ກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ ເຄື່ອນໄຫວເຮັດວຽກຮ່ວມກັບຄະນະໂຄສະນາອົບຮົມແຂວງຜົ້ງສາລີ

ລາຍລະອຽດ

ສ້າງຂື້ນເມື່ອ ວັນພຸດ, 09 ພະຈິກ 2022 08:56

ຂຽນໂດຍ Bounsouly Loma

ກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ

ເຄື່ອນໄຫວເຮັດວຽກຮ່ວມກັບຄະນະໂຄສະນາອົບຮົມແຂວງຜົ້ງສາລີ

     ໃນລະຫວ່າງວັນທີ 6-8 ພະຈິກ 2022 ຜ່ານມານີ້ ກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ  ຊຶ່ງນຳໂດຍ ທ່ານ ນ. ໄພວັນ ວັນນະໄຊ ຮອງຫົວໜ້າກົມຈັດຕັ້ງ-ພະນັກງານ ຄະນະໂຄ

ສະນາອົບຮົມສູນກາງພັກ ພ້ອມດ້ວຍຄະນະ ແລະ ໄດ່ຮັບການຕ້ອນຮັບຢ່າງອົບອຸ່ນຈາກທ່ານ ນ. ຈັນມະນີ ນາມວົງ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຄະນະ.

     ໃນໂອກາດທີ່ ກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ ມາເຄື່ອນໄຫວເຮັດວຽກນຳຄະນະໂຄສະນາອົບຮົມແຂວງຜົ້ງສາລີຄັ້ງນີ້ ກໍໄດ້ຮັບຟັງການລາຍງານກ່ຽວກັບສະພາບ ການປັບປຸງກົງຈັກການຈັດຕັ້ງ ແລະ ບຸກຄະລາກອນ ຂອງຄະນະໂຄສະນາອົບຮົມແຂວງ ແລະ ເມືອງ; ການປັບປຸງພາລະບົດບາດ ແລະ ການກຳນົດຕຳແໜ່ງງານ ຂອງຄະນະໂຄສະນາອົບຮົມແຂວງ ແລະ ເມືອງ; ສະພາບແນວຄິດ ຂອງພະນັກງານຂັ້ນແຂວງ ແລະ ເມືອງ; ການຈັດຕັ້ງປະຕິບັດວຽກງານວິຊາສະເພາະ; ຂໍ້ສະດວກ - ຂໍ້ຫຍຸ້ງຍາກ ໃນການເຄື່ອນໄຫວຈັດຕັ້ງປະຕິບັດວຽກງານການເມືອງ-ແນວຄິດ; ຈຸດອ່ອນ-ຂໍ້ຄົງຄ້າງ; ບາງວຽກງານຈຸດສຸມໃນຕໍ່ໜ້າ ແລະ ຍັງມີບາງຂໍ້ສະເໜີເຖິງຄະນະໂຄສະນາອົບຮົມສູນກາງພັກ ນຳອີກ.

     ໃນໂອກາດທ້າຍ ທ່ານ ນ. ໄພວັນ ວັນນະໄຊ ຮອງຫົວໜ້າກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ ກໍຍັງມີຄຳເຫັນຊີ້ແຈງ, ແລກປ່ຽນ ແລະ ໃຫ້ທິດທາງໃນການສືບຕໍ່ເຄື່ອນໄຫວຈັດຕັ້ງປະຕິບັດວຽກງານຈັດຕັ້ງ-ພະນັກງານ ເປັນຕົ້ນກໍແມ່ນການເອົາໃຈໃສ່ໃນການກໍ່ສ້າງພະນັກງານ ເພື່ອໃຫ້ເປັນຮຸ່ນສືບທອດທີ່ດີ ແລະ ຕໍເນື່ອງໃນຕໍ່ໜ້າ ໃນນັ້ນກໍແມ່ນການກຳນົດແຜນບຳລຸງກໍ່ສ້າງພະນັກງານ. ພາຍຫຼັງສຳເລັດການເຄື່ອນໄຫວເຮັດວຍກກັບຄະນະໂຄສະນາອົບຮົມແຂວງແລ້ວ ທີມງານສູນກາງ ຍັງໄດ້ລົງເຄື່ອນໄຫວເຮັດວຍກກັບ ຄະນະໂຄສະນາອົບຮົມເມືອງ ບຸນເໜືອ ແລະ ເມືອງຜົ້ງສາລີ ອີກດວຍ.

• < ຕໍ່ໄປ
• ຕໍ່ໄປ >