ເມືອງຜົ້ງສາລີ ແຂວງຜົ້ງສາລີ
ປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ແລະ ວັນ ຊາດສາທາລະນະລັດ ສັງຄົມນິຍົມຫວຽດນາມ ຄົບຮອບ 79 ປີ
ພິທີປາຖະກະຖາວັນສ້າງຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ 22 ປີ ວັນທີ 9 ກັນຍາ 2002 – 9 ກັນຍາ 2024 ແລະ ວັນຊາດສາທາລະນະລັດສັງຄົມນິຍົມຫວຽດນາມ ຄົບຮອບ 79 ປີ ຄຶວັນທີ 2 ກັນຍາ 1945 – 2 ກັນຍາ 2024 ໄດ້ຈັດຂຶ້ນໃນຕອນເຊົ້າຂອງວັນທີ 6 ກັນຍາ 2024 ນີ້ ຢູ່ສະໂມສອນໃຫ່ຍຂອງເມືອງຜົ້ງສາລີ ໂດຍການເປັນປະທານ ແລະ ຂຶ້ນປາຖະກະຖາຂອງ ທ່ານ ສຸລິວັນ ແສນສະຕິ ກໍາມະການປະຈໍາພັກເມືອງ, ຫົວໜ້າຄະນະໂຄສະ ນາອົບຮົມເມືອງ, ເຂົ້າຮ່ວມຮັບຟັງມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ກອງບັນຊາການ ປກຊ-ປກສ, ໂຮງ ໝໍຊຸມຊົນ, ທະນາຄານນະໂຍບາບໜ່ວຍບໍລິການເມືອງຜົ້ງສາລີ, ສູນບໍລິການໄຟຟ້າປະຈໍາເມືອງ, ພະນັກງານລົງຮາກຖານການເມືອງປະຈໍາເມືອງ, ຄະນະປະທານສະຫະພັນນັກຮົບເກົ່າອ້ອມຂ້າງເທດສະບານເມືອງ ຕະຫຼອດຮອດພະນັກງານ-ລັດຖະກອນອ້ອມຂ້າງເມືອງເຂົ້າຮ່ວມ.
ໃນພິທີ ທ່ານ ສຸລິວັນ ແສນສະຕິ ກໍາມະການປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງ ໄດ້ຍົກໃຫ້ເຫັນການກໍາເນິດເຕີບ ແລະ ເຕີບໃຫ່ຍຂະຫຍາຍຕົວຂອງວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ, ສະຫະພັນນັກຮົບເກົ່າແຫ່ງຊາດລາວໄດ້ຮັບການສ້າງຕັ້ງຂຶ້ນໃນປີ 2002 ຕາມມະຕີຕົກລົງຂອງກົມການເມືອງສູນກາງພັກສະບັບເລກທີ 68/ກມສພ, ລົງວັນທີ 9 ກັນຍາ 2002 ຄະນະບໍລີຫານງານສະຫະພັນນັກຮົບເກົ່າແຫ່ງຊາດ ໄດ້ຮັບການບົງຕົວ ສະຫາຍ ພົທ ນະຄອນ ສີສະນຸນ ເປັນປະທານ ສະຫະພັນນັກຮົບເກົ່າແຫ່ງຊາດຈາກນັ້ນກໍ່ໄດ້ສຸມໃສ່ປັບປຸງສ້າງຕັ້ງສະຫະພັນນັກຮົບເກົ່າຂັ້ນແຂວງ ແລະ ເມືອງໃນທົ່ວປະເທດສໍາເລັດໃນປີ 2003 ແລະ ພ້ອມກັນສຶບຕໍ່ປັບປຸງການຈັດຕັ້ງປັບປຸງແບບແຜນວີທີເຮັດວຽກ, ເຊິ່ງຖັນແຖວສະຫະພັນນັກຮົບເກົ່າ ແມ່ນນາຍທະຫານ, ນາຍຕໍາຫຼວດ ແລະ ກໍາລັງປະກອບອາວຸດປະຕິວັດທີພັກຜ່ອນບໍານານ, ບໍາເນັດແມ່ນຜູ້ໄດ້ຜ່ານການປະຕິບັດໜ້າທີເປັນນັກຮົບປ້ອງກັນຊາດ-ປ້ອງກັນຄວາມສະຫງົບ ແລະ ຜ່ານການທົດສອບໃນແປວໄຟສົງຄາມໃນການຕໍ່ສູ້ກູ້ຊາດ ແລະ ນໍາເອົາເອກະລາດຄວາມຢູ່ເຢັນເປັນສຸກມາໃຫ້ປະຊາຊົນລາວບັນດາເຜົ່າເປັນຜູ້ມີບົດຮຽນໃນການຊີ້ນໍາ-ນໍາພາການກໍ່ສ້າງຮາກຖານການເມືອ ງຂົນຂວາຍປຸກລະດົມປະຊາຊົນ ແລະ ສໍານິສໍານານໃນການປັບປຸງກໍ່ສ້າງກໍາລັງ, ເປັນຜູ້ທີມີຄວາມບໍລິສຸດ ແລະ ຈົງຮັກຕໍ່ພັກຕໍ່ປະເທດຊາດ ແລະ ຕໍ່ປະຊາຊົນ ນັ້ນແມ່ນຈຸດພິເສດອັນໂດດເດັ່ນຂອງນັກຮົບເກົ່າ ເຊິ່ງມີຄວາມແຕກຕ່າງກັບຊັ້ນຄົນອື່ນໆໃນສັງຄົມລາວໃນປະຈຸບັນ.
ຈາກນັ້ນ ສະຫາຍ ນາງ ບູນມີ ແກ້ວຫຼ້າ ຮອງຫົວໜ້າຄະນະໂຄສະນາອົບຮົມເມືອງໄດ້ຍົກໃຫ້ເຫັນປະຫວັດ ແລະ ການກໍາເນີດເຕີບໃຫ່ຍຂອງວັນຊາດສາທາລະນະລັດສັງຄົມນິຍົມຫວຽດນາມຄົບຮອບ ສາທາລະນະລັດສັງຄົມນິຍົມຫວຽດນາມ ແລະ ໄດ້ຮັບຟັງຜົນງານ ແລະ ການເຄື່ວນໄຫວຂອງສະຫະພັນນັກຮົບເກົ່າເມືອງຕື່ມອີກ.
