ເມືອງບຸນໃຕ້ ແຂວງຜົ້ງສາລີ
ເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ, ມະຕິຂອງຄະນະພັກ-ອົງການປົກຄອງແຂວງ
ແລະ ຜົນສຳເລັດກອງປະຊຸມໃຫ່ຍຄັ້ງທີ VII ຂອງອົງຄະນະພັກເມືອງ
ໃນຕອນເຊົ້າຂອງວັນທີ 01 ກັນຍາ 2025 ນີ້ຢູ່ທີ່ສະໂມສອນຫ້ອງວ່າການເມືອງ ບຸນໃຕ້ ໄດ້ເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ, ມະຕິຂອງຄະນະພັກ-ອົງການປົກຄອງແຂວງ ແລະ ຜົນສຳເລັດກອງປະຊຸມໃຫ່ຍຄັ້ງທີ VII ຂອງອົງຄະນະພັກເມືອງບຸນໃຕ້ໂດຍພາຍໃຕ້ການເປັນປະທານຂອງທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ, ມີສະຫາຍເລຂາຄະນະພັກຮາກຖານ ສອງກ້ອນກຳລັງ ປກຊ-ປກສ, ມີເລຂາພັກຮາກຖານກູ່ມບ້ານເພຍສຸ, ກູ່ມພູຜ່າເຜີ້ງ, ພະນັກງານລັດຖະກອນສະມາຊິກພັກ, ຫົວໜ້າ-ຮອງຫົວໜ້າໜ່ວຍງານ ຕະຫຼອດຮອດເລຂາໜ່ວຍພັກ 12 ບ້ານອ້ອມຂ້າງເມືອງເຂົ້າຮ່ວມທັງໝົດ 129 ສະຫາຍ, ຍິງ 57 ສະຫາຍ, , ສະມາຊິກພັກທັງໝົດ 129 ສະຫາຍ, ຍິງ 57 ສະຫາຍ.
ໃນພິທີ ທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ ໄດ້ຕໍ່ກອງປະຊຸມເຜີຍແຜ່ເຊື່ອມຊຶມ ແລະຜັນຂະຫຍາຍມະຕິຂອງສູນກາງພັກ, ມະຕິຂອງຄະນະພັກ-ອົງການປົກຄອງແຂວງ ແລະຜົນສຳເລັດກອງປະຊຸມໃຫ່ຍຄັ້ງທີ VII ຂອງອົງຄະນະພັກເມືອງບຸນໃຕ້ຄັ້ງນີ້ເພື່ອໃຫ້ຄະນະພັກທຸກຂັ້ນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ແລະ ກວ້າງຂວາງໃນການຈັດຕັ້ງປະຕິບັດວຽກງານການພັດທະນາຮອບດ້ານຂອງແຂວງກໍ່ຄືຂອງເມືອງ ພ້ອມທາງຮຽກຮ້ອງໃຫ້ຜູ້ແທນກອງປະຊຸມຈົ່ງຍົກສູງຄວາມຮັບຜິດຊອບໃນການຄົ້ນຄ້ວາ, ພິຈະລານາໃນການຮັບຟັງ ພ້ອມທັງໄດ້ເປີດກອງປະຊຸມຂື້ນຢ່າງເປັນການ.
ໃນກອງປະຊຸມຜູ້ເຂົ້າຮ່ວມໄດ້ຮັບການເຜີຍແຜ່ເຊື່ອມຊຶມ ເອກະສານສຶກກສາອົບຮົມການເມືອງ-ແນວຄິດ ສຳລັບພະນັກງານ, ສະມາຊິກພັກເພື່ອດຳເນີນການເມືອງໃນທົ່ວພັກ; ຜົນສຳເລັດກອງປະຊຸມໃຫ່ຍຄັ້ງທີ VIl; ມະຕິສະບັບເລກທີ 03/ຄບສພ ລົງວັນທີ 12 ມີນາ 2025 ວ່າດ້ວຍປັບປຸງກົງຈັກການຈັດຕັ້ງ ແລະ ມະຕິກອງປະຊຸມຄົບຄະນະສະໄໝວິສາມັນຂອງຄະນະບໍລິຫານງານສູນກາງພັກສະໄໝທີ Xl ສະບັບເລກທີ 02/ຄບສພ ລົງວັນທີ 07 ມີນາ 2025 ໂດຍໃຫ້ກຽດເຜີຍແຜ່ຂອງ ທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ ແລະ ທ່ານ ນ. ເພັດມະນີ ຈິດດາພອນ ຮັກສາການຫົວໜ້າຄະນະໂຄສະນາອົບຮົມເມືອງ, ຕອນທ້າຍຂອງກອງປະຊຸມ ທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ ຍັງໄດ້ເໜັ້ນໜັກໃຫ້ສະມາຊິກພັກ, ພະນັກງານ-ລັດຖະກອນ, ທະຫານ-ຕຳຫຼວດ ຕະຫຼອດຮອດເລຂາພັກໜ່ວຍພັກບ້ານ ໃຫ້ພ້ອມກັນນຳເອົາເນື້ອໃນຈິດໃຈການເຜີຍແຜ່ ແລະເຊື່ອມຊຶມເອກະສານໃນຄັ້ງນີ້ນຳໄປເປັນບ່ອນອິງການຈັດຕັ້ງປະຕິບັດວຽກງານໃຫ້ປະກົດຜົນເປັນຈິງ.
ຂ່າວ: ໂຕນ ມະນີວົງ