ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ຄະນະໂຄສະນາອົບຮົມເມືອງບຸນໃຕ້ ປາຖະກະຖາ 4 ວັນປະຫວັດສາດ ປະຈຳເດືອນ ສິງຫາ 2022

ຄະນະໂຄສະນາອົບຮົມເມືອງ ບຸນໃຕ້ ປາຖະກະຖາ 4 ວັນປະຫວັດສາດ ປະຈຳເດືອນ ສິງຫາ 2022

     ຕອນເຊົ້າຂອງວັນທີ 12 ສິງຫາ 2022 ນີ້. ຄະນະໂຄສະນາອົບຮົມເມືອງ ບຸນໃຕ້ ໄດ້ຈັດພິທີປາຖະກະຖາ ເລົ່າຄືນມູນເຊື້ອ 4 ວັນປະຫວັດສາດຂອງຊາດຄື: ວັນຢືດອໍານາດທົ່ວປະເທດ ຄົບຮອບ 77 ປີ (23 ສິງຫາ 1945 – 23 ສິງຫາ 2022); ວັນລັດຖະທໍາມະນູນແຫ່ງ ສປປ ລາວ  ຄົບຮອບ 31 ປີ ( 15.8.1991 – 15.8.2022), ວັນ​ສ້າງ​ຕັ້ງ​

ອາ​ຊຽນ ຄົບ​ຮອບ 55 ປີ ( 2.8.1967 – 2.8. 2022 ) ແລະ ວັນ​ເກີດ​ ທ່ານ ຟິ​ແດນ ກາ​ສ​ໂຕ​ຣ ຮຸດ​ສ ຄົບ​ຮອບ 60 ປີ ( 13.81962 – 13.8.2022 ). ຂຶ້ນທີ່ສະໂມສອນໃຫຍ່ຂອງເມືອງບຸນໃຕ້ ໂດຍການເປັນປະທານຂອງທ່ານ ສານມະນີ ອິນດາວົງ ຮອງເລຂາພັກເມືອງ ຜູ້ຊີ້ນໍາວຽກງານພັກ-ພະນັກ ງານ, ເຂົ້າຮ່ວມໃນພິທີມີບັນດາທ່ານ ກຳມະການປະຈໍາພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ປະທານ-ຮອງປະທານ ອົງການຈັດຕັ້ງມະຫາຊົນ, ຄະນະພັກ-ຄະນະບັນຊາ ປກຊ-ປກສ, ບັນດາທ່ານພະນັກງານອາວຸໂສບໍານານ ຕະຫຼອດຮອດພະນັກງານ-ລັດຖະກອນ ອ້ອມຂ້າງເມືອງຜູ້ເຂົ້າຮ່ວມ​ທັງ​ໝົດ 112 ຄົນ, ຍິງ 50 ຄົນ, ສະ​ມາ​ຊິກ​ພັກ 102 ສະ​ຫາຍ, ຍິງ 45 ສະ​ຫາຍ. 

     ໃນພິທີ ທ່ານ ອຸ່ນແປງ ທຳມະໂນໄຊ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄດ້ຂຶ້ນຜ່ານ ມູນເຊື້ອຂອງວັນຢືດອຳນາດ 23 ສິງຫາ 1954 ແລະ ວັນ​ເກີດ​ ທ່ານ ຟິ​ແດນ ກາ​ສ​ໂຕ​ຣ ຮຸດ​ສ 13 ສິງ​ຫາ 1962. ຊຶ່ງທ່ານໄດ້ເລົ່າຄືນກ່ຽວກັບຄວາມເປັນມາຂອງວັນດັ່ງກ່າວ ນັບແຕ່ສະຕະວັດທີ 14 ທີ່ເຈົ້າຟ້າງຸ່ມ ໄດ້ທ້ອນໂຮມເມືອງລາວບູຮານສ້າງເປັນອານາຈັກລາວລ້ານຊ້າງ ເຊິ່ງເປັນຊ່ວງໄລຍະທີ່ປະເທດລາວລ້ານຊ້າງກ້າວເປັນປະເທດທີ່ມີຄວາມຮຸ່ງເຮືອງສີວິໄລໃນຫຼາຍໆດ້ານ ແລະ ຕໍ່ມາເລີ່ມແຕ່ສັດຕະວັດທີ່ 16 ຖືກພວກສັກດິນາຕ່າງດ້າວເຂົ້າມາຮຸກຮານ ແລະ ເອົາເປັນເມືອງສ່ວຍ ຈົນມາຮອດສັດຕະວັດທີ 20 ບັນດາປະເທດຈັກກະພັດ ໄດ້ດໍາເນີນການຮຸກຮານ ແລະ ຢືດຄອງບັນດາປະເທດເປັນຫົວເມືອງຂຶ້ນ ແລະ ປະເທດລາວ ໄດ້ຕົກເປັນຫົວເມືອງຂອງຂອງຝຣັ່ງໃນປີ 1983 ນັບແຕ່ນັ້ນມາປະຊາຊົນລາວບັນດາເຜົ່າໄດ້ຈົມຢູ່ໃນຄວາມເປັນຂ້ອຍຂ້າ ຂອງພວກລ່າເມືອງຂຶ້ນຕ່າງດ້າວ ແລະ ຖືກຂູດຮິດຢ່າງແສນສາຫັດ, ດ້ວຍນໍ້າໃຈຮັກຊາດ, ຄຽດແຄ້ນຕໍ່ການຮຸກຮານ ແລະ ກົດຂີ່ຂູດຮິດຂອງພວກລ່າເມືອງຂຶ້ນ ປະຊາຊົນລາວບັນດາເຜົ່າໄດ້ລຸກຮື້ຂຶ້ນຕໍ່ສູ້ ເພື່ອຄວາມເປັນເອກະລາດ, ເສລີພາບ ແລະ ຄວາມຢູ່ດີກິນດີຂອງຕົນ. ແຕ່ຂະບວນການຕໍ່ສູ້ດັ່ງກ່າວໃນຫຼາຍເຂດກໍໄດ້ຖືກປາບປາມຢ່າງນອງເລືອດ ແລະ ໄດ້ຮັບປາລາໄຊມາຫຼາຍໆຄັ້ງ ເນື່ອງຈາກວ່າສະພາບການໃນຕອນນັ້ນຍັງຂາດການນຳພາ ແລະ ການຕໍ່ສູ້ແບບກະແຈກກະຈາຍຕາມທ້ອງຖິ່ນໃຜລາວ. ມາ ຮອດຊຸມປີ 1930 ພັກກອມມູນິດໄດ້ກຳເນີດເກີດຂຶ້ນ, ພາຍໃຕ້ການນຳພາຂອງພັກປະຕິວັດ ການຕໍ່ສູ້ປະຕິວັດຂອງປະຊາຊົນລາວ ຈິ່ງໄດ້ກ້າວເຂົ້າສູ່ໄລຍະໃໝ່ດ້ວຍຄຸນນະພາບໃໝ່. ພັກໄດ້ນຳພາປະຊາຊົນລາວ ລຸກຂຶ້ນຢືດອຳນາດການປົກຄອງໃນທົ່ວປະເທດໃນວັນທີ 23 ສິງຫາ ປີ 1945 ແລະ​ ໄດ້​ເລົ່າ​ຊີ​ວິດ​ຄືນ ແລະ ການ​ເຄື່ອນ​ໄຫວ​ຂອງ​ທ່ານ ຟີ​ແດນ ກາ​ຣ​ໂຕ ຮຸດ​ຮ ເຖິ່ງ​ປະ​ຈຸ​ບັນ.

     ຈາກນັ້ນ, ທ່ານ ສານມະນີ ອິນດາວົງ ຮອງເລຂາພັກເມືອງ ຜູ້ຊີ້ນຳວຽກງານຂົງເຂດພັກ-ພະນັກງານ ທັງເປັນປະທານພິທີ ທ່ານໄດ້ກ່າວເຖິງສະພາບແວດລ້ອມຂອງການກຳເນີດ ແລະ ຄວາມໝາຍຄວາມສໍາຄັນ ຈາກນັ້ນທ່ານ​ໄດ້​ຂຶ້ນ​ຜ່ານເອກະສານລັດຖະທຳມະນູນ ຄົບ​ຮອບ 31 ປີ ແລະ ວັນ​ສ້າງ​ຕັ້ງ​ອຽນ ຄົບ​ຮອບ 55 ປີ. ເຊິ່ງທ່ານໄດ້ກ່າວວ່າ: ລັດຖະທຳມະນູນ ແລະ ວັນ​ສ້າງ​ຕັ້ງ​ອາຊຽນ ໄດ້ກຳເນີດເກີດຂຶ້ນໃນທ່າມກາງສະພາບແວດລ້ອມໄດ້ມີການປ່ຽນແປງ ໂດຍເລີ່ມຈາກການປ່ຽນແປງທາງດ້ານເສດຖະກິດ, ຫັນຈາກການຄຸ້ມຄອງລວມສູນບໍລິຫານ ເກື້ອກູນໄປສູ່ການຄຸ້ມຄອງຕາມກົນໄກຕະຫຼາດ ທີ່ມີການໄລ່ລຽງເສດຖະ ກິດ ແລະ ມີການດັດສົມຂອງລັດ ດ້ວຍຄວາມຮຽກຮ້ອງຕ້ອງການແຫ່ງການປ່ຽນແປງໃໝ່ດັ່ງກ່າວ ລັດຈິ່ງມີຄວາມຈຳເປັນໃນການຫັນໄປສູ່ການຄຸ້ມຄອງລັດ ດ້ວຍລັດຖະທຳມະນູນ ແລະ ດ້ວຍກົດໝາຍຢ່າງເປັນເອກະພາບ, ດ້ວຍເຫດນັ້ນ ກອງປະຊຸມເທື່ອທີ່ 6 ຂອງສະພາປະຊາຊົນສູງສຸດ ຊຸດທີ 2 ຈິ່ງໄດ້ພິຈາລະນາຮັບຮອງເອົາລັດຖະທໍາມະນູນ ສະບັບທຳອິດຂອງ ສປປ ລາວ ແລະ ປະກາດໃຊ້ໃນວັນທີ 15 ສີງຫາ 1991 ເປັນຕົ້ນມາ, ພ້ອມດຽວກັນນັ້ນ ທ່ານຍັງໄດ້ກ່າວອີກຕື່ມວ່າ: ລັດຖະທຳມະນູນເປັນກົດໝາຍພື້ນຖານຂອງຊາດ, ທັງເປັນການຫັນແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການຂອງພັກປະຊາຊົນປະ ຕິວັດລາວ ມາເປັນກົດໝາຍພື້ນຖານ ຂອງລະບອບ ປະຊາທິປະໄຕ ປະຊາຊົນລາວ ເພື່ອສຶກສາອົບຮົມປະຊາຊົນລາວບັນດາເຜົ່າໃຫ້ຍົກສູງນໍ້າໃຈຮັກຊາດ, ຮັກລະບອບໃໝ່ ເພີ່ມທະວີຄວາມສາມັກຄີປວງຊົນລາວທັງຊາດ ເຊີດຊູບົດບາດເປັນເຈົ້າການໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມຈຸດໝາຍທີ່ພັກໄດ້ກຳນົດໄວ້. ລັດຖະທຳມະນູນແຫ່ງ ສປປ ລາວ ໃນດ້ານທາດແທ້ ກໍແມ່ນການສ້າງສະຕິຊາດ ເອກະພາບອັນໜຶ່ງອັນດຽວກັນພາຍໃຕ້ການນຳພາຂອງພັກ,ຮັບຮູ້ ແລະ ປົກ ປ້ອງການດຳລົງຄົງຕົວ ທີ່ບໍ່ຕັດແຍກອອກຈາກກັນໄດ້ຂອງປະຊາຊົນບັນດາເຜົ່າ ເພື່ອສ້າງໃຫ້ປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທຳ ແລະ ສີວິໄລ.

     ປັດຈຸບັນພັກ ແລະ ລັດຖະ ບານ ໄດ້ຫັນລັດຖະທຳມະນູນເປັນກົດໝາຍ, ນິຕິກຳລຸ່ມກົດໝາຍ ໄດ້ຫຼາຍຮ້ອຍສະບັບ ເຮັດໃຫ້ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍ ນັບມື້ນັບເປັນລະບົບຄົບຊຸດເທື່ອລະກ້າວ. ໄດ້ມີການໂຄສະນາເຜີຍແຜ່ລັດຖະທຳມະນູນ ແລະ ກົດໝາຍໃຫ້ກວ້າງຂວາງດ້ວຍຫຼາຍຮູບແບບ, ໄດ້ເອົາໃຈໃສ່ຊຸກຍູ້ການຈັດຕັ້ງປະຕິບັດລັດຖະ ທຳມະນູນ ແລະ ກົດໝາຍເຮັດໃຫ້ການຈັດຕັ້ງໃນລະບົບການເມືອງ ເປັນບ່ອນອິງໃນການເຄື່ອນໄຫວທຳການຜະລິດ, ດຳເນີນທຸລະກິດ ແລະ ທຳມາຫາກິນ ຕາມລະບຽບກົດໝາຍຫຼາຍຂຶ້ນ, ໄດ້ປັບປຸງອົງການນິຕິບັນຍັດ, ອົງການບໍລິຫານ ແລະ ອົງການຕຸລາການ ໃຫ້ມີຄຸນນະພາບນັບມື້ນັບສູງຂຶ້ນຕາມທິດກະທັດຫັດ ສົມເຫດ-ສົມຜົນ ແລະ ມີປະສິດທິຜົນ, ໄດ້ເອົາໃຈໃສ່ຊຸກຍູ້, ຕິດຕາມ, ກວດກາການປະຕິບັດລັດຖະທຳມະນູນ ແລະ ກົດໝາຍ ແຜນພັດທະນາເສດຖະກິດ-ສັງຄົມ ແລະ ງົບປະມານແຫ່ງລັດ ເຂົ້າສູ່ລະບຽບແບບແຜນ, ນຳເອົາຜົນປະໂຫຍດມາໃຫ້ແກ່ປະເທດຊາດ ແະລ ປະຊາຊົນນັບມື້ນັບຫຼາຍຂຶ້ນ.

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

202653
ມື້ນີ້ມື້ນີ້144
ມື້ວານນີ້ມື້ວານນີ້136
ອາທິດນີ້ອາທິດນີ້103
ເດືອນນີ້ເດືອນນີ້4705
ທັງໝົດທັງໝົດ202653

ກິດຈະກຳ