ແຂວງຜົ້ງສາລີປະຖະກະຖາ ວັນຊາດທີ 2 ທັນວາ ແລະ ວັນເກີດທ່ານ ໄກສອນ ພົມວິຫານ
ຕອນເຊົ້າຂອງວັນທີ 28 ພະຈິກ 2024 ແຂວງຜົ້ງສາລີ ໄດ້ຈັດພິທີປະຖະກະຖາ ວັນຊາດທີ 2 ທັນວາ ຄົບຮອບ 49 ປີ (2 ທັນວາ 1975- 2 ທັນວາ 2024 ) ແລະ ວັນເກີດ ທ່ານ ໄກສອນ ພົມວິຫານຄົບຮອບ 104 ປີ 13 ທັນວາ 1920-13 ທັນວາ 2024 ຢູ່ທີຫ້ອງປະຊຸມຊັ້ນ 5 ຂອງຫ້ອງວ່າການແຂວງ ໂດຍພາຍໃຕ້ການເປັນປະທານຂອງ ທ່ານ ພອນໄຊ ແກ້ວສົມພັນ ກຳມະການປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ມີທ່ານນາງ ພອນສະຫວັນ ສັກຕິຄຸນ ຫົວໜ້າຄະນະໂຄສະນາອົບຮົບແຂວງ ມີບັນດາ ກຳມະການພັກແຂວງ, ເລຂາຄະນະພັກຮາກຖານຈາກພະແນກການອ້ອມຂ້າງ, ຕະຫຼອດຮອດພະນັກງານລັດຖະກອນພາຍໃນແຂວງເຂົ້າຮ່ວມທັງໝົດ 112 ຄົນ, ຍິງ 48 ຄົນ.
ໃນພິທີທ່ານນາງ ພອນສະຫວັນ ສັກຕິຄຸນ ຫົວໜ້າຄະນະໂຄສະນາອົບຮົມແຂວງ ໄດ້ກ່າວຈຸດປະສົງ ຈາກນັ້ນ, ທ່ານ ພອນໄຊ ແກ້ວສົມພັນ ກຳມະການປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ໄດ້ເລົ່າຫວນຄືນມູນເຊື້ອ ແລະ ພາລະກິດການຕໍ່ສູ້ປົດປ່ອຍຊາດ ວັນທີ 2 ທັນວາ 1975 ແມ່ນວັນທີ່ມີຄວາມໝາຍສໍາຄັນ ສໍາລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງ ຊາດ, ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດ ແຫ່ງການຕໍ່ສູ້ຂອງຊາດລາວເຮົາ; ແມ່ນວັນທີ່ປະຊາຊົນ ລາວບັນດາເຜົ່າ ໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ; ທັງເປັນວັນແຫ່ງການກ້າວສູ່ຍຸກ ສະໄໝໃໝ່ ແຫ່ງການສ້າງປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ, ວັດທະນະຖາວອນ ປະທານ ໄກສອນ ພົມວິຫານ ໄດ້ຕີລາຄາວັນທີ 2 ທັນວາ ປີ 1975 ວ່າ: “ ບໍ່ທັນມີເວລາໃດທີ່ປະຊາຊົນເຮົາ ເຊິ່ງເປັນ ຜູ້ສ້າງປະຫວັດສາດຂອງຊາດນັ້ນ ໄດ້ຍາດເອົາໄຊຊະນະອັນສົມບູນຢ່າງສະຫງ່າລາສີຄືແນວນີ້ຈັກເທື່ອ, ໄຊຊະນະນັ້ນ ບໍ່ ສະເພາະແຕ່ໄດ້ຟື້ນຟູຄວາມເປັນເອກະລາດຂອງປະເທດເຮົາ, ຫາກຍັງເປັນຄັ້ງທຳອິດ ທີ່ປະຊາຊົນບັນດາເຜົ່າ ຜູ້ເຄີຍດຳລົງ ຊີວິດເປັນທາດ ໄດ້ກາຍມາເປັນເຈົ້າຂອງແທ້ຈິງຂອງຊາດໜຶ່ງ ທີ່ມີເອກະລາດ, ມີອິດສະຫຼະພາບຢ່າງສົມບູນ ແລະ ພວມ ກ້າວຂຶ້ນສູ່ສັງຄົມນິຍົມ, ເຮັດໃຫ້ຄວາມມຸ່ງຫວັງອັນແຮງກ້າ ຂອງປວງຊົນລາວ ກໍຄືຂອງມວນມະນຸດປະກົດເປັນຈິງຢູ່ ບົນຜືນແຜ່ນດິນອັນແສນຮັກຂອງພວກເຮົາ.
ຈາກນັ້ນ ທ່ານ ນາງ ພອນສະຫວັນ ສັກຕິຄຸນ ຫົວໜ້າຄະນະໂຄສະນາອົບຮົມແຂວງ ໄດ້ຫວນຄືນມູນເຊື້ອວັນເກີດທ່ານ ໄກສອນ ພົມວິຫານ ຄົບຮອບ 104 ປີ ເຊີງເປັນຜູ້ນຳໜ້າພາທາງໃນກນປະຕິຫວັດຕໍ່ສູ້ປົດປ່ອຍຊາດ ແລະ ປົກປັກຮັກສາ ສ້າງສາພັດທະນາ ເຮັດໃຫ້ປະເທດຊາດຂອງພວກເຮົາມີຄວາມຈະເລີນຮຸງເຮືອງສີວິໄລມາຮອດປະຈຸບັນນີ້ ກໍ່ຄືຜົນສຳເລັດໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນຳພາ-ຊີ້ນຳ ຂອງພັກ. ການປາຖະກະຖາຄັ້ງນີ້ແມ່ນເພຶ່ອລະນຶກຜົນງານການປະຕິຫວັດຕໍ່ສູ້ປົດປ່ອຍຊາດ, ລະນຶກເຖິງຄຸນງາມຄວາມດີ ຂອງປະທານໄກສອນ ພົມວິຫານ ທີມີຕໍ່ປະເທດຊາດ, ທັງເປັນການສຶກສາອົບຮົມພະນັກງານລັດຖະກອນ- ສະມາຊິກພັກ, ນັກຮົບ, ຮ່ຳຮຽນເອົາຄຸນທາດການເມືອງ, ຄຸນສົມບັດສິນທຳປະຕິວັດ, ແບບແຜນວິທີເຮັດວຽກ, ແບບແຜນດຳລົງຊີວິດ ແລະ ແບບຢ່າງອັນດີງາມຂອງທ່ານໄກສອນ ພົມວິຫານ ເພຶ່ອມາຝຶກຝົນຫຼໍ່ຫຼອມຕົນເອງ ໃຫກາຍເປັນສະມາຊິກພັກຫຼັກແຫຼ່ງທີດີ, ມີນຳໃຈຮັກຊາດ ເສີມຂະຫຍາຍຄວາມສາມັກຄີເປັນຈິດໜຶ່ງໃຈດຽວ ແລະ ເປັນຜູ້ສືບທອດພາລະກິດຂອງພັກຂອງຊາດ