ເມືອງສຳພັນ ແຂວງຜົ້ງສາລີ
ປາຖະກະຖາວັນຊາດທີ 2 ທັນວາ ຄົບຮອບ 49 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 104 ປີ
ພິທີດັ່ງກ່າວໄດ້ຈັດຂືນໃນຕອນເຊົ້າຂອງວັນທີ 29 ພະຈິກ 2024 ຢູ່ທີ່ສະໂມສອນເມືອງສຳພັນ ແຂວງຜົ້ງສາລີ ໂດຍພາຍໃຕ້ການເປັນປະທານຂອງ ທ່ານ ທອງຕື ເກຍສະບົງ ກຳມະການພັກແຂວງ, ເລຂາພັກເມືອງ ເຈົ້າເມືອງໆສຳພັນ, ມີບັນດາຄະນະປະຈຳພັກເມືອງ, ຄະ ນະພັກ, ຫົວໜ້າຫ້ອງການ, ພະນັກງານ-ລັດຖະກອນ, ອາດິດພະນັກງານເບັຍບຳນານ, ຕະຫຼອດຮອດສອງກຳລັງກອງບັນຊາການ ປກສ-ປກຊ, ອຳນາດການປົກຄອງບ້ານ 2 ບ້ານ ແລະ ນ້ອງນ້ອຍເຍົາວະຊົນ ເຂົ້າຮ່ວມຢ່າງຫຼວງຫຼາຍ.
ໃນພິທີດັ່ງກ່າວ ທ່ານ ທອງຕື ເກຍສະບົງ ກຳມະການພັກແຂວງ, ເລຂາພັກເມືອງ ເຈົ້າເມືອງໆສຳພັນ ໄດ້ຂຶ້ນຜ່ານປະຫວັດມູນເຊື້ອ ແລະ ຄວາມໝາຍຄວາມສຳຄັນຂອງວັນຊາດທີ 2 ທັນວາຄົບຮອບ 49 ປີ. ຊຶ່ງທ່ານໄດ້ຍົກໃຫ້ເຫັນວ່າ ຊາດລາວແມ່ນຊາດໜຶ່ງທີ່ມີປະ ຫວັດສາດອັນຍາວນານຫຼາຍພັນປີ, ມູນເຊື້ອທີ່ສະຫງ່າອົງອາດແຫ່ງການຕໍ່ສູ່ຕ້ານການຮຸກຮານຂອງສັດຕູ ຈາກພາຍນອກ ແລະ ສ້າງສາພັດທະນາ. ໂດຍສືບທອດມູນເຊື່ອອັນອົງອາດກາຫານຂອງບັນພະບຸລຸດດັ່ງກ່າວນັ້ນ, ປະຊາຊົນລາວບັນດາເຜົ່າພາຍໃຕ້ການນໍາພາຂອງພັກປະຊາປະຕິວັດລາວໄດ້ສາມັກຄີກັນຕໍ່ສູ່ຢ່າງພິລະອາດຫານຕ້ານການຮຸກຮານຂອງພວກຈັກກະພັດລາເມືອງຂື້ນທັງແບບເກົ່າ ແລະ ໃໝ່. ສາມາດປົດປ່ອຍປະເທດຊາດຢ່າງມີໄຊ, ສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວຂື້ນຢ່າງສະງາຜ່າເຜີຍໃນວັນທີ 2 ທັນວາ ປີ 1975 ແມ່ນວັນທີປະຊາຊົນລາວບັນ ດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຢ່າງແທ້ຈິງ, ມີເອກະລາດສົມບຸນ ແລະ ມີອະທີປະໄຕຢ່າງຄົບຖ້ວນ, ມີທີຕັ້ງອັນສົມກຽດ, ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ.
ນອກນິ້ທ່ານຍັງໄດ້ເລົ່າມູນເຊື້ອ, ຊີວິດ ແລະ ການເຄື່ອນໄຫວປະຕິວັດ ຂອງປະທານ ໄກສອນ ພົມວິຫານ ຄົບຮອບ 104 ປີ, ຊຶ່ງທ່ານໄດ້ຍົກໃຫ້ເຫັນເຖິງຄວາມເປັນຜູ້ນໍາຂອງປະທານ ໄກສອນ ພົມວິຫານ ເປັນນັກຕໍ່ສູ້ທີ່ກ້າແກນ, ເປັນຜູ້ລິເລີມນໍາພາການປະຕິວັດລາວ, ນໍາພາປະຊາຊົນລາວບັນດາເຜົ່າກໍ່ຄື ການນໍາພາກອງທັບໂດຍຄວາມປີຊາສາມາດ, ນໍາພາຂະບວນການ ປະຕິວັດລາວ ຢ່າງສຸດກົກສຸດປາຍ ທ່ານແມ່ນຜູ້ນໍາຜູ້ຍິ່ງໃຫຍ່, ແມ່ນນັກປະຕິວັດທີ່ດີເດັ່ນ, ເປັນນັກທິດສະດີທີ່ລັກແຫຼມ ແລະ ຄຸນງາມຄວາມດີຂອງເພິ່ນທີ່ຈະຕ້ອງໄດ້ສຶກສາຮໍ່າຮຽນພ້ອມກັນສືບທອດມູນມໍລະດົກອັນລໍາຄ່າ ຂອງປະທານ ໄກສອນ ພົມວິຫານ ໄດ້ສ້າງໄວ້ ແລະ ພ້ອມທັງຮັບຟັງການຜ່ານປະຫວັດຄວາມເປັນມາ ວັນສ້າງຕັ້ງກອງເຍົາວະຊົນທັນວາ ຄົບຮອບ 69 ປີ.
ຊຶ່ງໄດ້ຍົກໃຫ້ເຫັນເຖິງຕົ້ນກຳເນີດ ແລະ ການເຕີບໃຫຍ່ຂະຫຍາຍຕົວແຕ່ລະໄລຍະແຫ່ງການສ້າງຕັ້ງກອງເຍົາວະຊົນທັນວາ ໃນຂະບວນການຕໍ່ສູ້ກູ້ຊາດແຕ່ປີ 1945-1975 ທີ່ພວກຈັກກະພັດຕ່າງດ້າວໄດ້ເຂົ້າ ມາຮຸກຮານປະເທດລາວ ພວກມັນໄດ້ຂ້າຟັນລັນແທງປະຊາຊົນລາວ ແລະ ເດັກນ້ອຍລາວລົ້ມຕາຍຢ່າງຫຼວງຫຼາຍ ພັກກອມມູນິດອິນດູຈີນຈຶງໄດ້ປຸກລະດົມທຸກກຳລັງແຮງ ເພື່ອໃຫ້ປະຊາຊົນລາວທຸກທົ່ວໜ້າ ລຸກຮືຂຶ້ນຕີຕ້ານກັບຈັກກະພັດຕ່າງດ້າວໃນແຕ່ລະໄລຍະນັ້ນ ເດັກ ນ້ອຍລາວຢູ່ແຂວງອັດຕະປື ຈຳນວນ 48 ນ້ອງ, ມີຄວາມຄຽດແຄ້ນສູງຈຶ່ງໄດ້ພ້ອມກັນສະໝັກເຂົ້າເປັນທະຫານມີ ອາຍຸພຽງແຕ່ 12 – 14 ປີເທົ່ານັ້ນ, ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນໃນວັນທີ 2 ທັນວາປີ 1975 ໄດ້ກາຍເປັນຂີດໝາຍປະຫວັດສາດສໍາຄັນຂອງຊາດລາວ, ຂອງຄົນລາວບັນດາເຜົ່າທົ່ວທັງຊາດ, ເປັນການເປີດສັງກາດໃໝ່ໃຫ້ອານາຄົດອັນສົດໃສຂອງປະເທດຊາດທີ່ມີເອກະລາດສົມບູນ ແລະ ຄົບຖ້ວນ ມາຮອດປີ 1983 ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງ ທີ I ໄດ້ໄຂຂຶ້ນຢ່າງເປັນທາງການໄດ້ຮັບຮອງເອົາວັນທີ 2 ທັນວາ 1955 ເປັນ ວັນສ້າງຕັ້ງກອງເຍົາວະຊົນທັນວາຢ່າງເປັນທາງ.
