ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງຍອດອູ ປາຖະກະຖາເລົ່າມູນເຊື້ອ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ

ເມືອງຍອດອູ ປາຖະກະຖາເລົ່າມູນເຊື້ອ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ

     ໃນຕອນເຊົ້າຂອງວັນທີ 9 ກັນຍາ 2022 ຜ່ານມານີ້, ການນໍາຂັ້ນເມືອງຍອດອູ ໄດ້ນໍາເອົາກະຕ່າດອກໄມ້ ວາງທີ່ອານຸສາວະລີ ປະທານ ໄກສອນ ພົມວິຫານ ຜູ້ນຳທີ່ແສນຄົບລົບຮັກ ເພື່ອເປັນການລະນຶກເຖິງຄຸນງາມຄວາມດີ ທີມີຕໍ່ປະເທດຊາດ ເນື່ອງໃນໂອກາດວັນສ້າງຕັ້ງສະຫະພັນ

ນັກຮົບເກົ່າແຫ່ງຊາດລາວຄົບຮອບ 20 ປີ ( ວັນທີ 9 ກັນຍາ 2002 – 9 ກັນຍາ 2022 ). ພ້ອມດຽວກັນນີ້ ກໍ່ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຢູ່ທີ່ ສະໂມສອນຂອງ ເມືອງ ຍອດອູ ແຂວງຜົ້ງສາລີ ພາຍໃຕ້ການເປັນປະທານຂອງສະຫາຍ ສົມຫວັງ ສຸມວິໄລ ກຳມະການພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງໆຍອດອູ  ມີບັນດາສະຫາຍຄະນະພັກ, ຫົວໜ້າ-ຮອງຫົວໜ້າຫ້ອງການ, ສອງກຳລັງ ປກຊ - ປກສ, ພະນັກງານອາວຸໂສບຳນານ, ສະມາຊິກສະຫະພັນນັກຮົບເກົ່າຂັ້ນເມືອງ, ຂັ້ນບ້ານ ຕະຫຼອດຮອດພະນັກງານ-ລັດ ຖະກອນອ້ອມຂ້າງເມືອງເຂົ້າຮ່ວມທັງໝົດ 142 ສະຫາຍ,ຍິງ 41 ສະຫາຍ.

       ໃນພິທີສະຫາຍ ສົມຫວັງ ສຸມວິໄລ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງໆຍອດອູ  ກໍ່ໄດ້ເລົ່າມູນເຊື້ອແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ ໃຕ້ຮົ່ມທຸງຂອງພັກ, ນັກຮົບ ແມ່ນຜູ້ທີ່ມີຄວາມອົງອາດກ້າຫານຊຳນິຊຳນານໃນການສູ້ຮົບ, ແມ່ນນັກຕໍ່ສູ້ປະຈັນບານໂດຍກົງຢູ່ສະໜາມຮົບ, ນັບຮົບຂອງກອງທັບປະຊາຊົນລາວ ແມ່ນຜູ້ທີ່ໄດ້ຝຶກອົບຮົມເຊື່ອມຊຶມທາງດ້ານທິດສະດີການເມືອງ, ບຳລຸງ-ກໍ່ສ້າງທາງດ້ານວິຊາການທະຫານ, ສິນລະປະຍຸດ-ຍຸດທະວິທີ ແລະ ວິຊາສະເພາະອື່ນໆຢູ່ໃນກົມກອງ, ຈາກບັນດາໂຮງຮຽນຢູ່ພາຍໃນ ແລະ ຕ່າງປະເທດ.

     ນັກຮົບຂອງກອງທັບປະຊາຊົນລາວ ແມ່ນພົນທະຫານທີ່ມີຊັ້ນແຕ່ຊັ້ນ 2 ເຖິງຊັ້ນ ວາທີ ຊຶ່ງມີເຄື່ອງໝາຍຊັ້ນ, ເຄື່ອງໝາຍເຫຼົ່າທັບ ແລະ ເຄື່ອງແບບສະ ເພາະ, ນັກຮົບລາວ ໝາຍເຖິງອະດີດນັກຮົບປະຕິວັດໃນຖັນແຖວ ກຳລັງປະກອບອາວຸດຂອງປະຊາຊົນລາວ ແມ່ນນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີ່ໄດ້ຮັບບຳເນັດ, ບຳນານ ຫຼື ເສຍອົງຄະຍ້ອນການສູ້ຮົບ, ຮັບໃຊ້ການສູ້ຮົບ, ການປະຕິບັດໜ້າທີ່ ໃນພາລະກິດຕໍ່ສູ້ກູ້ຊາດ, ສະມາຊິກສະຫະພັນນັກຮົບເກົ່າ ແມ່ນນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີ່ໄດ້ຮັບບຳນານ, ບຳເນັດ ຫຼື ເສຍອົງຄະຍ້ອນການສູ້ຮົບ, ຮັບໃຊ້ການສູ້ຮົບ ແລະ ການປະຕິບັດໜ້າທີ່ ເພື່ອພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ພັດທະນາປະເທດຊາດ ຍົກເວັ້ນຜູ້ເສຍອົງຄະພິເສດ, ອະດີດນາຍ ແລະ ພົນທະຫານ, ອະດີດນາຍ ແລະ ພົນຕຳຫຼວດ ທີ່ສັງກັດໃນກຳລັງປ້ອງກັນຊາດ-ປ້ອງ ກັນຄວາມສະຫງົບ 5 ປີຂຶ້ນໄປ, ພັກ - ລັດຖະບານເຮົາ ເວລາໃດກໍ່ໃຫ້ຄວາມສໍາຄັນແກ່ວຽກງານນັກຮົບເກົ່າ ແລະ ໄດ້ຕີລາຄາສູງຕໍ່ການຈັດຕັ້ງ ແລະ ການເຄື່ອນໄຫວ ຂອງສະຫະພັນນັກຮົບເກົ່າແຕ່ລະຂັ້ນ, ໄດ້ເພີ່ມທະວີການຊີ້ນຳວຽກງານ-ນຳພານັກຮົບເກົ່າຢ່າງເປັນປະຈຳ, ເພາະເນື້ອແທ້ຂອງການນຳພາກໍແມ່ນພັກ ນຳພາການຈັດຕັ້ງ ແລະ ການເຄື່ອນໄຫວຂອງນັກຮົບເກົ່າປະຕິບັດຕາມພາລະບົດບາດ, ສິດ, ໜ້າທີ່ ຂອງນັກຮົບເກົ່າ ໃຫ້ຮັກສາໄດ້ມູນເຊື້ອອັນພິລະອາດຫານ, ການເຕົ້າໂຮມຄວາມສາມັກຄີ ຂອງນັກຮົບເກົ່າ, ການເບີ່ງແຍ່ງດູແລຊ່ວຍເຫຼືອເຊິ່ງກັນ ແລະ ກັນ, ການປະຕິບັດນະໂຍບາຍຕໍ່ຜູ້ມີຜົນງານຕໍ່ການປະຕິວັດ,ຕໍ່ປະເທດຊາດ,ພ້ອມທັງແກ້ໄຂຊິວິດການເປັນຢູ່ ຂອງພະນັກງານນັກຮົບເກົ່າໃຫ້ນັບມື້ດີຂຶ້ນເລື້ອຍໆ. ຈາກນັ້ນ ສະຫາຍ ຮທ ທິດທຳ ທະນະພົມ ຄະນະບໍລິຫານງານສະຫະພັນນັກຮົບເກົ່າແຂວງ, ປະທານສະຫະພັນນັກຮົບເກົ່າເມືອງ ຍອດອູ ກໍ່ໄດ້ເລົ່າປະຫວັດຄວາມເປັນມາຂອງ ສະຫະພັນນັກຮົບເກົ່າແຂວງ ຜົ້ງສາລີ ແລະ ສະຫາຍ ພັຕ ຈຸ່ມຈື່ນ ສີຈອມເມືອງ ຮອງປະທານສະຫະພັນນັກຮົບເກົ່າເມືອງ ຍອດອູໄດ້ເລົ່າປະຫວັດຄວາມເປັນມາຂອງ ສະຫະພັນນັກຮົບເກົ່າເມືອງຕື່ມອີກ.

    ມາໃນຕອນທ້າຍຂອງພິທີ ສະຫາຍ  ພັທ ສີວົງ ພົມມະແສງ ຮອງປະທານສະຫະພັນນັກຮົບເກົ່າເມືອງ ກໍ່ໄດ້ຜ່ານ ຂໍ້ຕົກລົງຂອງເຈົ້າແຂວງວ່າດ້ວຍ ການຍ້ອງຍໍສັນລະເສີນໃຫ້ແກ່ບຸກຄົນ ແລະ ກົມກອງລວມໝູ່ທີ່ມີຜົນງານດີເດັ່ນ ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດຕະຫຼອດໄລຍະ 20 ປີ ລວມມີ 1 ໜ່ວຍ, ມີ 22 ກົມກອງ, ມີ 204 ສະຫາຍ ແລະ ຂໍ້ຕົກລົງຂອງປະທານ ສະຫະພັນນັກຮົບເກົ່າແຂວງຜົ້ງສາລີວ່າດ້ວຍ ການຍ້ອງຍໍໃຫ້ແກ່ບຸກຄົນ ແລະ ກົມກອງລວມໝູ່ ທີ່ມີຜົນງານດີເດັ່ນລວມມີ 2 ໜ່ວຍ, ມີ 18 ກົມກອງ, ມີ 62 ສະຫາຍ ຢ່າງສົມກຽດ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

222278
ມື້ນີ້ມື້ນີ້1
ມື້ວານນີ້ມື້ວານນີ້371
ອາທິດນີ້ອາທິດນີ້1369
ເດືອນນີ້ເດືອນນີ້2425
ທັງໝົດທັງໝົດ222278

ກິດຈະກຳ