ໜ່ວຍພັກຄະນະໂຄສະນາອົບຮົມແຂວງຜົ້ງສາລີ
ເປີດຮຽນເອກະສານສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກງານຫຼັກແຫຼ່ງ
ເພື່ອດຳເນີນກອງປະຊຸມໃຫຍ່ 3 ຂັ້ນ ຂອງພັກ
ເພື່ອປະຕິບັດ ຕາມຄຳແນະນຳຂອງຂອງຄະນະໂຄສະນາອົບຮົມແຂວງ ສະບັບເລກທີ 202/ຄອຂ, ລົງວັນທີ 10 ມິຖຸນາ 2024 ກ່ຽວກັບການນຳໃຊ້ເອກະສານສຶກສາອົບຮົມການເມືອງ-ແນວຄິດ ສຳລັບ ສະມາຊິກພັກ, ພະນັກງານຫຼັກແຫຼ່ງ ເພື່ອດຳເນີນກອງປະຊຸມໃຫຍ່ຂອງພັກ 3 ຂັ້ນ.
ໃນຕອນເຊົ້າຂອງວັນທີ 19 ມິຖຸນາ 2024 ຜ່ານມານີ້ ໜ່ວຍພັກຄະນະໂຄສະນາອົບຮົມແຂວງ ໄດ້ເປີດຮຽນການນຳໃຊ້ເອກະສານສຶກສາອົບຮົມການເມືອງ-ແນວຄິດ ສຳລັບສະມາຊິກພັກ, ພະນັກງານຫຼັກແຫຼ່ງ ເພື່ອດຳເນີນກອງປະຊຸມໃຫຍ່ຂອງພັກ 3 ຂັ້ນ ນະທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ໂດຍການເປັນປະທານຂອງ ສະຫາຍ ນ. ຈັນມະນີ ນາມວົງ, ກຳມະການພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ພ້ອມດວ້ຍສະມາຊິກພັກ, ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ມີສະມາຊິກພັກ, ພະນັກງານ-ລັດຖະກອນ ເຂົ້າຮ່ວມທັງໜົດ 15 ສະຫາຍ, ຍິງ 9 ສະຫາຍ.
ການເຊື່ອມຊຶມຄັ້ງນີ້ ກໍເພື່ອສຶກສາອົບຮົມການເມືອງ-ແນວຄິດ ໃຫ້ເປົ້າໝາຍ ທີ່ຈະກະກຽມເຂົ້າຄັດເລືອກເປັນຄະນະພັກໃນແຕ່ລະຂັ້ນທີ່ຈະດຳເນີນກອງປະຊຸມໃຫຍ່ຂອງຂັ້ນຕົນ ໄດ້ມີຄວາມຮັບຮູ້-ເຂົ້າໃຈ ຕໍ່ຄວາມໝາຍຄວາມສຳຄັນຂອງກອງປະຊຸມໃຫຍ່ 3 ຂັ້ນຂອງພັກ; ກຳແໜ້ນເຖິງການຍົກສູງບົດບາດການນຳພາຂອງພັກ ເຂົ້າໃນວຽກງານຕ່າງໆ.
ໃນນີ້ຄະນະຈັດຕັ້ງ ໄດ້ສະເໜີຈຸດປະສົງ ແລະ ເປົ້າໝາຍ ໃນການນຳໃຊ້ເອກະສານສຶກສາອົບຮົມການເມືອງ-ແນວຄິດ 4 ບົດ ສໍາລັບສະມາຊິກພັກ, ພະນັກງານຫຼັກແຫຼ່ງ ເພື່ອດຳເນີນກອງປະຊຸມໃຫຍ່ຂອງພັກ 3 ຂັ້ນ ໃຫ້ກຽດຂຶ້ນສະເໜີເອກະສານບົດທີ 1: ຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍສະຫາຍ ບຸນສຸລີ ໂລມາ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ; ບົດທີ 2 ແລະ ບົດທີ 3 ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ໂດຍກຽດຂຶ້ນສະເໜີໂດຍ ສະຫາຍ ນາງ ຈັນມະນີ ນາມວົງ, ກຳມະການພັກແຂວງ, ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ແລະ ບົດທີ 4 ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ, ສະມາຊິກພັກ ໂດຍໃຫ້ກຽດຂື້ນເປີດຮຽນເຊື່ອມຊຶມສະຫາຍ ນາງ ວັນເຮືອງ ສໍດາລາ ກຳມະການຄະນະພັກໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ.
ໃນຕອນທ້າຍ ສະຫາຍ ນ.ຈັນມະນີ ນາມວົງ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ຍັງໄດ້ໂອ້ລົມຕໍ່ສະມາຊິກພັກ, ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ກ່ອນອື່ນທ່ານສະແດງຄວາມຍ້ອງຍໍຊົມເຊີຍຕໍ່ສະມາຊິກພັກ,ພະນັກງານ-ລັດ ຖະກອນ ທີ່ໄດ້ເອົາໃຈໃສ່ໃນການເຂົ້າຮ່ວມການເປີດຮຽນການນຳໃຊ້ເອກະສານສຶກສາອົບຮົມການເມືອງ-ແນວຄິດ ສຳລັບສະ ມາຊິກພັກ, ພະນັກງານຫຼັກແຫຼ່ງ ເພື່ອດຳເນີນກອງປະຊຸມໃຫຍ່ຂອງພັກ 3 ຂັ້ນ. ຊຶ່ງການໂອ້ລົມຂອງທ່ານ ໄດ້ເນັ້ນໜັກການຍົກສູງສະຕິປະຕິບັດກົດລະບຽບຂອງພັກ, ກົດໝາຍຂອງລັດ ແລະ ລະບຽບການທີ່ກ່ຽວຂ້ອງຢ່າງເຂັ້ມງວດ ພ້ອມທັງຍົກສູງບົດບາດ, ຄວາມສາມາດນຳພາຂອງພັກ ແລະ ເຊີດຊູຄວາມສັັກສິດໃນການຄູ້ມຄອງຂອງລັດ ແລະ ຍົກສູງຄວາມຮັບຜິດຊອບ, ປະຕິບັດໜ້າທີ່ດວ້ຍຄວາມບໍລິສຸດ, ທ່ຽງທຳ, ພະວະວິໄສ ຕ້ານ ແລະ ສະກັດກັ້ນປະກົດການຫຍໍ້ທໍ້ ທີ່ສ້າງຜົນເສຍຫາຍຕໍ່ບົດບາດການນຳພາຂອງພັກ ແລະ ການຄຸ້ມຄອງຂອງລັດ ແລະ ພ້ອມກັນຈັດຕັ້ງປະຕິບັດຕາມທິດທາງປະຊາຊົນຮັ່ງມີ-ຜ່າສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ.
ການເຊື່ອມຊຶມຄັ້ງນີ້ໄດ້ດຳເນີນໄປເປັນເວລາ 1 ວັນ ແລະ ອັດລົງດ້ວຍຜົນສຳເລັດຢ່າງດີ.