ກອງປະຊຸມໃຫຍ່ສະມາຊິກພັກ ຄັ້ງທີ VIII ໜ່ວຍພັກ ຈັດຕັ້ງ, ກວດກາ ແລະ ຄະນະໂຄສະນາອົບຮົມເມືອງໃໝ່
ກອງໄດ້ໄຂຂື້ນໃນຕອນເຊົ້າຂອງວັນທີ 07 ມິຖຸນາ 2024 ນີ້ ທີ່ສະໂມສອນໃຫຍ່ ເມືອງໃໝ່ ແຂວງຜົ້ງສາລີ ໂດຍການເປັນປະທານຂອງ ສະຫາຍ ບຸນ ສູນວິເລີດ ກຳມະການປະຈຳພັກເມືອງ, ຮອງເລຂາຄະນະບໍລິຫານງານພັກເມືອງ, ຜູ້ຊີ້ນຳວຽກງານພັກພະນັກງານ, ມີສະຫາຍ ສົມໝາຍ ສີປະເສີດ ກຳມະການປະຈຳພັກເມືອງ ຫົວໜຄະນະຈັດຕັ້ງເມືອງ ແລະ ສະຫາຍ ສົມປານ ຈັນນທະລາ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ, ມີບັນດາສະຫາຍ ເລຂາໜ່ວຍພັກ ອ້ອມຂ້າງເມືອງ ຕະຫຼອດຮອດຄະນະໜ່ວຍພັກ, ສະມາຊິກພັກ ຈັດຕັ້ງ-ກວດກາ ເຂົ້າຮ່ວມທັງໝົດ 48 ສະຫາຍ ຍິງ 10 ສະຫາຍ.
ໃນທາມກາງທີ່ທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ ພວມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີ ໄລຍະທ້າຍການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XIV ຂອງອົງຄະນະພັກເມືອງໃໝ່ ແລະ ມະຕິກອງປະຊຸມໃຫຍ່ຄັ້ງທີ VII ຂອງໜ່ວຍພັກ ຈັດຕັ້ງ-ກວດກາ ໃນໂອກາດນີ້ ສະຫາຍ ສົມປານ ຈັນທະລາ ໄດ້ຂື້ນມີຄຳເຫັນກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານບົດລາຍງານການເມືອງສອງພາກຂອງການຈັດຕັ້ງປະຕິບັດ ແລະ ດຳເນີນຊີວິດການເມືອງຕະຫຼອດໄລຍະ 5 ປີ ທີ່ຜ່ານມາ ເຊິ່ງໄດ້ໃຫ້ຮູ້ວ່າ: ໜ່ວຍພັກ ຈັດຕັ້ງ-ກວດກາ ເປັນໜ່ວຍພັກເອກກະລາດ ຂຶ້ນກັບການຈັດຕັ້ງພັກໂດຍກົງ ມີ 3 ຫ້ອງການຂື້ນກັບ ມີຫ້ອງການຄະນະຈັດຕັ້ງພັກ, ອົງການກວດກາພັກ-ລັດ ແລະ ຄະນະໂຄສະນາອົບຮົມເມືອງ ມີພະນັກງານທັງໝົດ 21 ຄົນ ຍິງ 7 ຄົນ, ມີສະມາສິກພັກ 20 ສະຫາຍ ຍິງ 7 ສະຫາຍ, ມີຄະນະໜ່ວຍ 3 ສະຫາຍ ຍິງ 1 ສະຫາຍ, ໃນຕະ ຫຼອດໄລຍະ 5 ປີ ທີຜ່ານມາ ໄດ້ສົ່ງພະນັກງານ ໄປຮຽນທິດສະດີຂັ້ນກາງພາຍໃນແຂວງ 3 ສະຫາຍ ຍິງ 1 ສະຫາຍ, ສົ່ງຮຽນພາສາຫວຽດ ໄລຍະ 9 ເດືອນ ຢູ່ ສສ ຫວຽດນາມ 1 ສະຫາຍ, ສົ່ງຮຽນທິດສະດີຂັ້ນສູງ ແລະ ວິຊາສະເພາະຂັ້ນປະລິນຍາຕີ ຢູ່ ສສ ຫວຽດນາມ 1 ສະຫາຍ.
ພ້ອມນັ້ນຜູ້ແທນກອງປະຊຸມກໍໄດ້ພ້ອມກັນມີຄຳເຫັນຢ່າງກົງໄປກົງມາ ຈາກນັ້ນຄະນະໜ່ວຍພັກຊຸດເກົ່າຂື້ນກ່າວລາຕຳແໜງ ແລະ ຜ່ານມະຕິຕົກລົງຂອງທ່ານເຈົ້າວ່າດ້ວຍການແຍກໜ່ວຍພັກ ເລກທີ 067/ຄພມ ລົງວັນທີ 04/06/2024, ຜ່ານມະຕິຕົກລົງການສ້າງໜ່ວຍພັກ ແລະ ຜ່ານມາດຖານເງືອນຜູ້ຮັບສະໜັກເລືອດຕັ້ງ ພ້ອມທັງຈັດພິທີປ່ອມບັດເລືອດຕັ້ງຄະນະຊຸດໃໝ່ ໃນກອງປະຊຸມຄັ້ງປະຖົມມະລຶກ ໄດ້ຄັດເລືອກເອົາ ສະຫາຍ ສົມໝາຍ ສີປະເສີດ ເປັນເລຂາໜ່ວຍພັກ ແລະ ສະຫາຍ ນ ສົມແພງ ແກ້ວສຸດທິລາດ ເປັນ ຮອງເລຂາ ໜ່ວຍພັກຄະນະຈັດຕັ້ງ, ເລືອກເອົາ ສະຫາຍ ສົມປານ ຈັນນທະລາ ເປັນ ເລຂາໜ່ວຍພັກ ແລະ ສະຫາຍ ນ ທອງສີ ຄຸນສົມເຮືອງ ຮອງເລຂາໜ່ວຍພັກໂຄສະນາອົບຮົມ ແລະ ເລືອກເອົາ ສະຫາຍ ວົງ ວິໄລພອນ ເປັນເລຂາໜ່ວຍພັກ ແລະ ສະຫາຍ ຄຳພອນ ນິດທະວົງ ເປັນຮອງເລຂາໜ່ວຍພັກກວດກາພັກ-ລັດ.
ໃນຕອນທ້າຍກອງປະຊຸມ ສະຫາຍ ບຸນ ສູນວິເລລີດ ໄດ້ຂື້ນມີຄຳເຫັນ ກ່ອນອື່ນກໍໄດ້ຍ້ອງຍໍຜູ້ແທນກອງທີໄດ້ເອົາໃຈໃສ່ຮັບຟັງ ການນຳສະເໜີບັນດາເອກະສານດ້ວຍຄວາມຕັ້ງໃຈ ຈົນເຮັດໃຫ້ກອງປະຊຸມມີຜົນສຳເລັດອັນຈົບງາມ ນອກນັ້ນຍັງໄດ້ເນັ້ນໜັກ ເລຂາໜ່ວຍພັກ, ຄະນະໜ່ວຍພັກ ຕະຫຼອດນອດສະມາຊິກທຸກສະຫາຍ ຈົ່ງເອົາໃຈໃສ່ເຊື້ອມຊຶມກຳແໜ້ນແນວທາງນະໂຍບາຍຂອງພັກ, ມະຕິ, ຄຳສັ່ງ, ລະບຽບກົດໝາຍຂອງລັດ ແລະ ບັນດານິຕິກຳຕ່າງໆຂອງຂັ້ນເທິງວາງອອກ ໃຫ້ບັນດາສະມາສິກພັກ, ພະນັກງານ-ລັດຖະກອນ ໃຫ້ຮັບຮູ້ເຂົ້າຢ່າງເລິກເຊິ່ງ, ທົ້ວເຖິງ ແລະ ຮອບດ້ານ ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກໃຫ້ໜັກແໜ້ນຂື້ນກວ່າເກົ່າ, ນຳພາ-ຊີ້ນຳ ສະມາຊິກໃຫ້ມີຄວາມເຂັມແຂງ ແລະ ດຳລົງຊີວິດແບບປອດໃສຂາວອາດ.
(ພາບ ຂ່າວ: ວັນວິໄລ ຖວທ)