ເມືອງ ບຸນໃຕ້ ໄດ້ຈັດພິທີປາຖະກະຖາເລົ່າມູນເຊື້ອ
ວັນສ້າງຕັ້ງສະຫະກຳມະບານລາວ ຄົບຮອບ 69 ປີ ແລະ ວັນສ້າງຕັ້ງ ພັກກອມມູນິດ ຫວຽດນາມ ຄົບຮອບ 95 ປີ
ໃນຕອນເຊົ້າຂອງວັນພະຫັດ ວັນທີ 30 ມັງກອນ 2025 ນີ້ຢູ່ທີ່ສະໂມສອນຫ້ອງວ່າການເມືອງ ບຸນໃຕ້ ໄດ້ຈັດພິທີປາຖະກະຖາ ເລົ່າມູນເຊື້ອ ວັນສ້າງຕັ້ງສະຫະກຳມະບານລາວ ຄົບຮອບ 69 ປີ ແລະ ວັນສ້າງຕັ້ງ ພັກກອມມູນິດຫວຽດນາມ ຄົບຮອບ 95 ປີ, ຂຶ້ນໂດຍເປັນກຽດເຂົ້າຮ່ວມເປັນປະທານຂອງ ທ່ານ ບຸນຈັນ ເຈີເອີ ຮອງເລຂາພັກເມືອງ ຜູ້ຊີ້ນຳວຽກງານພັກ-ພະນັກງານ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ຄະນະກອງບັນຊາການ, ອຳນວຍການໂຮງຮຽນ,ໂຮງໝໍ, ລັດວິສາຫະກິດ, ສະຫະກຳມະບານລາວ, ພະນັກງານ – ລັດຖະກອນ, ອ້ອມຂ້າງເທດສະບານເມືອງ ເຂົ້າຮ່ວມຮັບຟັງທັງໝົດ137 ຄົນ,ຍິງ 76 ຄົນ, ສະມາຊິກພັກທັງໝົດ 129 ສະຫາຍ, ຍິງ 66 ສະຫາຍ.
ທ່ານ ອູ່ນແປງ ທຳມະໂນໄຊ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ຂື້ນເລົ່າມູນເຊື້ອ ວັນສ້າງຕັ້ງ ພັກກອມມູນິດຫວຽດນາມ ຄົບຮອບ 95 ປີ, ປະຫວັດຄວາມເປັນມາຂອງກອມມູນິດ ຫວຽດນາມ ເຖິງປະຈຸບັນ.
ທ່ານ ບຸນຈັນ ເຈີເອີ ຮອງເລຂາພັກເມືອງ ຜູ້ຊີ້ນຳວຽກງານພັກ-ພະນັກງານ, ຂື້ນເລົ່າມູນເຊື້ອ ວັນສ້າງຕັ້ງສະຫະພັນກຳມະບານລາວ ຄົບຮອບ 69 ປີ, ສະພາບແວດລ້ອມແຫ່ງການກຳເນີດສະຫະກຳມະບານລາວ ແລະປະຫວັດສາດຄວາມໝາຍຄວາມສຳຄັນເປັນມາ ຂອງກຳມະບານລາວ ເຖິງປະຈຸບັນ.
ເພື່ອໂຄສະນາສຶກສາ ບຮົມປຸກຈິດສຳນຶກ ໃຫ້ບັນດາທ່ານສະມາຊິກສະຫະກຳມະບານລາວ, ພະນັກງານ – ສະມາຊິກພັກ, ພະນັກງານ – ລັດຖະກອນ, ບັນດາເຜົ່າຮັບຮູ້ເຂົ້າໃຈ, ເຊື່ອມຊຶມ ແລະ ກຳແໜ້ນກ່ຽວກັບຄວາມໝາຍສຳຄັນຂອງວັນດັ່ງກ່າວ ແລະ ເປັນການສຶກສາອົບຮົມການເມືອງ – ແນວຄິດໃຫ້ທົ່ວພັກ, ທົ່ວປວງຊົນທັງຊາດເພີ່ມທະວີຄວາມເປັນເອກະພາບ ແລະ ມີຄວາມສາມັກຄີເປັນປຶກແຜ່ນ, ເພີ່ມທະວີບົດບາດ, ມູນເຊື້ອການນຳພາຂອງສະຫະກຳມະບານລາວ , ບົດຮຽນພາຍໃຕ້ການນຳພາຂອງການຄຸ້ມຄອງຂອງພັກ – ຂອງລັດ.
ໃນພິທີ ທີ່ມີຄວາມໝາຍຄວາມສຳຄັນໃນຄັ້ງນີ້ ວັນສ້າງຕັ້ງ ວັນສ້າງຕັ້ງສະຫະກຳມະບານລາວ ຄົບຮອບ 69 ປີ ແລະວັນສ້າງຕັ້ງພັກກອມມູນິດ ຫວຽດນາມ ຄົບຮອບ 95 ປີ ຊຶ່ງທ່ານໄດ້ມີທັດສະນະໂອ້ລົມຕໍ່ພິທີປາຖະກະຖາ ດ້ານການເມືອງ – ແນວຄິດ ໃຫ້ສະມາຊິກສະຫະກຳມະບານລາວ, ຜົນງານທີ່ດີພົ້ນເດັ່ນ ຂອງການການຈັດຕັ້ງ ແລະ ການເຄື່ອນໄຫ່ວຂອງສະຫະພັນກຳມະບານລາວ ທີມີຄວາມໜາຍຄວາມສຳຄັນ, ເອົາສະພາບຈິງບ່ອນອີງ, ເພື່ອເຮັດສຳເລັດຫນ້າທີ່ ທີ່ມີກຽດສະຫງ່າງາມຂອງສະຫະກຳມະບານລາວ.