ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເມືອງບຸນໃຕ້ ແຂວງຜົ້ງສາລີ ປະກາດຮັບຮອງ ເອົາບ້ານແສນອິນໃໝ່, ບ້ານນາຫວາຍ, ບ້ານນາໄຊ, ບ້ານລ້ອງນາຍເກົ່າ ແລະ ບ້ານຊິງໄຊ ເປັນບ້ານພັດທະນາ 4 ດ້ານຕາມທິດ 3 ສ້າງ

ເມືອງບຸນໃຕ້ ແຂວງຜົ້ງສາລີ ປະກາດຮັບຮອງ ເອົາບ້ານ

ແສນອິນໃໝ່, ບ້ານນາຫວາຍ, ບ້ານນາໄຊ, ບ້ານລ້ອງນາຍເກົ່າ  ແລະ ບ້ານຊິງໄຊ ເປັນບ້ານພັດທະນາ 4 ດ້ານຕາມທິດ 3 ສ້າງ

 

     ໃນວັນທີ  17 ພຶດສະພາ 2022 ນີ້ ເມືອງບຸນໃຕ້ ແຂວງຜົ້ງສາລີ ໄດ້ຈັດພິທີ ມອບ-ຮັບ ໃບຢັ້ງຢືນ ແລະ ເປີດປ້າຍບ້ານພັດທະນາ 4 ດ້ານຕາມທິດ 3 ສ້າງໃຫ້ແກ່ ບ້ານແສນອິນໃໝ່, ບ້ານນາຫວາຍ, ບ້ານນາໄຊ, ບ້ານລ້ອງນາຍເກົ່າ ແລະ ບ້ານຊິງໄຊ ຂຶ້ນຢ່າງເປັນທາງການ ຢູ່ທີ່ຫ້ອງປະຊຸມສະໂມສອນເມືອງບຸນໃຕ້ ໂດຍໃຫ້ກຽດເຂົ້າຮ່ວມ

ເປັນປະທານຂອງທ່ານ ອ່ອນຄຳ ອິນແສງ ກຳມະການພັກແຂວງ, ເລຂາພັກເມືອງ, ເຈົ້າເມືອງບຸນໃຕ້, ໂດຍມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ປະທານອົງການຈັດຕັ້ງມະຫາຊົນ, ຫົວໜ້າ ປກຊ-ປກສ, ເລຂານາຍບ້ານອ້ອມຂ້າງເມືອງ ພ້ອມດ້ວຍພໍ່ແມ່ປະຊາຊົນ ຈຳນວນ 5 ບ້ານ ເຂົ້າຮ່ວມຢ່າງພ້ອມພຽງ.

     ໂອກາດດັ່ງກ່າວ, ທ່ານ ບຸນສາລີ ແສງດາວົງ ກຳມະການພັກເມືອງ, ຫົວໜ້າຫ້ອງການພາຍໃນເມືອງ ໄດ້ຂຶ້ນກ່າວລາຍງານວຽກງານການປະເມີນ ການສ້າງເມືອງເປັນຫົວໜ່ວຍເຂັ້ມແຂງຮ້ອບດ້ານ ແລະ ສ້າງບ້ານເປັນຫົວໜ່ວຍພັດທະນາ ປະຈຳປີ 2021 ຕາມເນື້ອໃນພັດທະນາ 4 ດ້ານຄື; 1 ດ້ານລະບົບການເມືອງ-ການປົກຄອງ ປະຊາຊທິປະໄຕປະຊາຊົນເຂັ້ມແຂງ. 2 ດ້ານການສົ່ງເສີມການຜະລິດເປັນສີນຄ້າ ແລະ ການບໍລິການ ເປັນວຽກງານໃຈກາງຂອງການສ້າງບ້ານພັດທະນາ ຕິດພັນກັບການຮັກສາຊັບພະຍາກອນທຳມະຊາດ  ແລະ ສິ່ງແວດລ້ອມ. 3 ດ້ານການພັດທະນາຂົງເຂດວັດທະນາທຳ-ສັງຄົມ. 4 ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ. ແລະ ທິດທາງແຜນການປີ 2022 ເຊິ່ງທ່ານໄດ້ໃຫ້ຮູ້ວ່າ: ເມືອງບຸນໃຕ້ ປະກອບມີ 7 ກຸ່ມ ບ້ານ, ມີ 64 ບ້ານ, ມີ 5,177 ຄົວເຮືອນ, 6,561 ຄອບຄົວ, ມີພົນລະເມືອງທັງໝົດ 27,973 ຄົນ, ຍິງ 13,760 ຄົນ ມີແຮງານຜຼິດ 13,226 ແຮງານ, ຍິງ 6,468 ແຮງານ, ປະກອບດ້ວຍ 8 ເຜົ່າ. ຕະຫຼອດໄລຍະທີ່ຜ່ານມາ ເຖິງວ່າສະພາບການພາຍໃນເມືອງ ໄດ້ຮັບຜົນກະທົບ ຈາກວີກິດການລະບາດຂອງພະຍາດ ໂຄວິດ-19 ແລະ ຄ່າຄອງຊີບທີບສູງຂຶ້ນ ຊຶ່ງໄດ້ເປັນຜົນກະທົບເຖິງການສ້າງເມືອງເປັນຫົວໜ່ວຍເຂັ້ມແຂວງຮອບດ້ານ ແລະ ການສ້າງບ້ານເປັນຫົວໜ່ວຍພັດທະນາ ມີຄວາມຫຍຸ້ງຍາກ ແຕ່ຄະນະພັກ-ຄະນະນຳ, ອົງການປົກຄອງເມືອງ ກໍ່ໄດ້ເອົາໃຈໃສ່ຈັດຕັ້ງປະຕິບັດ ແລະ ປະເມີນຜົນການສ້າງເມືອງເປັນຫົວໜ່ວຍເຂັ້ມແຂງຮອບດ້ານ ຕາມ 5 ດ້ານ, 47 ຕົວຊີ້ບອກສາມາດບັນລຸໄດ້ 22 ຕົວ ຊີ້ບອກ ເທົ່າກັບ 46,80% ແລະ ບໍ່ບັນລຸ 25 ຕົວຊີ້ບອກ ເທົ່າກັບ 53,19%. ການປະເມີນຜົນການສ້າງບ້ານເປັນ ຫົວໜ່ວຍພັດທະນາແຕ່ລະດ້ານໃນທົ່ວເມືອງ ສາມາດບັນລຸຕາມລະ ດັບຄາດໝາຍມີ 5 ບ້ານຄື: ບ້ານນາຫວາຍ, ບ້ານລອງນາຍເກົ່າ, ບ້ານຊິງໄຊ, ບ້ານແສນອິນໃໝ່ ແລະ ບ້ານນາໄຊ ໂດຍທຽບໃສ່ແຕ່ລະດ້ານແມ່ນສາມາດບັນລຸໄດ້ 80% ຂຶ້ນໄປ. ພ້ອມນັ້ນ ທ່ານຍັງໄດ້ຍົກໃຫ້ເຫັນ ເຫດຜົນ ແລະ ສາເຫດ ທີ່ພາໃຫ້ສາມາດບັນລຸບັນດາຕົວຊີ້ບອກແຕ່ລະດ້ານ ແລະ ສາເຫດທີ່ພາໃຫ້ການສ້າງບ້ານເປັນຫົວໜ່ວຍພັດທະນາ ບໍ່ບັນລຸຕາມຕົວຊີ້ບອກ ຈາກນັ້ນກໍໄດ້ຜ່ານທິດ ທາງແຜນການປະຈຳປີ 2022 ໂດຍໄດ້ເອົາມະຕິຂອງກົມການເມືອງສູນກາງພັກສະບັບເລກທີ 25/ກມສພ, ລົງວັນທີ 22 ທັນວາ 2014 ແລະ  ຄຳສັ່ງຂອງນາຍົກລັດຖະມົນຕີ ສະບັບເລກທີ 34/ນຍ, ລົງວັນທີ 23 ສິງຫາ 2016 ວ່າດ້ວຍທິດທາງ, ເປົ້າໝາຍ ແລະ ມາດຕະການ ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ ເປັນບ່ອນອີງ ແລະ ຈັດຕັ້ງປະຕິບັດໃຫ້ບັນລຸຕາມລະດັບຄາດໝາຍ ໂດຍກຳນົດແຜນຈຸດສຸມໃນແຕ່ລະຂົງເຂດການພັດທະນາ ໃຫ້ໄປຕາມກົນໄກ ແລະ ລະບຽບກົດໝາຍ.

       ໃນໂອກາດທີ່ມີຄວາມໝາຍຄວາມສຳຄັນ ຍັງໄດ້ຮັບຟັງການໂອ້ລົມຂອງ ທ່ານ ອ່ອນຄຳ ອິນແສງ  ກຳມະ ການພັກແຂວງ, ເລຂາພັກເມືອງ ເຈົ້າເມືອງບຸນໃຕ້ ເຊິ່ງກ່ອນອື່ນ ທ່ານໄດ້ຍົກໃຫ້ເຫັນທິດທາງ, ເປົ້າໝາຍ ແລະ ມາດຕະການ ໃນການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານໃຫ້ ເປັນຫົວໜ່ວຍພັດທະນາ ຕາມມະຕິຂອງກົມການເມືອງສູນກາງພັກ ສະບັບເລກທີ 25/ກມສພ ແລະ ຄຳສັ່ງ ຂອງນາ ຍົກລັດຖະມົນຕີ ສະບັບເລກທີ 34/ນຍ. ພ້ອມດຽວກັນນັ້ນ, ທ່ານໄດ້ສະແດງຄວາມຍ້ອງຍໍຕໍ່ກັບຜົນການປະເມີນການພັດທະນາ ຕາມຕົວຊີ້ບອກທີ່ເຫັນວ່າ ມີ 5 ບ້ານສາມາດບັດລຸດຕາມຄາດໝາຍ ເຊິ່ງເປັນຜົນງານອັນໃຫຍ່ຫຼວງ ແລະ ບົດຮຽນແບບຢ່າງອັນລ້ຳຄ່າໃນການສືບຕໍ່ຈັດຕັ້ງປະຕິບັດໃນຕໍ່ໜ້າ. ແຕ່ເຖິງຢ່າງໃດກໍ່ຕາມຖ້າທຽບໃສ່ ຄວາມຮຽກຮ້ອງຕ້ອງການໃນການພັດທະນາບ້ານເມືອງໃນໄລຍະໃໝ່ເຫັນວ່າຍັງມີຫຼາຍດ້ານ, ຫຼາຍຕົວຊີ້ບອກທີ່ຍັງ ຈະໄດ້ພ້ອມກັນສູ້ຊົນຈັດຕັ້ງປະຕິບັດໃນຕໍ່ໜ້າ ດັ່ງນັ້ນ, ທ່ານຈິ່ງໄດ້ຮຽກຮ້ອງໃຫ້ພາກສ່ວນທີ່ກ່ຽວຂ້ອງຈົ່ງສືບຕໍ່ເຊື່ອມຊຶມ, ກຳແໜ້ນ ແນວທາງນະໂຍບາຍ ແລະ ຄົ້ນຄວ້າຊອກຫາວິທີການແກ້ໄຂ ຕາມຄວາມອາດສາມາດທ່າແຮງບົ່ມຊ້ອນຂອງເມືອງ ໂດຍມີການສ້າງແຜນການ, ກຳນົດໂຄງການ ໃຫ້ລະອຽດຈະແຈ້ງໃນແຕ່ລະໄລຍະ, ສືບຕໍ່ກຳນົດແຜນຂະຫຍາຍເປັນບ້ານພັດທະນາ ໃຫ້ໄດ້ 5 ບ້ານ ແລະ ເນັ້ນໜັກໃຫ້ອົງການປົກຄອງບ້ານ 5 ບ້ານທີ່ໄດ້ເຮັບຮອງເປັນບ້ານພັດທະນາ 4 ດ້ານ ຕາມທິດ 3 ສ້າງ ແລ້ວນັ້ນ ຈົ່ງສືບຕໍ່ເພີ່ມທະຄວາມສາມັກຄີ, ນຳພາປະຊາຊົນຕື່ນຕົວທາງດ້ານການເມືອງ, ມີສະຕິເຄົາລົບລະບຽບກົດໝາຍ ແລະ ເປັນເຈົ້າການໃນການຈັດຕັ້ງປະຕິບັດ ທຸກມະຕິ, ຄຳສັ່ງຂອງພັກ-ລັດວາງອອກ.

        ຫຼັງຈາກນັ້ນ, ກໍໄດ້ມີພິທີເປີດປ້າຍ ພ້ອມທັງລັ່ນຄ້ອງ 9 ບາດ ຮັບ ຮອງເອົາ 5 ບ້ານຄື: ບ້ານນາຫວາຍ, ບ້ານລ້ອງນາຍເກົ່າ, ບ້ານຊິງໄຊ, ບ້ານແສນອິນໃໝ່ ແລະ ບ້ານນາໄຊ ເປັນບ້ານພັດທະນາ 4 ດ້ານ ຕາມທິດ 3 ສ້າງ ໂດຍທ່ານ ອ່ອນຄຳ ອິນແສງ ແລະ ບັນດາທ່ານການນຳຂັ້ນເມືອງ, ອົງການປົກຄອງບ້ານ ແລະ ແຂກທີ່ຖືກເຊີນຮ່ວມ ເປັນສັກຂີພະຍານ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

202651
ມື້ນີ້ມື້ນີ້142
ມື້ວານນີ້ມື້ວານນີ້136
ອາທິດນີ້ອາທິດນີ້101
ເດືອນນີ້ເດືອນນີ້4703
ທັງໝົດທັງໝົດ202651

ກິດຈະກຳ