ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ກຳມະບານຮາກຖານຄະນະໂຄສະນາອົບຮົມແຂວງຜົ້ງສາລີ ປະກາດຮັບຮອງເປັນກຳມະບານ 5 ເປັນເຈົ້າ

ກຳມະບານຮາກຖານຄະ​ນະ​ໂຄ​ສະ​ນາ​ອົບ​ຮົມ​ແຂວງຜົ້ງສາລີ

ປະ​ກາດ​ຮັບ​ຮອງເປັນກຳມະບານ 5 ເປັນເຈົ້າ ໄລຍະ 3 ປີ  (2017-2019)

          ພິ​ທີປະ​ກາດ​ຮັບ​ຮອງກຳມະບານຮາກຖານ 5 ເປັນເຈົ້າຂອງຄະ​ນະ​ໂຄ​ສະ​ນາ​ອົບ​ຮົມ​ແຂວງຜົ້ງສາລີ ໄດ້​ຈັດ​ຂຶ້ນ​ໃນ​ຕອນ​ບ່າຍ​ຂອງ

ວັນ​ທີ່ 8 ກໍ​ລະ​ກົດ 2020 ນະ​ທີ່​ຫ້ອງ​ປະ​ຊຸມ​ຂອງ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ. ໂດຍ​ການ​ເຂົ້າ​ຮ່ວມ​ຂອງ​ທ່ານ ນາງ ຈັນ​ມະ​ນີ​ ນາມວົງ ກຳ​ມະ​ກ​ານ​ພັກ​ແຂວງ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, ມີ​​ທ່ານ ທອງຕື ເກຍ​ສະ​ບົງ ກຳ​ມະ​ການ​ພັກ​ແຂວງ, ປະ​ທານ​ສະ​ຫະ​ພັນ​ກຳ​ມະ​ບານ​ແຂວງ, ມີ​ບັນ​ດາ​ຄະ​ພັກ, ປະ​ທານ​, ຮອງ​ປະ​ທານ​ກຳ​ມະ​ບານ​ຮາ​ກ​ຖານ ຕະ​ຫຼອດ​ຮອດ​ສະ​ມາ​ຊິກ​ກຳ​ມະ​ບານ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ​ເຂົ້າ​ຮ່ວມ.

          ທ່ານ ບຸນ​ສຸ​ລີ ໂລ​ມາ ປະ​ທານ​ກຳ​ມະ​ບານຮາກ​ຖານ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ກໍ່​ໄດ້​ຂຶ້ນ​ຜ່ານ​ບົດ​ສະ​ຫຼູບການຈັດຕັ້ງປະຕິບັດວຽກ​ງານ​ກຳ​ມະ​ບານ​ໃນໄລຍະ 3 ປີຜ່ານມາ ( 2017-2019 ) ແລະ ທິດທາງແຜນການ 2020-2022 ຂອງກໍາມະບານຮາກຖານຢ່າງຮອບດ້ານ. ໂດຍໄດ້ຍົກໃຫ້ເຫັນກ່ຽວກັບການຈັດຕັ້ງປະຕິບັດວຽກງານ 5 ເປັນເຈົ້າແຕ່ ລະດ້ານ ເຊິ່ງສາມາດປະເມີນໄດ້ດັ່ງນີ້: ເປັນເຈົ້າໂຄສະນາສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກກຳມະ ບານຂອງຕົນ, ເປັນເຈົ້າໃນການປັບປຸງແບບແຜນວິທີເຮັດວຽກ ແລະ ຂະຫຍາຍການຈັດຕັ້ງກຳມະບານລາວ, ເປັນເຈົ້າໃນການປົກປ້ອງສິດ ແລະຜົນປະໂຫຍດອັນຊອບທຳຂອງພະນັກງານ, ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ, ເປັນເຈົ້າເຂົ້າຮ່ວມໃນການຕິດຕາມ-ກວດກາ ການຄຸ້ມຄອງລັດ, ຄຸ້ມຄອງເສດຖະກິດ, ວັດທະນະທຳ-ສັງຄົມ, ຍ້ອນຜົນງານດັ່ງກ່າວ ຈຶ່ງສາມາດຄັດເລືອກໄດ້ບຸກຄົນດີເດັ່ນໄດ້ຮັບໃບຍ້ອງຍໍຈາກສະຫະພັນກຳມະ ບານລາວຈຳນວນ 15 ສະຫາຍ, ຍິງ 9 ສະຫາຍ. ເຊິ່ງຕະຫຼອດໃນໄລຍະ 3 ປີຜ່ານມາ ສາມາດເກັບເງິນບໍາລຸງທັງໝົດ 2.040.000 ກີບ, ສົ່ງໃຫ້ແຂວງ 792.000 ກີບ, ຮັກສາໄວ້ຢູ່ໜ່ວຍ 1.248.000 ກີບ; ເກັບເງິນກອງທຶນຊ່ວຍເຫຼືອເຊິ່ງກັນ ແລະ ກັນຂອງກຳມະບານແຂວງຈຳນວນ 50,000 ກີບຕໍ່ຄົນ/ປີ ລວມທັງໝົດຈຳນວນ 2.550.000 ກີບ ໃນນີ້ສົ່ງໃຫ້ແຂວງ 2.550.000. ຈາກນັ້ນ​ຄະ​ນະ​ຈັດ​ຕັ້ງ​ພິ​ທີກໍ່​ໄດ້​ຂຶ້ນ​ຜ່ານ​ຂໍ້​ຕົກ​ລົ​ງ​ຂອງ​ປະ​ທານສະ​ຫະ​ພັນກຳ​ມະ​ບານ​ແຂວງ​ສະ​ບັບ​ເລກ​ທີ 203/ກບ​ຂ.ຜ​ລ ລົງ​ວັນ​ທີ່ 21 ພືດ​ສະ​ພາ 2020 ວ່າ​ດ້ວຍ​ການ​ປະ​ກາດ​ຮັບ​ຮອງ​ກຳ​ມະ​ບານ​ຮາກ​ຖານ​ຄະ​ນະ​ໂຄ​ສະ​ນາ​ອົບ​ຮົມ​ແຂວງຜົ້ງສາລີ ເປັນກຳມະບານ 5 ເປັນເຈົ້າ. ພ້ອມ​ທັງ​ມອບ​ໃບຢັ້ງຢືນດັ່ງກ່າວໂດຍການໃຫ້ກຽດຂຶ້ນມອບໂດຍ ທ່ານ ທອງຕື ເກຍສະບົງ ກຳມະການພັກແຂວງ, ປະທານສະຫະພັນກຳມະບານແຂວງ ຢ່າງສົມກຽດ ແລະ ຂຶ້ນຮັບໂດຍແມ່ນທ່ານ ບຸນ​ສຸ​ລີ ໂລ​ມາ ປະ​ທານ​ກຳ​ມະ​ບານຮາກ​ຖານ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ.

          ໃນຕອນທ້າຍຂອງພິທີ ທ່ານ ທອງຕື ເກຍສະບົງ ປະທານສະຫະພັນກຳມະບານແຂວງ ຍັງໄດ້ໂອ້ລົມ ແລະ ໃຫ້ທິດຊີ້ນຳຕໍ່ກຳມະບານຮາກຖານຫຼາຍບັນຫາທີ່ສຳຄັນ ເປັນຕົ້ນແມ່ນ: ຕ້ອງໄດ້ເອົາໃຈໃສໃນການສຶກສາອົບຮົມທາງດ້ານການເມືອງແນວຄິດ ໃຫ້ແກ່ຖັນແຖວສະມາຊິກກຳມະບານທີ່ຢູ່ໃນຄວາມຮັບຜິດຊອບຂັ້ນຂອງຕົນ ໃຫ້ມີແນວຄິດອຸ່ນອ່ຽນທຸ່ນທ່ຽງເຊື່ອໝັ້ນຕໍ່ການນຳພາຂອງພັກ, ລະບຽບກົດໝາຍຂອງລັດ, ເປັນເຈົ້າຕົນເອງເຂົ້າໃນການປັບ ປຸງການຈັດຕັ້ງໃຫ້ມີຄວາມເຂັ້ມແຂງ, ມີຄວາມເປັນເອກະພາບ, ຍົກສູງທາງດ້ານຄຸນນະພາບຄຽງຄູ່ກັບປະລິມານ ເພື່ອປະກອບສ່ວນທາງດ້ານຫົວຄິດປະດິດສ້າງຂອງຕົນ ເຂົ້າໃນການປະຕິບັດໜ້າທີ່ວຽກງານກຳມະບານ ທີ່ຂັ້ນເຖິງມອບໝາຍໃຫ້ໄດ້ຮັບຜົນສຳເລັດດີຂຶ້ນເປັນກ້າວໆ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

202667
ມື້ນີ້ມື້ນີ້158
ມື້ວານນີ້ມື້ວານນີ້136
ອາທິດນີ້ອາທິດນີ້117
ເດືອນນີ້ເດືອນນີ້4719
ທັງໝົດທັງໝົດ202667

ກິດຈະກຳ