ຄະນະໂຄສະນາອົບຮົມເມືອງຂວາ
ເປີດການຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ທີ່ຈະຂະ ຫຍາຍເຂົ້າເປັນສະມາຊິກພັກຊຸດທີ 01 ປີ 2025
ໃນຕອນເຊົ້າ ຂອງວັນທີ 21 ກຸມພາ 2025 ນີ້ ຢູ່ທີ່ຫ້ອງປະຊຸ່ມ ຂອງຄະນະຈັດຕັ້ງເມືອງຂວາ ໄດ້ຈັດພິິທີ ເປີດການຮຽນສະໜັບສະໜູນມະຫາໃຫ້ຊົນຜູ້ທີ່ຈະ ຂະຫຍາຍເຂົ້າເປັນສະມາຊິກພັກ ຢ່າງເປັນທາງການ ໂດຍການເປັນປະທານ ຂອງທ່ານ ແສງສຸລີ ວົງສະຫວັນ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ ມີບັນດາມະຫາຊົນທີ່ກາວໜ້າຂອງບັນດາຫ້ອງການອ້ອມຂ້າງ ແລະ ບ້ານພາຍໃນເທດສະບານ ເຂົ້າຮ່ວມທັງໝົດ 21 ສະຫາຍ, ຍິິງ 08 ສະຫາຍ. ໃນພິທີ ທ່ານ ທອງສະຫວັນ ວົງມະນີ ຮອງຫົວໜ້າຄະນະໂຄສະນາອົບຮົມເມືອງໄດ້ຂື້ນສະເໜີຈຸດປະສົ່ງໃນການເປີດຮຽນນສະໜັບສະໜູນ ພ້ອມທັງຜ່ານມະຕິ ຂອງຄະນະປະຈໍາພັກເມືອງ ເລກທີ 09/ຄພມ. ເມືອງຂວາ, ລົງວັນທີ 05 ກຸມພາ 2022 ວ່າດ້ວຍການອະນຸມັດເປີດຮຽນສະໜັບສະໜູນມະຫາຊົນຜູ້ທີ່ຂະຫຍາຍເຂົ້າເປັນສະມາຊິກພັກ.
ຈາກນັ້ນ, ທ່ານປະທານພິທີ ກໍ່ໄດ້ຜ່ານຄໍາແນະນໍາ ຂອງຄະນະໂຄສະນາອົບຮົມສູນກາງພັກ ສະບັບເລກທີ 16/ ຄອສພ, ນະຄອນຫຼວງວຽງຈັນ, ວັນທີ 07 ກໍລະກົດ 2021 ກ່ຽວກັບການນໍາໃຊ້ເອກະສານອົບຮົມມະຫາຊົນທີ່ຂະຫຍາຍເຂົ້າເປັນສະມາຊິກພັກ ເຊິ່ງຄໍາແນະນໍາດັ່ງກ່າວປະກອບມີ 13 ຄໍາຖາມ ພ້ອມທັງຄໍາຕອບ ແລະ ໃນແຕ່ລະຂໍ້ນັ້ນທາງປະທານພິທີ ກໍ່ໄດ້ອະທິບາຍ, ຊີ້ແຈ້ງຢ່າງລະອຽດ ແລະ ໃຫ້ມະຫາຊົນທີ່ຈະຂະຫຍາຍເຂົ້າເປັນສະມາຊິກພັກສຶກສາ, ຄົ້ນຄ້ວາ. ເຊິ່ງໃນບາງຕອນທ່ານຍັງໄດ້ໃຫ້ຮູ້ວ່າ: ພັກປະຊາຊົນປະຕິິວັດລາວ ແມ່ນກອງນໍາໜ້າທີ່ມີການຈັດຕັ້ງ ແລະ ກໍ່ແມ່ນການຈັດຕັ້ງການເມືອງສູງສຸດ ຂອງຊົນຊັ້ນກໍາມະກອນ ແລະ ຂອງລະບອບປະຊາທິປະໄຕ ປະຊາຊົນລາວ, ເປັນຕົວແທນທີ່ຈົ່ງຮັກພັກດີຢ່າງສະເໜີຕົ້ນສະເໜີປາຍຕໍ່ສິດ ແລະ ຜົນປະໂຫຍດຂອງຊົນຊັ້ນກໍາມະກອນ, ຊາວຜູ້ອອກແຮງງານລາວ ແລະ ຂອງຊາດລາວທັງໝົດ, ພັກປະຊາຊົນປະຕິິິວັດລາວສ້າງຕັ້ງຂື້ນ ເພື່ອນໍາພາປວງຊົນລາວທັງຊາດ ຕໍ່ສູ້ຍາດເອົາເອກະລາດ ອໍານາດອະທິປະໄຕຂອງຊາດ ແລະ ສິດເປັນເຈົ້າຂອງປະຊາຊົນ, ດໍາເນີນພາລະກິດປ່ຽນແປງໃໝ່ຮອບດ້ານທີ່ມີຫຼັກການໃໝ່ຂອງພັກ ປົກປັກຮັກສາປະເທດຊາດໄວ້ໃຫ້ໝັນຄົງ, ກໍ່ສ້າງລະບອບປະຊາທິປະໄຕປະຊາຊົນ ໃຫ້ບັນລຸຕາມຈຸດໝາຍສັງຄົມນິຍົມ, ນອກນີ້, ທ່ານຍັງໄດ້ເນັ້ນໜັກໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກໃຫ້ກໍາແໜ້ນບັນດາເນື້ອໃນບົດຮຽນດັ່ງກ່າວ, ເອົາໃຈໃສ່ເຝິກຟົນຫຼໍຫຼອມຕົນເອງ, ຮໍ່າຮຽນເອົາແນວທາງນະໂຍບາຍຂອງພັກເພື່ອໝູນໃຊ້ໃຫ້ຖືກຕ້ອງ. ພ້ອມນັ້ນ,ປະທານພິທີກໍ່ໄດ້ມອບໃບຢັ້ງຢືນຮຽນສະໜັບສະໜູນໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກຈໍານວນ 21 ສະຫາຍ, ຍິງ 08 ສະຫາຍ.
