພື່ອເປັນການຢ້ຽມຢາມ ແລະ ພົບປະມິດຕະພາບ ລະຫ່ວາງຄະນະຜູ້ແທນການນຳຂັ້ນສູງຂອງແຂວງຜົ້ງສາລີ ແຫ່ງ ສປປ ລາວ ກັບ ຄະນະຜູ້ແທນການນຳຂັ້ນສູງຂອງແຂວງດຽນບຽນຟູ ແຫ່ງ ສສ ຫວຽດນາມ ໃນການຮ່ວມມືໃນໄລຍະທີ່ຜ່ານມາ ພ້ອມທັງເຊັນບົດບັນທຶກການຮ່ວມມືໃນຕໍ່ໜ້າ. ພ້ອມນີ້, ຄະນະຜູ້ແທນແຂວງດຽນບjຽນຟູ ແຫ່ງ ສສ ຫວຽດນາມ ຍັງໄດ້ໄປທັດສະນະທ່ຽວຊົມພະທາດມິ່ງຂວັນພູຟ້າ ແລະ ຢ້ຽມຢາມໂຮງຮຽນມັດທະຍົມສົມບູນເທດສະບານເມືອງບຸນເໜືອ ເຊິ່ງເປັນໂຮງຮຽນທີ່ໄດ້ຮັບການຊ່ວຍເຫຼື່ອຫຼາຈາກ ສສ ຫວຽດນາມ ຕື່ມອີກ.
