ເມືອງຂວາ ແຂວງຜົ້ງສາລີປາຖະກະຖາຜົນສໍາເລັດກອງປະຊຸມ
ຄົບຄະນະ ຄັ້ງທີ 3 ຂອງຄະນະກໍາມະການສູນກາງພັກກອມມູນິດຈີນ ສະໄໝທີ XX ແລະ ເອກະສານ ຂໍ້ຕົກລົງ
ຂອງສູນກາງພັກກອມມູນິດຈີນ ກ່ຽວກັບການລົງເລິກການນປະຕິຮູບຢ່າງຮອບດ້ານ ເພື່ອຊຸກຍູ້ຄວາມທັນສະໄໝແບບຈີນ
ໃນວັນທີ 13 ກຸມພາ 2025 ນີ້, ເມືອງຂວາ ແຂວງຜົ້ງສາລີໄດ້ ຈັດພິທີປາຖະກະຖາວັນສໍາຄັນຄື: ປາຖະກະຖາຜົນສໍາເລັດກອງປະຊຸມຄົບຄະນະ ຄັ້ງທີ 3 ຂອງຄະນະກໍາມະການສູນກາງພັກກອມມູນິດຈີນ ສະໄໝທີ XX ແລະ ເອກະສານ ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບການລົງເລິກການນປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ ຂຶ້ນຢ່າງເປັນທາງການ ທີ່ສະໂມສອນຂອງກອງບັນຊາການຕໍາຫຼວດເມືອງ ໂດຍການເຂົ້າຮ່ວມຂອງ ທ່ານ ສອນສະໜຸກ ສີສຸລາດ ເລຂາພັກເມືອງ-ເຈົ້າເມືອງ, ເມືອງຂວາ ມີຜູ້ເຂົ້າຮ່ວມຮັບຟັງ 138 ທ່ານ, ຍິງ 45 ທ່ານ; ມີບັນດາ ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າກອງບັນຊາການປກຊ-ປກສ, ເລຂາຄະນະພັກຮາກຖານກຸ່ມ, ພະນັກງານ- ລັດຖະກອນ, ນາຍແລະພົນທະຫານ, ນາຍ ແລະ ພົນຕໍາຫຼວດ, ລັດວິສາຫະກິດ, ຫົວໜ້າອໍາໜວຍການໂຮງໝໍ, ອໍາໜວຍການໂຮງຮຽນ ມສ ນາຕູ່ນ, ມຕ ຫ້ວຍຍາງ, ມຕ ສົບກ່າຍປະຖົມເທດສະບານ, ປະຖົມຫ້ວຍຍາງ, ປະຖົມສົບກ່າຍ, ແລະ ເລຂາພັກບ້ານ-ນາຍບ້ານພາຍໃນເທດສະບານເມືອງຕະຫຼອດຮອດ ສະມາຊີກພັກ-ພະນັກງານຫຼັກແຫລ່ງເຂົ້າຮ່ວມຮັບຟັງຢ່າງພ້ອມພຽງ.
ໃນພິທີໂຄສະນາ-ປາຖະກາຖາລາຍລະອຽດມີລາຍຊື່ຜ່ານເອກະສານດັ່ງນີ້: 1/. ທ່ານ: ສອນສະໜຸກ ສີສຸລາດ ເລຂາພັກເມືອງ-ເຈົ້າເມືອງ, ເມືອງຂວາໄດ້ໂຄສະນາ-ປາຖະກະຖາ ເອກະສານຜົນສໍາເລັດກອງປະຊຸມຄົບຄະນະ ຄັ້ງທີ 3 ຂອງຄະນະກໍາມະການສູນກາງພັກກອມມູນິດຈີນ ສະໄໝທີ XX; 2/. ທ່ານ: ຄໍາໄລ ສຸທິພອນ ຮອງເລຂາພັກເມືອງ ປະທານແນວລາວສ້າງຊາດເມືອງ ຊີ້ນໍາອົງການຈັດຕັ້ງມະຫາຊົນ, ຮັບຜິດ ຊອບວຽກງານພັກ-ພະນັກງານໄດ້ໂຄສະນາ-ປາຖະກະຖາເອກະສານ ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບການລົງເລິກການນປະຕິຮູບ ຢ່າງຮອບດ້ານຕື່ມອີກເພື່ອຊຸກຍູ້ຄວາມທັນສະໄໝແບບຈີນ ທັງສອງທ່ານ ໄດ້ໂຄສະນາ-ປາຖະກະຖາເອກະສານສໍາຄັນທີ່ຕົນຮັບຜິດ ຊອບ ໄດ້ເອົາໃຈໃສ່ໃນການຄົ້ນຄວ້າແນວທາງແຜນນະໂຍບາຍຂອງພັກ, ນະໂຍບາຍຂອງລັດ ແລະ ໄດ້ຊີ້ນໍາ-ນໍາພາຢ່າງໃກ້ຊິດວຽກງານວັນສໍາຄັນຂອງພັກ ຂອງຊາດກໍ່ຄືຂອງເພື່ອນມິດສາກົນໃຫ້ແກ່ສະມາຊິກພັກ, ພະນັກງານ-ລັດຖະກອນທົ່ວເມືອງ ໄດ້ຮັບຮູ້ເຖິງມູນເຊື້ອປະຫວັດແຫ່ງການກໍາເນີດເຕີບໃຫ່ຍ ຂອງພັກກອມມູນິດຈີນໃນຄວາມເປັນມາໃນສະໄໝ່ກອນຈົນເຖິ່ງສະໄໝ່ທີ XX ແລະ ການຂະຫຍາຍເສດຖະກິດໄລຍະກ່ອນຈົນເຖິງປະຈຸບັນ ພ້ອມທັງເຮັັດໃຫ້ຜູ້ເຂົ້າຮ່ວມທຸກສະຫາຍມີຄວາມຮັບຮູ້ເຂົ້າໃຈມູນເຊື້ອການຕໍ່ສູ້ ຂອງພັກໂດຍ ທ່ານຜູ້ນໍາ ຂອງຈີນ ເປັນຜູ້ນໍາສ້າງລັດເຊິ່ງເປັນລັດທີ່ຊົນຊັ້ນກໍາມະກອນ ແລະ ຊາວຜູ້ອອອກແຮງງານລັດທໍາອິດຂອງມວນມະນຸດຈີນ ເສີມຂະຫຍາຍມູນເຊື້ອ ແລະ ຮໍ່າ ຮຽນ ແລະ ຄຸນງາມຄວາມດີ ຂອງທ່ານຜູ້ນໍາທີ່ໄດ້ທຸມເທທຸກເຫື່ອແຮງໃຫ້ແກ່ການປະຕິວັດ ທັງເປັນນັກປະຕິວັດທີ່ກ້າຫານອົດທົນ ໜຽວແໜ້ນ ແລະ ສຸມສະຕິປັນຍາຂອງເພິ່ນເພື່ອພາລະກິດປະຕິວັດປົດປອຍຊົນຊັ້ນກໍາມະກອນ ແລະ ຊາວຜູ້ອອກແຮງງານໃຫ້ຫຼຸດພົ້ນອອກຈາກແອກກົດຂີ່ຂູດຮີດເຮັດໃຫ້ປະຊາຊົນນມີຊີວິດສົດໃສ່ ມີອິດສະລະພາບ ແລະສະເໜີພາບມາເຖິງປະຈຸບັນ.
ຈາກນັ້ນ ທ່ານ ສອນສະໜຸກ ສີສຸລາດ ເລຂາພັກເມືອງ-ເຈົ້າເມືອງ, ເມືອງຂວາໃນໂອກາດທີ່ມີຄວາມໝາຍສໍາຄັນນີ້ ເຊິ່ງ ທ່ານ ໄດ້ຍົກໃຫ້ເຫັນຕົ້ນກໍາເນີດ ແລະ ການເຕີບໃຫ່ຍຂະຫຍາຍຕົວໄລຍະແຫ່ງການສ້າງຕັ້ງກອງປະຊຸມຄົບຄະນະຂອງຈີນ ແລະ ວັນສໍາຄັນທີ່ພວກເຮົາໄດ້ຮັກສາມາເຖິ່ງປະຈຸບັນນີ້ໃຫ້ມີຄວາມເຂັ້ມແຂງຕະຫຼອດໄປ.