ກອງປະຊູມຄົບຄະນະບໍລິຫານງານພັກເມືອງສໍາພັນ ຄັ້ງທີ 4 ສະໄໝທີ 15
ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 13 ມີນາ 2026 ຜ່ານມານີ້ ຢູ່ທີສະໂມສອນເມືອງສຳພັນ ແຂວງຜົ້ງສາລີ ໂດຍພາຍໃຕ້ຕການເປັນປະທານຂອງສະຫາຍ ຫຸມເພັງ ຈອມວິສານ ກຳມະການປະຈຳພັກແຂວງ, ປະທານແນວລາວສ້າງຊາດແຂວງ ທັງເປັນຜູ້ຊີ້ນຳວຽກງານຮອບດ້ານຂອງເມືອງສຳພັນ, ມີສະຫາຍ ທອງຕື ເກຍສະບົງ ກໍາມະການພັກແຂວງ, ເລຂາພັກເມືອງ, ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ທີມງານຂອງແຂວງ ແລະ ອົງການທີ່ກ່ຽວຂ້ອງເຂົ້າຮ່ວມ.
ໃນປະຊູມສະຫາຍ ທອງຕື ເກຍສະບົງ ກຳມະການພັກແຂວງ ເລຂາພັກເມືອງ ມີຄຳເຫັນຊີ້ນຳ ແລະ ກ່າວເປິດກອງປະຊຸມ ວ່າ: ກອງປະຊຸມຄົບຄະນະບໍລິຫານງານພັກເມືອງສໍາພັນ ຄັ້ງທີ 4 ສະໄໝທີ 15 ໃນຄັ້ງນີ້ ແມ່ນຈະໄດ້ຮັບຟັງການຕີລາຄາ, ການປະກອບຄໍາເຫັນ ຕໍ່ການປະຕິບັດໜ້າທີ່ ແລະ ຄວາມຮັບຜິດຊອບ ຂອງບັນດາສະຫາຍຄະນະບໍລິຫານງານພັກເມືອງ ສະໄໝທີ 15 ໃຫ້ມີເນື້ອໃນເລິກເຊິ່ງ,ຕີລາຄາໄດ້ຢ່າງພາວະວິໄສ,ຖືກຕ້ອງ,ຊັດເຈນ ແລະ ສອດຄ່ອງກັບຄວາມເປັນຈິງ ກ່ຽວກັບຜົນສໍາເລັດ,ດ້ານດີ,ດ້ານອ່ອນຂໍ້ຄົງຄ້າງ ໃນການນໍາພາ-ຊີ້ນໍາ ຂອງບັນດາສະຫາຍໃນຄະນະບໍລິຫານງານພັກເມືອງ ສະໄໝທີ 15. ທັງນີ້ ກໍເພື່ອເປັນພື້ນຖານ,ບ່ອນອີງ ແລະ ເຮັດໃຫ້ການນໍາພາ-ຊີ້ນໍາ ຂອງບັນດາສະຫາຍໃນຄະ ນະບໍລິຫານງານພັກເມືອງ ໃນສະໄໝໜ້ານີ້ ໃຫ້ມີປະສິດທິຜົນດີຂຶ້ນກວ່າເກົ່າ. ຈາກນັ້ນ,ບັນດາສະຫາຍຄະນະບໍລິຫານງານພັກເມືອງສໍາພັນ ໄດ້ຜັດປ່ຽນກັນປະກອບຄໍາເຫັນ ຕໍ່ການນໍາພາ-ຊີ້ນໍາ ຂອງບັນດາສະຫາຍໃນຄະນະບໍລິຫານງານພັກເມືອງ ສະໄໝທີ 15 ຢ່າງກົງໄປກົງມາ ແລະ ຮັບຮອງເອົາແຜນວຽກຈຸດສູມປີ 2026.
ຕ້ອນທ້າຍຂອງກອງປະຊຸມໄດ້ຮັບຝັງການໂອລົມຂອງສະຫາຍ ຫຸມເພັງ ຈອມວິສານ ກຳມະການປະຈຳພັກແຂວງ, ປະທານແນວລາວສ້າງຊາດແຂວງ ຊຶ່ງສະຫາຍໄດ້ຮຽກຮ້ອງ ໃຫ້ບັນດາສະຫາຍຄະນະພັກ, ຄະນະປະຈຳ ສືບຕໍ່ຍົກສູງຄວາມສາມາດນໍາພາຂອງຄະນະພັກ ດ້ວຍການກຳແໜ້ນແນວທາງມະຕິ, ຄໍາສັ່ງ, ສິດໜ້າທີ່ຂອງແຕ່ລະພາກສ່ວນໃຫ້ເລິກເຊິ່ງ.ສືບ ຕໍ່ເອົາໃຈໃສ່ຖືເອົາວຽກງານສຶກສາອົບຮົມການເມືອງແນວຄິດເປັນກົກ,ນຳເອົາແນວທາງ,ແຜນນະໂຍບາຍ,ມະຕິ ຄໍາສັ່ງ,ຂໍ້ກຳນົດລະບຽບການຂອງພັກ, ກົດໝາຍຂອງລັດ ມູນເຊື້ອຕ່າງໆມາສຶກສາອົບຮົມໃຫ້ພະນັກງານສະມາຊິກພັກ, ນາຍ ແລະ ພົນທະຫານ, ຕຳຫຼວດ, ປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈ,ສືບຕໍ່ຈັດຕັ້ງປະຕິບັດຕໍ່ຍຸດທະສາດຂອງພັກ ຫັນເອົາຄໍາສັ່ງແນະນໍາ ຂອງກົມການເມືອງສູນກາງພັກວ່າ ດ້ວຍມາດຕາການຫັນລົງກໍ່ສ້າງຮາກຖານການເມືອງພັດທະນາຊົນນະ ບົດຮອບດ້ານ, ຄວາມຕື່ນຕົວ ການເມືອງຂອງພະນັກງານ-ສະມາຊິກພັກ ຕິດພັນກັບການປະຕິບັດວຽກງານ ປກຊ-ປກສ, ການພັດທະນາ ເສດຖະກິດ-ສັງຄົມ, ວຽກງານພົວພັນຮ່ວມມືກັບຕ່າງປະເທດຢ່າງກົມກຽວ, ປະຕິບັດວຽກງານວາລະແຫ່ງ ຊາດ ວ່າດ້ວຍການຕ້ານ ແລະ ສະກັດກັ້ນຢາເສບຕິດ ກຳ ແໜ້ນສະພາບການຕ່າງໆຂອງປະຊາຊົນ ແລະ ສົມທົບກັບ ອໍານາດການປົກຄອງທ້ອງຖິ່ນ ເພື່ອພ້ອມກັນແກ້ໄຂປະກົດການຫຍໍ້ທໍ້ຕ່າງໆໃນຄວາມ ຮັບຜິດຊອບໃຫ້ມີຄວາມສະຫງົບດີຂຶ້ນເລື່ອຍໆ.