ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ກົມກົງຈັກການຈັດຕັ້ງ ແລະ ກົດລະບຽບພັກ ຄະນະຈັດຕັ້ງສູນກາງເຄື່ອນໄຫວເຮັດວຽກນຳຄະນະໂຄສະນາອົບຮົມແຂວງ ຜົ້ງສາລີ

ກົມກົງຈັກການຈັດຕັ້ງ ແລະ ກົດລະບຽບພັກ ຄະນະຈັດຕັ້ງສູນກາງເຄື່ອນໄຫວເຮັດວຽກນຳຄະນະໂຄສະນາອົບຮົມແຂວງ ຜົ້ງສາລີ

     ໃນຕອນເຊົ້າ ຂອງວັນທີ 24 ພຶດສະພາ 2022 ຜ່ານມານີ້ ກົມກົງຈັກການຈັດຕັ້ງ ແລະ ກົດລະບຽບພັກ ຄະນະຈັດຕັ້ງສູນກາງພັກ ໄດ້ເຄື່ອນໄຫວເຮັດວຽກນຳຄະນະໂຄສະນາອົບຮົມແຂວງ ຜົ້ງສາລີ ໂດຍການໃຫ້ກຽດເຂົ້າຮ່ວມຂອງ ສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ ຫົວໜ້າ

ຄະນະຈັດຕັ້ງແຂວງ, ມີສະຫາຍ ຄຳປ່ຽນ ແກ້ວສໍລະສິງ ຫົວໜ້າກົມກົງຈັກການຈັດ ຕັ້ງ ແລະ ກົດລະບຽບພັກ ຄະນະຈັດຕັ້ງສູນກາງພັກ, ມີບັນດາສະຫາຍຄະນະພັກ, ສະມາຊິກພັກ ພາຍໃນຄະນະໂຄສະນາອົບຮົມແຂວງ ພ້ອມດ້ວຍວິຊາການຄະນະຈັດຕັ້ງແຂວງ ເຂົ້າຮ່ວມທັງໝົດ 18 ສະຫາຍ, ຍິງ 8 ສະຫາຍ.

     ໃນພິທີ, ສະຫາຍ ນ. ຈັນມະນີ ນາມວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ຂຶ້ນລາຍງານກ່ຽວກັບສະພາບການຈັດຕັ້ງເຊື່ອມຊຶມ, ຜັນຂະຫຍາຍກົດລະບຽບຂອງພັກ ສະໄໝທີ XI ແລະ ການຈັດຕັ້ງເຊື່ອມຊຶມ, ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ສະມາຊິກພັກ ຂອງຂັ້ນຕົນ ຊຶ່ງສະຫາຍໄດ້ໃຫ້ຮູ້ວ່າ ໄລຍະໜຶ່ງປີກວ່າ 2021 - 2022 ຜ່ານມານີ້, ຄະນະພັກແຕ່ລະຂັ້ນ ໄດ້ສຸມໃສ່ຈັດຕັ້ງເຜີຍແຜ່ເຊຶ່ອມຊຶມ, ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ກົດລະບຽບພັກ ສະໄໝທີ XI  ແລະ ມະຕິກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງ; ໂດຍສະເພາະ ແມ່ນສຸມໃສ່ຈັດຕັ້ງປະຕິບັດບັນດາຄາດໝາຍໃຫຍ່ ຂອງແຜນພັດທະນາເສດຖະກິດ-ສັງຄົມ ແຕ່ 2021 - 2025 ແລະ ບັນດາແຜນວຽກຈຸດສຸມ ທີ່ໄດ້ກໍານົດໄວ້ໃນປີ 2021 ແລະ 2022. ຕິດພັນກັບການແກ້ໄຂວາລະແຫ່ງຊາດ ແລະ ສຸມໃສ່ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ ຢູ່ໃນ 128 ບ້ານ, 7.040 ຄອບຄົວ ໃຫ້ພົ້ນທຸກ ເມື່ອຮອດປີ 2025.  ແຕ່ການຈັດຕັ້ງຜັນຂະຫຍາຍມະຕິກອງປະຊຸມດັ່ງດັ່ງກ່າວ ໃນສະພາບແວດລ້ອມຂອງໂລກມີຄວາມສັບສົນ ແລະ ສະຫຼັບສັບ ຊ້ອນ. ພວກອິດທິກຳລັງປໍລະປັກ ກໍບໍ່ໄດ້ລະລົດໃນການບຸກໂຈມຕີເຂົ້າພາຍໃນຂອງເຮົາ ໃນການໂຄສະນາໃສ່ຮ້າຍປ້າຍສີ, ບິດເບືອນແນວທາງນະໂຍບາຍຂອງພັກ ແລະ ລັດເຮົາ; ບວກກັບການແຜ່ລະບາດຂອງພະຍາດ Covid-19 ຢູ່ໃນໂລກ, ພາຍໃນປະເທດກໍຄືຢູ່ພາຍໃນແຂວງ, ເຊິ່ງໄດ້ກົດໜ່ວງທ່ວງດຶງການພັດທະນາເສດຖະກິດ-ສັງຄົມຂອງປະເທດ ກໍຄືຂອງແຂວງ. ແຕ່ພາຍໃຕ້ການນຳພາ-ຊີ້ນຳ ຂອງສູນກາງພັກ-ລັດຖະບານ, ຂອງຄະນະບໍລິຫານງານພັກແຂວງ ແລະ ຂອງຄະນະພັກແຕ່ລະຂັ້ນນັ້ນ ໄດ້ເຮັດໃຫ້ສະຖຽນລະພາບທາງດ້ານການເມືອງຂອງແຂວງ ມີຄວາມສະຫງົບໂດຍພື້ນຖານ, ເສດຖະກິດ-ສັງຄົມໄດ້ຮັບການພັດທະນາຕໍ່ເນື່ອງ ແລະ ເຮັດໃຫ້ຊີວິດການປັນຢູ່ຂອງປະຊາຊົນບັນດາເຜົ່າ ນັບມື້ດີຂຶ້ນເປັນກ້າວໆ.

     ຕອນທ້າຍຂອງກອງປະຊຸມ ສະຫາຍ ຄຳປ່ຽນ ແກ້ວສໍລະສິງ ຫົວໜ້າກົມກົງຈັກການຈັດ ຕັ້ງ ແລະ ກົດລະບຽບພັກ ຄະນະຈັດຕັ້ງສູນກາງພັກ ກໍໄດ້ມີຄຳເຫັນແລກປ່ຽນ, ສົນທະນາ ກ່ຽວກັບບັນຫາຂໍ້ຫຍຸ້ງຍາກຂອງການຈັດຕັ້ງປະຕິບັດກົດລະບຽບພັກຢູ່ຫຼາຍຂົງເຂດໃນໄລຍະຜ່ານມາ  ເພື່ອໃຫ້ຄະນະໂຄສະນາອົບຮົມແຂວງ ໃນນາມເປັນຜູ້ຈັດຕັ້ງເຜີຍແຜ່, ເຊື່ອມຊຶມ ຕ້ອງໄດ້ເອົາໃຈໃສ່ສືບຕໍ່ຈັດຕັ້ງປະຕິບັດໃຫ້ໄດ້ດີກວ່າເກົ່າ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

222274
ມື້ນີ້ມື້ນີ້368
ມື້ວານນີ້ມື້ວານນີ້357
ອາທິດນີ້ອາທິດນີ້1365
ເດືອນນີ້ເດືອນນີ້2421
ທັງໝົດທັງໝົດ222274

ກິດຈະກຳ