ເມືອງສຳພັນແຂວງຜົ້ງສາລີ
ເຜີຍແຜ່ເຊື່ອມຊຶມ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ແລະ ມະຕິ
ກອງປະຊູມຄົບຄະນະຄັ້ງທີ 9 ຂອງຄະນະບໍລິຫານງານພັກແຂວງ ສະໄໝທີ 11
ກອງປະຊູມໄດ້ຈັດຂຶ້ນໃນຕອນເຊົ້າຂອງວັນທີ 25 ກູມພາ 2025 ນີ້ ທີ່ສະໂມສອນຂອງເມືອງ ໂດຍພາຍໄຕການເປັນປະທານຂອງສະຫາຍ ທອງຕື ເກຍສະບົງ ກຳມະການພັກແຂວງ ເລຂາພັກເມືອງ,ເຈົ້າເມືອງ-ເມືອງສຳພັນ,ມີບັນດາສະຫາຍຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ-ຮອງຫ້ອງການ;ຄະນະກອງບັນຊາການ ປກຊ-ປກສ ເມືອງ,ອຳນວຍການໂຮງຮຽນ,ໂຮງໝໍ ແລະ ບັນດາສະຫາຍສະມາຊິກພັກອ້ອມຂ້າງເມືອງເຂົ້າຮ່ວມ.
ສະຫາຍ ທອງຕື ເກຍສະບົງ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງສຳພັນ ກໍໄດ້ໃຫ້ກຽດເຜີຍ ແຜ່ເອກະສານ ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ສະໄໝທີ XI ກ່ຽວກັບການຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,ແຜນງົບປະມານ,ແຜນເງິນຕາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024, ການຈັດຕັ້ງປະຕິບັດ 2 ວາລະແຫ່ງ ຊາດ ວ່າດ້ວຍການແກ້ໄຂບັນຫາເຄັ່ງຮ້ອນດ້ານເສດຖະກິດ-ການເງິນ, ການຄຸ້ມຄອງ-ການແລກປ່ຽນເງິນຕາ ແລະ ການແກ້ໄຂບັນຫາໜີ້ສິນຕ່າງໆ; ການສ້າງສະພາບແວດລ້ອມ ທີ່ເອື້ອອໍານວຍໃຫ້ແກ່ການລົງທຶນ ແລະ ການດໍາເນີນທຸລະກິດ; ການປັບປຸງຄຸນນະພາບການສຶກສາ, ແກ້ໄຂການປະລະການຮຽນ ແລະ ເພີ່ມອັດຕາການເຂົ້າຮຽນໃນທຸກຊັ້ນທຸກສາຍ; ການຍົກສູງຄຸນນະພາບດໍາເນີນຄະດີ ຕາມຂະບວນການຍຸຕິທໍາ, ສ້າງເງື່ອນໄຂ ແລະ ອໍານວຍຄວາມສະດວກໃຫ້ປະຊາຊົນເຂົ້າເຖິງຂະບວນການຍຸຕິທໍາ; ມະຕິ ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ ເພື່ອແກ້ໄຂບັນຫາຕ່າງໆໃນປັດຈຸບັນໃຫ້ເປັນຮູບປະທໍາ; ສ້າງພື້ນຖານການຜະລິດ ແລະ ການບໍລິການ,ລະບົບການເງິນ-ເງິນຕາ,ການຄຸ້ມຄອງລາຄາສິນຄ້າ ແລະ ການຄຸ້ມຄອງບໍລິຫານລັດໃຫ້ເຂັ້ມແຂງ ແລະ ເຊື່ອມຊຶມບັນດາເອກະສານສໍາຄັນ ເຊັ່ນ: ມະຕິກອງປະຊູມຄົບຄະນະຄັ້ງທີ 9 ຂອງຄະນະບໍລິຫານງານພັກແຂວງ ສະໄໝທີ 11, ມະຕິກອງປະຊູມອົງການປົກຄອງແຂວງ ເປິດກວ້າງຄັ້ງທີ 1 ປີ 2024 ແລະ ເອກະສານສຳຄັນອີກຈຳນວນໜຶ່ງມາເຜີຍແຜ່ເຊື່ອມຊຶມ, ຊຶ່ງການເຜີຍແຜ່ເຊື່ອມຊຶມຄັ້ງນີ້, ເພື່ອໃຫ້ບັນດາສະຫາຍຄະນະປະ ຈຳພັກເມືອງ, ກຳມະການພັກເມືອງ, ຄະນະພັກຮາກຖານ, ໜ່ວຍພັກຮາກຖານ ແລະ ພະນັກງານນໍາພາຫຼັກແຫຼ່ງຂອງເມືອງ ເຂົ້າໃຈ, ກໍາແໜ້ນ, ເປັນເອກະພາບ ແລະ ຜັນຂະຫຍາຍໃຫ້ເປັນຮູບປະທໍາຕົວຈິງ.
ພ້ອມນີ້, ສະຫາຍ ທອງຕື ເກຍສະບົງ ໄດ້ຊີ້ນໍາໃຫ້ພະນັກງານນໍາພາຫຼັກແຫຼ່ງຂອງເມືອງ ເຊື່ອມຊຶມ ແລະ ຜັນຂະຫຍາຍບັນດາມະຕິສໍາຄັນຂອງສູນກາງພັກ ແລະ ຂອງແຂວງ ຢູ່ພາຍໃນກົມກອງ,ຫ້ອງການຂອງຕົນ ໃຫ້ປະກົດຜົນເປັນຈິງ ດ້ວຍຄຸນນະພາບ ແລະ ປະສິດທິຜົນສູງ.