ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ແຂວງຜົ້ງສາລີ ເປີດຕະຫຼາດນັດວາງສະແດງສິນຄ້າ, ງານເທສະການດື່ມນ້ຳຊາ ແລະ ອາຫານເຜົ່າ ຄັ້ງທີ 2 ທີ່ເທສະບານແຂວງ ( ເມືອງບຸນເໜືອ )

ແຂວງຜົ້ງສາລີ ເປີດຕະຫຼາດນັດ

ວາງສະແດງສິນຄ້າ, ງານເທສະການດື່ມນ້ຳຊາ ແລະ ອາຫານເຜົ່າ ຄັ້ງທີ 2 ທີ່ເທສະບານແຂວງ ( ເມືອງບຸນເໜືອ )

     ພິທີຈັດງານຕະຫຼາດນັດ ຕິດພັນກັບເທສະການອາຫານເຜົ່າ ແລະ ດື່ມນໍ້າຊາ ຄັ້ງທີ II ເພື່ອລະດົມທືນຊ່ວຍເຫຼືອຜູ້ທຸກຍາກຢູ່ແຂວງຜົ້ງສາລີ ໄດ້ຈັດຂຶ້ນໃນຕອນແລງຂອງວັນທີ 28 ພຶດສະພາ 2022 ຢູ່ທີ່ເດີນສວນສາທາລະນະຂອງແຂວງ ທີ່ເມືອງບຸນເໜືອ. ເປັນກຽດເຂົ້າຮ່ວມໂດຍທ່ານ

ຄຳຜອຍ ວັນນະສານ ເລຂາພັກແຂວງ, ເຈົ້າແຂວງຜົ້ງສາລີ, ທ່ານ ປອ. ມະໂນທອງ ວົງໄຊ, ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ, ມີບັນດາທ່ານກຳມະການປະຈຳພັກແຂວງ, ກຳມະການພັກແຂວງ, ເຈົ້າເມືອງ - ຮອງເຈົ້າເມືອງ 7 ເມືອງທົ່ວແຂວງ, ບັນດາທ່ານພະນັກງານປະຕິວັດ-ອາວຸໂສບຳນານ, ສອງກຳລັງ ປກຊ - ປກສ, ພະແນກການອ້ອມຂ້າງແຂວງ, ອົງການຈັດຕັ້ງຕ່າງໆ ຕະຫຼອດຮອດມວນຊົນຊາວເມືອງບຸນເໜືອເຂົ້າຮ່ວມ

     ໃນພິທີ, ທ່ານ ວິສອນ ລາວເມົາ ຮອງເຈົ້າແຂວງໆຜົ້ງສາລີ ຫົວໜ້າຄະນະຮັບຜິດຊອບຈັດງານຕະຫຼາດນັດ ຕິດພັນກັບເທສະການອາຫານເຜົ່າ ແລະ ດື່ມນໍ້າຊາ ຄັ້ງທີ II ປະຈໍາປີ 2022 ໄດ້ຂຶ້ນລາຍງານກ່ຽວກັບການກະກຽມງານ ຊຶ່ງທ່ານໄດ້ກ່າວວ່າ: ການຈັດງານຕະຫຼາດນັດວາງສະແດງສິນຄ້າ, ຕິດພັນກັບເທດສະການອາຫານເຜົ່າ ແລະ ດື່ມນໍ້າຊາ ຄັ້ງທີ II ປະຈໍາປີ 2022 ນັ້ນເພື່ອເປັນການປຸກລະດົມ, ຊຸກຍູ້, ສົ່ງເສີມການຜະລິດ ແລະ ປຸງແຕ່ງຜະລິດຕະພັນພາຍໃນທີ່ເປັນເອກະລັກສະເພາະຂອງປະຊາ ຊົນບັນດາເຜົ່າ ຊາວແຂວງຜົ້ງສາລີ ທີ່ໄດ້ສືບທອດກັນມາເປັນເວລາດົນນານແລ້ວ, ເປັນການສ້າງບັນຍາກາດອັນເອື້ອອໍານວຍໃຫ້ແກ່ການແລກປ່ຽນ ແລະ ຈໍາໜ່າຍສິນຄ້າ ທີ່ເປັນຜະລິດຕະພັນພາຍໃນ ແລະ ຕ່າງປະເທດ ທັງເປັນການດຶງດູດນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າມາທ່ຽວແຂວງຜົ້ງສາລີໃຫ້ຫຼາຍຂຶ້ນເພື່ອເປັນການສ້າງວຽກເຮັດງານທໍາໃຫ້ປະຊາ ຊົນບັນດາເຜົ່າມີລາຍຮັບໂດຍທາງກົງ ແລະ ທາງອ້ອມຈາກການທ່ອງທ່ຽວ,  ເປັນການກະຈາຍລາຍໄດ້ທັງຢູ່ໃນຕົວເມືອງ ແລະ ເຂດຊົນນະບົດ, ຊຶ່ງທັງໝົດນັ້ນເປັນການປະກອບສ່ວນທີ່ສໍາຄັນເຂົ້າໃນການພັດທະນາດສດຖະກິດ-ສັງຄົມຂອງແຂວງ 5 ປີ ຄັ້ງທີ IX ແຕ່ປີ 2021-2025  ແລະ ປະກອບສ່ວນເຂົ້າໃນການແກ້ໄຂຄວາມທຸກຍາກຂອງປະຊາຊົນໃຫ້ຫຼຸດລົງເທື່ອລະກ້າວ.

     ສຳລັບໃນງານປະກອບມີຫຼາກຫຼາຍກິດຈະກຳ ເປັນຕົ້ນແມ່ນ ກິດຈະກຳອານຫານເຜົ່າ ແລະ ດື່ມນໍ້າຊາ; ກິດຈະກຳທ່ຽວຊົມງານຕະຫຼາດນັດ, ງານວາງສະແດງສິນຄ້າ ແລະ ຜະລິດຕະພັນຊົນເຜົ່າເປັນຕົ້ນແມ່ນ: ສິນຄ້າກະສິກຳ, ອຸດສາຫະກຳ ແລະ ເຄື່ອງຫັດຖະກຳ ທີ່ເປັນເອກະລັກຂອງປະຊາຊົນບັນດາເຜົ່າ ທີ່ນຳມາຈາກບັນດາເມືອງພາຍໃນແຂວງ, ລວມທັງໝົດຈຳນວນ 90 ກວ່າຮ້ານ,  ໃນນີ້: ຮ້ານບໍລິການນໍ້າຊາ 12 ຮ້ານ, ຮ້ານສິນຄ້າໂອດອບ ແລະ ສິນຄ້າທ່າແຮງ 13 ຮ້ານ, ຮ້ານຂາຍສິນຄ້າທົ່ວໄປ 18 ຮ້ານ ແລະ ຮ້ານຕະຫຼາດນັດເຄື່ອນທີ່ 52 ຮ້ານ; ສິນຄ້າໜຶ່ງເມືອງໜຶ່ງຜະລິດຕະພັນ (ODOP) ທີ່ນຳມາວາງສະແດງ ລວມທັງໝົດມີ 19 ກາໝາຍຄື: ຊາບັ້ງ ບ້ານລຸ້ງຈີງ, ຊາພຽງໂມຢາ ບ້ານບໍກົ້ງ, ຊາຂຽວຜົ້ງສາລີ, ຊາພະຍາສີ ໂຮງງານປຸງແຕ່ງຊາສົມນຶກ ລາວຖັງ, ຊາແສງຄໍາ ລາວລີ, ຊາແຊວໂຮແປນ, ເຫຼົ້າຂຽວ, ນໍ້າເຜີ້ງທໍາມະຊາດ ບ້ານແສນລາດ, ໄຄແຜນບ້ານສິນໄຊ, ເສັ້ນສະຄຸບ້ານພຽງໄຊ, ແຈ່ວໃບເຢີມ, ເສັ້ນເຟີ ແລະ ເສັ້ນເຂົ້າປຸ້ນສ່ວນບຸກຄົນ, ໜໍ່ໄມ້ເມືອງຂວາ, ແຈ່ວຂາບ້ານນາໄຊ,  ໝາກຂາມປ້ອມອົບແຫ້ງ, ຫັດຖະກໍາຕໍາແຜ່ນແພ ບ້ານລ້ອງນາຍເກົ່າ,  ຫັດຖະກໍາຕໍາຫຸກທໍໄໝບ້ານຫ້ວຍດອຍ,  ຫັດຖະກໍາໄມ້ປ່ອງບ້ານຕ້າງ, ໄມ້ຖູ່, ໄມ້ປ່ອງກາໄມ້ຊາງຄໍາ.

     

ໃນໂອກາດທີມີຄວາມໝາຍຄວາມສຳຄັນຄັ້ງນີ້, ທ່ານ ຄຳຜອຍ ວັນນະສານ ເລຂາພັກແຂວງ, ເຈົ້າແຂວງຜົ້ງສາລີ ກໍ່ໄດ້ຂຶ້ນມີຄຳເຫັນກ່າວເປີດພິທີຈັດງານເທສະການອາຫານ ແລະ ດື່ມນໍ້າຊາ ເພື່ອລະດົມທືນຊ່ວຍເຫຼືອຜູ້ທຸກຍາກຢູ່ແຂວງຜົ້ງສາລີຢ່າງເປັນທາງການ.

     ພ້ອມກັນນັ້ນ, ບັນດາແຂກທີ່ເຂົ້າຮ່ວມງານກໍ່ໄດ້ພ້ອມກັນຊີມລົດຊາດອາຫານພື້ນເມືອງຂອງບັນດາເຜົ່າ ຈຳນວນ 15 ຊົນເຜົ່າ ແລະ ດື່ມນ້ຳຊາ ທີ່ມີຫຼາຍລົດຊາດເຊັ່ນ: (ຊາແດງ, ຊາຂຽວ ແລະ ຊາຂາວ) ຊຶ່ງລ້ວນແຕ່ເປັນຜະລິດຕະພັນຈາກສວນຊາທໍາມະຊາດ 100% ຊຶ່ງໄດ້ຮັບການປຸງແຕ່ງ, ແປຮູບຈາກຜູ້ປະກອບການທຸລະກິດທັງພາຍໃນ ແລະ ຕ່າງປະເທດ ທີ່ເຄີຍໄດ້ຮັບລາງວັນຊາດີເດັ່ນທີ່ຮົງກົງ ສປ ຈີນ ມາແລ້ວ. ນອກຈາກຍັງໄດ້ທ່ຽວຊົມງານຕະຫຼາດນັດ, ງານວາງສະແດງສິນຄ້າ ແລະ ຜະລິດຕະພັນຊົນເຜົ່າ ລວມທັງສິນຄ້າກະສິກຳ, ອຸດສະຫະກຳ, ຫັດຖະກຳຕໍ່າຫຸກທໍ່ໄໝ, ເຄື່ອງຫັດຖະກຳຈັກສານໄມ້ປ່ອງ ທີ່ເປັນເອກະລັກຫຼາກຫຼາຍປະເພດ ຂອງປະຊາຊົນບັນດາເຜົ່າທີ່ນຳມາຈາກ ບັນດາເມືອງພາຍໃນແຂວງນໍາອີກ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

202667
ມື້ນີ້ມື້ນີ້158
ມື້ວານນີ້ມື້ວານນີ້136
ອາທິດນີ້ອາທິດນີ້117
ເດືອນນີ້ເດືອນນີ້4719
ທັງໝົດທັງໝົດ202667

ກິດຈະກຳ