ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງໃໝ່ ແຂວງ ຜົ້ງສາລີ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຊຸດທີ II

 ເມືອງໃໝ່ ແຂວງ ຜົ້ງສາລີ

ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຊຸດທີ II

       ໃນຕອນເຊົ້າຂອງວັນທີ 20 ເມສາ 2021 ຜ່ານມານີ້ ນະທີ່ສະໂມສອນ ເມືອງ ໃໝ່ ແຂວງ ຜົ້ງສາລີ ໄດ້ຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸ່ມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຂຸດທີ II ໂດຍເປັນກຽດ

ເຂົ້າຮວ່ມ ແລະ ເຜີຍແຜ່ຂອງທ່ານ ສົມຈິດ ສິດທິວົງ ກໍາມະການພັກແຂວງ, ເລຂາຄະນະບໍລິຫານງານພັກເມືອງ - ເຈົ້າເມືອງໆໃໝ່, ມີບັນດາກໍາມະການພັກເມືອງ ຫົວໜ້າ-ຮອງຫົວໜ້າຫ້ອງການ, ພະນັກງານສະມາຊິກພັກ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າຮ່ວມຮັບຟັງທັງໝົດ 104 ສະຫາຍ, ຍິງ 48 ສະຫາຍ.

       ໃນກອງປະຊຸມ ທ່ານ ສົມຈິດ ສິດທິວົງ ກໍາມະການພັກແຂວງ, ເລຂາຄະນະບໍລິຫານງານພັກເມືອງ - ເຈົ້າ ເມືອງ ໄດ້ໃຫ້ກຽດຜ່ານເອກະສານເຊື່ອມຊຶມ ແລະ ຜັນຂະຍາຍມະຕິກອງປະຊຸມໃຫຍ່ ຜູ້ແທນທົ່ວເທດ ຄັ້ງທີ XI ຂອງພັກ ໂດຍທ່ານໄດ້ຍົກໃຫ້ເຫັນເເຖິງຄາມໝາຍຄວາມສຳຄັນຂອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ເຊິ່ງແມ່ນເຫດການການເມືອງທີ່ສຳຄັນປະຫວັດສາດ, ເປັນກອງປະຊຸມແຫ່ງການສືບຕໍ່ຍຶດໝັ້ນ ແລະ ເພີ່ມເຕີມເສີມຂະຫຍາຍແນວທາງປ່ຽນແປງໃໝ່ຮອບດ້ານ ຢ່າງມີຫຼັກການແຫ່ງການນຳພາຂອງພັກເຮົາ ໃຫ້ເຂົ້າສູ່ລວງເລິກ, ສຶບຕໍ່ບູລະນະລະບອບປະຊາທິປະໄຕ ປະຊາຊົນໃຫ້ສົມບູນຍິ່ງຂຶ້ນ ແລະ ກ້າວເດີນສູ່ສັງຄົມນິຍົມ. ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໄດ້ກຳນົດທັດສະນະແຫ່ງການສ້າງການຫັນປ່ຽນຢ່າງແຂງແຮງ, ເລິກເຊິ່ງຮອບດ້ານ ໃນການພັດທະນາເສດຖະກິດ-ສັງຄົມໃນຊຸມປີຕໍ່ໜ້າ ໂດຍແນໃສ່ແກ້ໄຂຄວາມທຸກຍາກ ແລະ ນຳເອົາປະເທດຊາດພົ້ນຈາກສະຖານະດ້ອຍພັດທະນາ. ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ແມ່ນເປັນຂິດໝາຍແຫ່ງການເຕີບໃຫຍ່ຂະຫຍາຍຕົວຂອງພັກ ເພືອສ້າງການຫັນປ່ຽນທີ່ແຂງ ແຮງ ແລະ ເປັນລະບົບ ໂດຍເລີ່ມຈາກການຫັນປ່ຽນດ້ານແນວຄິດ - ຈິນຕະນາການ ສູ່ການກະທຳຕົວຈິງ ເພື່ອແກ້ໄຂຈຸດອ່ອນ ແລະ ບັນຫາຂໍ້ຄົງຄ້າງໃຫ້ມີການຫັນປ່ຽນໃໝ່ທີ່ແຂງແຮງເລິກເຊິ່ງ ແລະ ຮອບດ້ານ ແນໃສ່ຍົກສູງບົດບາດຄວາມສາມາດນຳພາ ແລະ ຄວາມເປັນແບບຢ່າງຂອງພັກ, ເພີມທະວີຄວາມສາມັກຄີເປັນປຶກ ແຜ່ນຂອງປະຊາຊົນບັນດາເຜົ່າໃນຊາດ ເດັດດ່ຽວພ້ອມພຽງກັນປົກປັກຮັກສາ ແລະ ພັດທະນາສ້າງສາປະເທດ ຊາດສູ່ຈຸດໝາຍສັງຄົມນິຍົມ.

     ຈຸດປະສົ່ງການເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງຜູ້ແທນທົ່ວປະເທດຊຸດທີ II ຢູ່ອ້ອມຂ້າງເມືອງໃນຄັ້ງນີ້ ກໍແມ່ນເພື່ອເຮັດໃຫ້ຄະນະພັກ, ອົງການປົກຄອງ ແຕ່ລະຂັ້ນ, ສະມາຊິກພັກ, ພະນັກ ງານ-ລັດຖະກອນ, ທະຫານ - ຕຳຫຼວດ ໄດ້ມີຄວາມຮັບຮູ້ເຂົ້າໃຈຕໍ່ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ XI ແລະ ເປັນເຈົ້າການຈັດຕັ້ງປະຕິບັດມະຕິກອງປະຊຸມໃຫຍ່ໃຫ້ປະກົດຜົນເປັນຈິງ.

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

186984
ມື້ນີ້ມື້ນີ້38
ມື້ວານນີ້ມື້ວານນີ້168
ອາທິດນີ້ອາທິດນີ້340
ເດືອນນີ້ເດືອນນີ້3567
ທັງໝົດທັງໝົດ186984