ເມືອງບຸນໃຕ້ ປາຖະກະຖາ 4 ວັນປະຫວັດສາດສໍາຄັນ ປະຈໍາເດືອນ ສິງຫາ 2024
ໃນຕອນເຊົ້າຂອງວັນອັງຄານ ວັນທີ 16 ກໍລະກົດ 2024 ນີ້ຢູ່ທີ່ສະໂມສອນຫ້ອງວ່າການເມືອງບຸນໃຕ້ ໄດ້ຈັດພິທີປາຖະກະຖາ ວັນເກີດທ່ານ ປະທານ ສຸພານຸວົງ ຄົບຮອບ 115 ປີ, ວັນເຊັນສັນຍາມິດຕະພາບ – ການຮ່ວມມື ແລະ ວັນສ້າງສາຍພົວພັນການທູດ ລາວ – ຫວຽດນາມ ຄົບຮອບ 47 ປີ ແລະ ຄົບຮອບ 62 ປີ;ຂື້ນຢ່າງເປັນທາງການນະທີ່ຫ້ອງປະຊຸມສະໂມສອນໃຫ່ຍ ຂອງເມືອງບຸນໃຕ້ ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ສານມະນີ ອິນດາວົງ ຮອງເລຂາພັກເມືອງ, ຜູ້ຊີ້ນຳວຽກງານພັກ - ພະນັກງານ, ມີບັນດາທ່ານຄະນະປະຈຳພັກເມືອງ, ກຳມະການປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຄະນະກອງບັນຊາການ ປກຊ – ປກສ ເມືອງ, ອຳນວຍການໂຮງຮຽນ,ໂຮງໝໍ, ລັດວິສາຫະກິດ, ພະນັກງານ – ລັດຖະກອນ, ອ້ອຂ້າງເທດສະບານເມືອງ ເຂົ້າຮ່ວມຮັບຟັງທັງໝົດ 100 ຄົນ,ຍິງ 54 ຄົນ, ສະມາຊິກພັກ 79 ສະຫາຍ, ຍິງ 37 ສະຫາຍ.
ທ່ານ ອູ່ນແປງ ທຳມະໂນໄຊ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ ໄດ້ຂຶ້ນເລົ່າມູນເຊື້ອ ວັນເຊັນສັນຍາມິດຕະພາບ-ການ ຮ່ວມມື ແລະ ວັນສ້າງສາຍພົວພັນການທູດ ລາວ – ຫວຽດນາມ ຄົບຮອບ 47 ປີ ແລະ ຄົບຮອບ 62 ປີ; ນັບແຕ່ໄລຍະໃຕ້ການນຳພາຂອງພັກກອມກູນິດອິນດູຈີນ, ຕ້ານການຮຸກຮານຂອງລັດທິ່ລ່າເມືອງຂື້ນແບບໃໝ່ເພື່ອການປົດປ່ອຍ ແລະ ການພົວພັນລາວ – ຫຽດນາມ ແມ່ນການພົວພັນສາມາຄີແບບພິເສດ ສຶບຕໍ່ເນື້ອງແຫ່ງຄວາມສາມັກຄີ, ຊ່ວຍເຫຼືອຮ່ວມມືກັນທີ່ມາດົນນານ ເຖິງປະຈຸບັນ.
ທ່ານ ສານມະນີ ອິນດາວົງ ຮອງເລຂາພັກເມືອງ ຜູ້ຊີ້ນຳວຽກງານພັກ - ພະນັກງານ ຂື້ນເລົ່ມູນເຊື້ອ ວັນເກີດທ່ານ ປະທານ ສຸພານຸວົງ ຄົບ ຮອບ 115 ປີ, ໃນຄັ້ງນີ້ການເຄື່ອນໄຫວປະຕິວັດຂອງທານ ປະທານ ສຸພານຸວົງ, ແຜ່ນດີນລາວຕ້ອງແມ່ນຄົນລາວເປັນເຈົ້າຂອງ ສະນັ້ນທຸກຄົນພວກເຮົາສາມັກຄີກັນໂຮມແຮງກັນຕໍ່ສູ້ກູ້ຊາດອັນຮັກແສນຮັກຂອງພວກເຮົາຄືນມາໃຫ້ໄດ້, ຂະບວນການຕໍ່ຕ້ານລ່າເມືອງຂຶ້ນຟຣັ່ງເພື່ອປົດປ່ອຍຊາດຂອງປະຊາຊົນຍັງຄົງດຳເນີນສືບຕໍ່ໄປຈົນວັນໄຊຊະນະສຸດທ້າຍ, ເພີ່ມພູນຄຸນສ້າງ ແລະ ຮໍ່າຮຽນເອົາແບບຢ່າງຄຸນງາມຄວາມດີຂອງປະທານ ສຸພານຸວົງ ມາເຖິງປະຈຸບັນ.
ໃນພິທີ ທີ່ມີຄວາມໝາຍຄວາມສຳຄັນໃນຄັ້ງນີ້ ວັນເກີດທ່ານ ປະທານ ສຸພານຸວົງ ຄົບຮອບ 115 ປີ ແລະ ວັນເຊັນສັນຍາມິດຕະພາບ – ການຮ່ວມມື ແລະ ວັນສ້າງສາຍພົວພັນການທູດ ລາວ – ຫວຽດນາມໄດ້ມີທັດສະນະໂອ້ລົມຕໍ່ພິທີປາຖະກະຖາ ດ້ານການເມືອງ – ແນວຄິດ ໃຫ້ພະນັກງານ – ລັດຖະກອນຜົນງານທີ່ດີພົ້ນເດັ່ນ ຂອງການການຈັດຕັ້ງ ແລະ ການເຄື່ອນໄຫ່ວຂອງທ່ານ ປະທານ ສຸພາສຸວົງ ແລະ ຄວາມສາມັກຄີລາວ – ຫວຽດນາມ ທີມີຄວາມໜາຍຄວາມສຳຄັນ, ເອົາສະພາບຈິງບ່ອນອີງ, ເພື່ອເຮັດສຳເລັດຫນ້າທີ່ ທີ່ມີກຽດສະຫງ່າຂອງຊາດລາວ.