ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງ ຍອດອູ ແຂວງຜົ້ງສາລີ ຫວນຄືນມູນເຊື້ອ 4 ວັນປະຫວັດສາດປະຈຳເດືອນ ສິງຫາ 2022

ເມືອງ ຍອດອູ ແຂວງຜົ້ງສາລີ ຫວນຄືນມູນເຊື້ອ 4 ວັນປະຫວັດສາດ ປະຈຳເດືອນ ສິງຫາ 2022

     ໃນຕອນບ່າຍຂອງວັນທີ  15 ສິງຫາ 2022 ນີ້ ຢູ່ທີ່ສະໂມສອນໃຫຍ່ຂອງເມືອງ ຍອດອູ ແຂວງຜົ້ງສາລີ ໄດ້ຈັດພິທີຫວນຄືນມູນເຊື້ອ 4 ວັນປະຫວັດສາດຂອງພັກ, ຂອງຊາດ ຂBນຢ່າງເປັນທາງການ ໂດຍການເປັນປະທານຂອງທານ ມືກ່ຽງ ລາວທາງ ຮອງເລຂາພັກເມືອງ ຜູ້ຊີ້ນຳວຽກງານ

ພັກ-ພະນັກງານ. ມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ສອງກຳລັງ ປກຊ-ປກສ, ຕະຫຼອດຮອດພະນັກງານ-ລັດຖະກອນອ້ອມຂ້າງເມືອງເຂົ້າຮ່ວມທັງໝົດ 103 ທ່ານ, ຍິງ 50 ທ່ານ.

    ໃນພິທີ ທ່ານ ນ. ແສງລອດ ຈັນດາ ກຳມະການປະຈຳພັກເມືອງ ປະທານແນວລາວສ້າງຊາດ, ຜູ້ຊີ້ນຳອົງການຈັດຕັ້ງມະ ຫາຊົນ ກໍ່ໄດ້ເລົ່າມູນເຊື້ອຄວາມເປັນມາຂອງວັນ ສ້າງຕັ້ງອົງການແນວລາວສ້າງຊາດ ຄົບຮອບ 72 ປີ ( 13 ສິງຫາ 1950 – 13 ສິງຫາ 2022 ) ຈາກນັ້ນທ່ານ ມືກ່ຽງ ລາວທາງ ຮອງເລຂາພັກເມືອງ ຜູ້ຊີ້ນຳວຽກງານພັກ-ພະນັກງານ ກໍ່ໄດ້ເລົ່າມູນເຊື້ອ ວັນລັດຖະທຳມະນູນ ຄົບຮອບແຫ່ງ ສປປ ລາວ ຄົບຮອບ 31 ປີ( 15 ສິງຫາ 1991-15 ສິງຫາ 2022 ), ວັນຍຶດອໍານາດທົ່ວປະເທດ ຄົບຮອບ 77 ປີ ( 23 ສິງຫາ 1945-23 ສິງຫາ 2022 ) ແລະ ວັນ ສ້າງຕັ້ງສື່ມວນຊົນ ແລະ ການພິມຈໍາໜ່າຍ ຄົບຮອບ 72 ປີ ( 13 ສິງຫາ 1950-13 ສິງຫາ 2022 ) ພາຍຫຼັງທີ່ປະເທດຊາດໄດ້ຮັບການ ສະຖາປານາ ເປັນປະເທດ ສປປ ລາວ ພັກ ແລະ ລັດຖະບານໄດ້ວາງແນວທາງ ແລະ ນຳພາປະຊາຊົນປະຕິບັດ ສອງໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ.  ປີ 1986 ພັກໄດ້ວາງແນວທາງປ່ຽນແປງໃໝ່ຮອບດ້ານ ໂດຍເລີ່ມຈາກການປ່ຽນແປງເສດຖະກິດ, ຫັນຈາກການຄຸ້ມຄອງລວມສູນບໍລິຫານເກື້ອກູນ ໄປສູ່ການຄຸ້ມຄອງກົນໄກຕະຫຼາດທີ່ມີການໄລ່ລຽງເສດຖະກິດ ແລະ ມີການດັດສົມຂອງລັດ ໂດຍອິງໃສ່ຄວາມຮຽກຮ້ອງຕ້ອງການ ແຫ່ງການປ່ຽນແປງໃໝ່ດັ່ງກ່າວ ຈິ່ງມີຄວາມຈຳເປັນຕ້ອງຫັນໄປສູ່ການຄຸ້ມຄອງລັດດ້ວຍລັດຖະທຳມະນູນ ແລະ ກົດໝາຍຢ່າງເປັນເອກະພາບ.

     ກອງປະຊຸມເທື່ອທີ 6 ຂອງສະພາປະຊາຊົນສູງສຸດ ຊຸດທີ II (ປີ 1991) ຈິ່ງໄດ້ພິຈາລະນາຮັບຮອງເອົາ ລັດຖະທໍາມະນູນສະບັບທໍາອິດຂອງ ສປປ ລາວ  ແລະ ປະກາດໃຊ້ໃນວັນທີ 15 ສິງຫາ 1991 ເພື່ອຕອບສະໜອງຄວາມຮຽກຮ້ອງຕ້ອງການໃນການຈັດຕັ້ງປະຕິບັດແນວທາງປ່ຽນແປງໃໝ່ ໃຫ້ເຂົ້າສູ່ລວງເລິກຈິ່ງໄດ້ຮັບການປັບປຸງ ແລະ ປະກາດໃຊ້ເທື່ອທີ 2 ໃນປີ 2003 ແລະ ເທື່ອທີ 3 ໃນປີ 2015 ເພື່ອຍົກສູງລະບົບອຳນາດແຫ່ງລັດໃຫ້ມີປະສິດທິພາບສູງ, ສ້າງບາດລ້ຽວໃໝ່ໃຫ້ແກ່ການປົກປັກຮັກສາ, ການເຊື່ອມໂຍງເສດຖະກິດພາກພື້ນ ແລະ ສາກົນໃນໄລຍະໃໝ່. ເຊິ່ງໃນນັ້ນແມ່ນໄດ້ຍົກໃຫ້ເຫັນຄວາມໝາຍ, ຄວາມສຳຄັນຂອງແຕ່ລະວັນປະຫວັດສາດ ທັງນີ້ກໍ່ເພື່ອສຶກສາອົບຮົມການເມືອງ, ແນວຄິດ ໃຫ້ຖັ່ນແຖວພະນັກງານ, ສະມາຊິກພັກ ໄດ້ຮັບຮູ້  ແລະ ເຂົ້າໃຈເຖິງຄວາມໝາຍ ແລະ ຄວາມສຳຄັນ ເພື່ອນຳເອົາເນື້ອໃນຂອງເອກະສານຕ່າງໆ.

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

202654
ມື້ນີ້ມື້ນີ້145
ມື້ວານນີ້ມື້ວານນີ້136
ອາທິດນີ້ອາທິດນີ້104
ເດືອນນີ້ເດືອນນີ້4706
ທັງໝົດທັງໝົດ202654

ກິດຈະກຳ