ເມືອງຂວາ ແຂວງຜົ້ງສາລີ
ປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ແລະ ວັນ ຊາດສາທາລະນະລັດ ສັງຄົມນິຍົມຫວຽດນາມ ຄົບຮອບ 79 ປີ
ໃນວັນທີ 09 ກັນຍາ 2024 ນີ້, ເມືອງຂວາ ແຂວງຜົ້ງສາລີ ໄດ້ຈັດພິທີປາຖະກະຖາວັນສໍາຄັນຄື: ວັນສ້າງຕັ້ງຕັ້ງສະຫະພັນນັກຣົບເກົ່າແຫ່ງຊາດລາວ ຄົບຮອບ 22 ປີ (09 ກັນຍາ 2002-09 ກັນຍາ 2024 ) ແລະ ວັນຊາດ ສສ ຫວຽດນາມ ຄົບຮອບ 79 ປີ ( 02 ກັນຍາ 1945 – 02 ກັນຍາ 2024 ) ຂຶ້ນຢ່າງເປັນທາງການ ທີ່ສະໂມສອນຂອງເມືອງ ໂດຍການເຂົ້າຮ່ວມຂອງ ທ່ານ ພອນທະວີ ໄຊມົນຕີ ກໍາມະການພັກແຂວງ, ເລຂາຄະນະບໍລິຫານງານພັກເມືອງ-ເຈົ້າເມືອງ; ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ – ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າກອງບັນຊາການປກຊ-ປກສ, ພະນັກງານ-ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກງານປະຕິວັດອາວຸໂສບໍານານ, ລັດວິສາຫະກິດ, ຫົວໜ້າ ອໍາໜວຍການໂຮງຮຽນມສນາຕູ່ນ, ມຕ ຫ້ວຍຍາງ, ມຕສົບກ່າຍ, ປະຖົມເທດສະບານ, ປະຖົມຫ້ວຍຍາງ, ປະຖົມສົບກ່າຍ, ສະມາຊິກນັກຣົບເກົ່າ ແລະ ເລຂາພັກບ້ານ-ນາຍບ້ານພາຍໃນເທດສະບານເມືອງເຂົ້າຮ່ວມທັງໝົດ 154 ທ່ານ, ຍິງ 51 ທ່ານ.
ໃນພິທີໂຄສະນາ-ປາຖະກາຖາລາຍລະອຽດມີລາຍຊື່ຜ່ານເອກະສານດັ່ງນີ້: 1/. ທ່ານ: ພອນທະວີ ໄຊມົນຕີ ກໍາມະການພັກແຂວງ ເລຂາຄະນະບໍລິຫານງານພັກເມືອງ – ເຈົ້າເມືອງໄດ້ໂຄສະນາ – ປາຖະກະຖາ ວັນຊາດສສ ຫວຽດນາມ ຄົບຮອບ 79 ປີ ( 02 ກັນຍາ 1945 – 02 ກັນຍາ 2024 ); 2/. ທ່ານ: ພົມມີ ອິນມະສອນ ຮອງເລຂາພັກເມືອງ ປະທານກວດກາພັກ – ລັດເມືອງ, ສະມາຊິກສະພາປະຊາຊົນແຂວງ ໄດ້ໂຄສະນາ – ປາຖະກະຖາເອກະສານ ວັນສ້າງຕັ້ງຕັ້ງສະຫະພັນນັກຣົບເກົ່າແຫ່ງຊາດລາວ ຄົບຮອບ 22 ປີ (09 ກັນຍາ 2002-09 ກັນຍາ 2024 ); ແຕ່ລະທ່ານ ໄດ້ໂຄສະນາ – ປາຖະກະຖາ ເອກະສານສໍາຄັນທີ່ຕົນຮັບຜິດຊອບ ໄດ້ເອົາໃຈໃສ່ໃນການຄົ້ນຄວ້າແນວທາງແຜນນະໂຍບາຍຂອງພັກ, ນະໂຍບາຍຂອງລັດ ແລະ ໄດ້ນໍາພາ – ຊີ້ນໍາຢ່າງໃກ້ຊິດວຽກງານວັນສໍາຄັນ ຂອງພັກ ຂອງຊາດກໍ່ຄືຂອງເພື່ອນມິດສາກົນໃຫ້ແກ່ສະມາຊິກພັກ ພ້ອມດ້ວຍສະມາຊິກນັກຣົບເກົ່າ ແລະ ພະນັກງານ – ລັດຖະກອນທົ່ວເມືອງໄດ້ຮັບຮູ້ເຖິ່ງມູນເຊື້ອການພົວພັນຮ່ວມມືພີເສດ ລາວ -ຫວຽດນາມ ແລະການຕໍ່ສູ້ບໍ່ຍອມຈໍານົນ ຂອງບັນດາບັນພະບຸລຸດຜູ້ອາດຫານ ຂອງສະຫະພັນນັກຣົບເກົ່າ ແຫ່ງຊາດລາວ.
ຈາກນັ້ນ ທ່ານ ພອນທະວີ ໄຊມົນຕີ ກໍາມະການພັກແຂວງ ເລຂາຄະນະບໍລິຫານງານພັກເມືອງ – ເຈົ້າເມືອງໃນໂອກາດທີ່ມີຄວາມໝາຍສໍາຄັນນີ້ ເຊິ່ງ ທ່ານ ໄດ້ຍົກໃຫ້ເຫັນຕົ້ນກໍາເນີດ ແລະ ການເຕີບໃຫ່ຍຂະຫຍາຍຕົວໄລຍະແຫ່ງການສ້າງຕັ້ງວັນສໍາຄັນທີ່ພວກເຮົາໄດ້ຮັກສາມາເຖິ່ງປະຈຸບັນນີ້ໃຫ້ມີຄວາມເຂັ້ມແຂງຕະຫຼອດໄປ.
